ഈ കഥയിൽ ആദ്യം നടന്നതും പിന്നെ നടന്നതുമായ സംഭവങ്ങൾ ക്രമമായി പറയുക ബുദ്ധിമുട്ടാണ്. എന്തെന്നാൽ ഏത് സംഭവമാണ് ആദ്യം നടന്നത് എന്നതിന് ഡയറിയോ മറ്റ് രേഖകളോ ഇല്ല.
ശ്യാം ശാലിനിയുടെ മായവലയത്തിൽ ആയതിനു ശേഷം പല സംഭവങ്ങളും ആ നാട്ടിൽ സംഭവിച്ചു.
പഠനത്തിന്റെ ഒരു കാലഘട്ടത്തിൽ ശാലിനിക്ക്ക്ക് പഠിക്കുന്ന കോളേജ് മാറേണ്ടിവന്നു. ശ്യാമിനും പല മാറ്റങ്ങളും സംഭവിച്ചു. അത് ചരിത്രം, അതിനിവിടെ വലിയ പ്രസക്തിയൊന്നുമില്ല. കോളേജ് മാറ്റവും പുതിയ കൂട്ടുകാരികളും ശാലിനിയെ നന്നായി സ്വാധീനിച്ചു. ഈ കാലഘട്ടത്തിൽ ശാലിനി പഠനത്തിൽ നന്നായി ഉഴപ്പാൻ തുടങ്ങി.
അവൾ ഉച്ചഭക്ഷണം കൊടുത്തു വിടുന്നത് തോട്ടിലേക്ക് എറിഞ്ഞു കളഞ്ഞ് പാടവരമ്പിലൂടുള്ള ഒരു വളഞ്ഞ വഴിയിലൂടെ ശ്യാമിന്റെ വീട്ടിലേക്ക് വരുവാൻ ആരംഭിച്ചു.
ഈ ഓരോ വരവുകളും ഓരോ മദനോത്സവങ്ങളായിരുന്നു.
ഇനി ചെറിയ ചെറിയ ചില നുറുങ്ങുകളിലൂടെ മുന്നോട്ട് പോകാം.
ഇതെല്ലാം സംഭവിച്ചവതന്നെയാണ്, അത്ഭുതപ്പെട്ടിട്ട് കാര്യമൊന്നുമില്ല. വിശ്വസിക്കുന്നവർ വിശ്വസിച്ചാൽ മതി!
ഒരു ദിവസം ശാലിനി വന്നതേ പറഞ്ഞു, “എനിക്കൊന്ന് മൂത്രമൊഴിക്കണമല്ലോ” എന്ന്.
അന്ന് ചെറുതായി പൂതാനം തല്ലി മഴ പെയ്യുന്നുണ്ട് (ന്ന്ച്ചാൽ എറിച്ചിൽ അടിക്കുന്നതുപോലെ, അല്ലെങ്കിൽ മഞ്ഞ് പെയ്യണപോലെ മഴ പെയ്യുക എന്ന് അർത്ഥം).
പഴയ തറവാടായതിനാൽ വീടിന്റെ പിൻഭാഗത്താണ് ടോയ്ലറ്റും മറ്റും. അറ്റാച്ച്ഡ് ബാത്ത് റൂം ഉള്ളത് അപ്പുറത്തെ വശത്താണ്. അവിടേക്ക് പോകാൻ പറ്റില്ല.
വീടിന് പിൻവശത്തും ഒരു തിണ്ണ വീടിനൊപ്പം നീളത്തിലുണ്ട്, അവിടാണ് കറ്റയും മറ്റും കൊയ്ത്തു കഴിഞ്ഞ് കൊണ്ടുവയ്ക്കുന്നത്.