ഒരു ഗേ ലവ് സ്റ്റോറി
എന്ന് പറഞ്ഞപ്പോ ഞാൻ ഒന്നും നോക്കിയില്ല.തിരിച്ചും കൈ കൊടുത്തു പറഞ്ഞു,
“I am Arun. Nice to meet You” .
മുഖത്ത് പുഞ്ചിരി വിരിച്ചുകൊണ്ട് അയാൾ എന്നോട് വണ്ടിയിലേക്ക് കയറൂ ഞാൻ വീട്ടിലേക്ക് കൊണ്ടുപോയി വിടാം..
എന്ന് പറഞ്ഞു.
“അയ്യോ..വേണ്ട..ഞാൻ നടന്നു പൊയ്ക്കോളാം.. എനിക്ക് ഒന്ന് കടയിലും പോകണം.. ഒരു കേക്ക് വാങ്ങാനുണ്ടായിരുന്നു.”
“ഓഹോ..അപ്പൊ എന്തോ വിശേഷമുണ്ടല്ലോ…ആരുടെയെങ്കിലും പിറന്നാൾ ആണോ?”
മനുവേട്ടന്റെ സംശയത്തിന്
“അല്ല ,അമ്മയുടെയും അച്ഛന്റെയും വിവാഹ വാർഷികമാണ്” എന്ന മറുപടി കൊടുത്തു.
അതു കേട്ടപ്പോൾ
“എന്നാ നീ വണ്ടിയിലേക്ക് കയറൂ..കേക്ക് വാങ്ങി നിന്നെ വീട്ടിലാക്കി. ‘അച്ഛനെയും അമ്മയെയും വിഷ് ചെയ്തിട്ടെ ഞാൻ പോകുന്നുള്ളൂ.”
എന്ന പുള്ളിയുടെ മറുപടി കേട്ടപ്പോൾ എനിക്ക് വളരെ സന്തോഷമായി.
ഞാൻ അയാളുടെ ബുള്ളറ്റിൽ കയറി..അയാളെ കെട്ടിപിടിച്ചു ഇരിക്കണമെന്നുണ്ടായിരുന്നു.
പക്ഷെ, ഞാൻ അയാളെ തൊട്ടു പോലുമില്ല..
വണ്ടി സ്റ്റാർട്ട് ആക്കിയപ്പോൾ എന്റെ നെഞ്ച് പടപടാന്നു ഇടിക്കാൻ തുടങ്ങി. മുഖത്തേക്ക് അടിക്കുന്ന കാറ്റ് എന്റെ മുടി പിന്നിലേക്കു പറത്തി. വണ്ടിയുടെ കണ്ണാടിചില്ലിലൂടെ അയാളുടെ മുഖം എനിക്ക് വ്യക്തമായിരുന്നു.
മീശയുടെയും താടിയുടെയും ഇടയിലുള്ള ഇളം കാപ്പി നിറത്തിലുള്ള അയാളുടെ ചുണ്ടുകൾ എന്നെ ചുംബന പ്രേരിതനാക്കി. മനസ്സിൽ കുളിരു കോരുന്നത് പോലെയാണപ്പോൾ് തോന്നിയത്.