ഒരു ഗേ ലവ് സ്റ്റോറി
അവൻ വിളിക്കുമ്പോ നീ വന്ന കാര്യം ഞാൻ പറയാം..മോൻ ഇരിക്ക്.. ഞാൻ ചായ ഇടാം.”
നിരാശ എന്നെ വല്ലാതെ തളർത്തി.
“വേണ്ടമ്മെ..ഞാൻ ഇറങ്ങുവാ..വീട്ടിൽ വേഗം എത്തണം.”
എന്നും പറഞ്ഞു ഞാൻ സങ്കടത്തോടെ വീട്ടിലേക്ക് മടങ്ങി.
ആകെ വിഷമമായി..കാണണം എന്ന് മനസ്സിൽ ഉറപ്പിച്ചിട്ടു കാണാനും പറ്റിയില്ല.!!
വീട്ടിൽ എത്തി, കുളിച്ചിട്ട് ഞാൻ അമ്പലത്തിലേക്ക് പോയി.
എല്ലാ ദിവസവും മുടങ്ങാതെ അമ്പലത്തിൽ പോയിക്കൊണ്ടിരുന്ന ആളായിരുന്നു ഞാൻ.
പക്ഷെ, ഇപ്പൊ ഒരാഴചയിൽ ഏറെ ആയി പോയിട്ട്. ഒന്നെങ്കിൽ രാവിലെ അല്ലെങ്കിൽ സന്ധ്യയ്ക്ക്.. കൂടുതലും സന്ധ്യയ്ക്കാണ് പോകാറുള്ളത്.
തിരിച്ചു വീട്ടിൽ എത്തി.
പുള്ളിയെ കാണാൻ പറ്റാത്ത വിഷമത്തിൽ ഞാൻ നേരത്തെ തന്നെ കിടന്നു. എപ്പോളാണ് ഉറങ്ങിപ്പോയത് എന്ന്പോലും ഓർമ്മയില്ല.
എന്തായാലും രണ്ടു മൂന്ന് ദിവസത്തേക്ക് പ്രതീക്ഷ ഒന്നും വേണ്ടെന്ന് വിചാരിച്ച ഞാൻ എല്ലാം മറന്നു എന്റെ പതിവ് കാര്യങ്ങളിൽ മുഴുകി.
ക്ലാസ്സിലെ ഒരു കൂട്ടുകാരന് മൊബൈലുണ്ട്. സച്ചിൻ. നല്ല കാശുള്ള വീട്ടിലെ ചെക്കനാണവൻ. ഇടക്കിടെ അവൻ മൊബൈൽ ക്ലാസ്സിൽ കൊണ്ടുവരാറുണ്ട്.
അവൻ എപ്പോളും ‘ഫേസ്ബുക് ‘ നെക്കുറിച്ച് പറയുമായിരുന്നു. ആരുടെ പേര് അടിച്ചാലും നമുക്ക് അവരെ കണ്ടുപിടിക്കാം എന്നൊക്കെ അവൻ പറഞ്ഞിട്ടുണ്ട്.
