ഞാൻ ഗന്ധർവ്വനോ രതി ദേവനോ
ഇത് പറയുമ്പോ അവൾ തനി ഭദ്രകാളി മൂഡിലേക്കെത്തിയിരുന്നു. എന്നിട്ടവൾടെ റൂമിലേക്ക് കേറി കതക് വലിച്ചടക്കുന്ന ശബ്ദമാണ് ഞാൻ കേട്ടത്.
ഇവിടെ ഇപ്പൊ എന്താ നടന്നെ എന്നറിയാത്ത അവസ്ഥയിൽ ആയിരുന്നു ഞാൻ. ഇവൾ ഇതിനും മാത്രം കലിപ്പാവാൻ ഞാൻ എന്താ ചെയ്‌തതെന്ന് എത്ര ആലോചിട്ടുമെനിക്ക് പിടികിട്ടുന്നില്ലായിരുന്നു.
മുൻപ് ഇവൾ ഇതേ അവസ്ഥയിൽ ആയിരുന്നു എന്ന് കേട്ടറിഞ്ഞത് ഞാൻ ഒരു ആക്‌സിഡന്റ് കഴിഞ്ഞ് ഹോസ്പിറ്റൽ വാസം കഴിഞ്ഞെത്തിയപ്പോളായിരുന്നു. അന്നെനിക്ക് ബൈക്ക് എടുത്ത സമയം ആയിരുന്നു. ഞാൻ ബൈക്കെടുത്തതിന്റെ ആവേശം റോഡിൽ കാണിച്ചപ്പോൾ കയ്യീന്ന് പോയി, എന്നാലും ഒരു കയ്യൊടിഞ്ഞു എന്നതൊഴിച്ചു വേറൊന്നും പറ്റിയില്ലായിരുന്നു. ഞാൻ പ്ലസ്ടു കഴിഞ്ഞ് നിൽക്കുന്ന ടൈമിൽ ആയിരുന്നു ആ ആക്‌സിഡന്റ.
ഞാൻ ആക്‌സിഡന്റ് കഴിഞ്ഞ് വീട്ടിലെത്തിയപ്പോ മുതൽ എന്റടുത്തുന്ന് മാറില്ലായിരുന്നു രമ. അച്ഛൻ നാട്ടിലുള്ള സമയമായിരുന്നത്. ഞാൻ ആക്‌സിഡന്റ് ആയ ടൈമിൽ ബൈക്കെടുത്ത് കൊടുത്ത് എന്നെ കൊല്ലാൻ നോക്കി എന്നും പറഞ്ഞു അച്ഛനെ നിലത്തുനിറത്തിലാന്നൊക്കെ അമ്മ പറഞ്ഞാ ഞാൻ അറിഞ്ഞേ.
അന്ന് ഇതുപോലെ ഉറഞ്ഞുതുള്ളുവായിരുന്നു എന്നമ്മ പറഞ്ഞപ്പോ ഞാനത് കാര്യക്കീല്ല. കാരണം എപ്പോളും വഴക്ക് ഉണ്ടാക്കുവെങ്കിലും ഞങ്ങൾ തമ്മിൽ ഒരു പ്രത്യേക ബോണ്ടിങ് ഉണ്ടായിരുന്നു.
