കാമദേവനും രതീദേവിയും
“അത് കൊണ്ട്.. മോൻ അവളെ കെട്ടണം.. ഈ അമ്മ പറയുന്നത് എന്റെ മോൻ കേൾക്കില്ലേ….”
എന്നെ നോക്കി നിൽക്കുന്ന അമ്മയുടെ കണ്ണുകൾ നിറഞ്ഞിട്ടുണ്ടോ !!
ഞാൻ സമ്മതിച്ചില്ലെങ്കിലോ എന്ന് കരുതിക്കാണും !!
ഞാനും അവളും തമ്മിലുള്ള കലിപ്പെല്ലാം അമ്മക്കറിയാം.. അത് മാത്രമല്ല..എന്റെ അമ്മ ഇന്നോളമെന്നോട് ഒന്നും ആവശ്യപ്പെട്ടിട്ടില്ല.
ആരുടേം മുന്നിൽ തലകുനിക്കേണ്ട അവസ്ഥ വന്നിട്ടുമില്ല.”
“അമ്മേ.. ഞാൻ അവളെക്കാളും ഇളയതല്ലേ… അത് മാത്രമല്ല.. അവൾക്കിത് ഇഷ്ട്ടമാകില്ല… “
(അവൾ ഒരിക്കലും ഇത് സമ്മതിക്കില്ലെന്ന് എനിക്കറിയാമായിരുന്നു )
അവൾക്ക് സമ്മതമാ.. എന്റെ മോനാണ് ഇനി പറയേണ്ടത്…
എന്തൊക്കെയോ പറയണമെന്നുണ്ടായിരുന്നു. പക്ഷെ, അമ്മയുടെ കണ്ണുകൾ നിറയുന്നത് കാണാൻ എനിക്ക് കഴിയില്ല.
എനിക്ക് സമ്മതമാണമ്മേ, അമ്മ പറയുന്ന ആരെ വേണേലും ഞാൻ കെട്ടാം…
എന്നെ കെട്ടിപിടിച്ചു നെറ്റിയിൽ ഒരു ഉമ്മയും തന്നു അമ്മ എന്നെയും കൊണ്ട് അകത്തേക്ക് കേറി.
പിന്നെ എല്ലാം ശടപടാന്നായിരുന്നു. എന്നെ ഒരുക്കി. എനിക്ക് മണ്ടുടുക്കാൻ അറിയില്ലായിരുന്നു. ആരൊക്കയോ ഉടുപ്പിച്ചു മണ്ഡപത്തിലേക്ക് കൊണ്ട് പോയിരുത്തി.
അവൾ വന്നു. താലി കെട്ടി.
ഒരു പെങ്ങളുടെ കടമ എന്ന നിലയ്ക്ക് താലികെട്ടാൻ ചിഞ്ചു സഹായിച്ചു.
വലം വയ്ക്കുമ്പോ മുണ്ട് ഊരിപ്പോകുമോ എന്നായിരുന്നു എന്റെ പേടി. പിന്നെ ഫോട്ടോ എടുപ്പ് ഒക്കെയായിരുന്നു.