എന്റെ സുഖം ഇവളിലാ
ഈ അമ്മയ്ക്ക് എന്തിന്റെ കേടാ, എന്ത് പറഞ്ഞാലും വേണ്ട വേണ്ട വേണ്ട..ശ്ശോ..
അമ്മു മുഖം ചുളിച്ചുകൊണ്ട് വിഷമത്തോടെ പറഞ്ഞു.
സംഭവം ഇപ്പോ പോവണ്ടാന്ന് പറഞ്ഞത് മാത്രമല്ല, അവള് വേണമെന്ന് പറഞ്ഞ ചില സാധനങ്ങൾ ദേവു വാങ്ങാൻ സമ്മതിച്ചിട്ടില്ല… അതിന്റെ സങ്കടവും എല്ലാം കൂടിയുണ്ട് പെണ്ണിന്.
ഞാൻ അമ്മുനെ നോക്കി കണ്ണ് ചിമ്മി കാണിച്ചപ്പോൾ അവള് പിന്നെ ദേവുനോട് കൂടുതൽ സംസാരത്തിന് നിൽക്കാതെ അടങ്ങിയിരുന്നു, കാരണം ഞാൻ അവള് പറഞ്ഞത്പോലെ പോവുമെന്ന് അമ്മൂസിന് മനസ്സിലായി.. പക്ഷെ ഞാൻ കാറ് നേരെ ഫ്ലാറ്റിലേക്കാണ് വിട്ടത്. ഫ്ലാറ്റിന്റെ മുന്നിൽ എത്തിയപ്പോഴാണ് അവളുടെ ആഗ്രഹം നടക്കാൻ പോണില്ലാന്ന് അമ്മുന് തോന്നിയത്, അതോടെ അത്രയും നേരം ചിരിച്ച് സന്തോഷത്തോടെ ഇരുന്ന പെണ്ണിന്റെ മുഖത്ത് ദേഷ്യവും സങ്കടവും പടരുന്നത് ഞാൻ കണ്ടു. എങ്കിലും അത് കാര്യമാക്കാതെ ഞാൻ കാറ് അകത്തേക്ക് എടുത്തു.
അമ്മൂസേ.. വാ ഇറങ്ങ്..
കാറ് നിർത്തിയിട്ട് ഞാൻ പറഞ്ഞെങ്കിലും അമ്മു മിററിൽ ചാരി പുറത്തേക്ക് തന്നെ നോക്കിയിരുന്നു.
ഞാൻ ഇറങ്ങി ദേവൂന്റെ കൂടെ വാങ്ങിയ സാധനങ്ങൾ എല്ലാം എടുക്കുന്ന ഗ്യാപ്പിൽ അമ്മു ഡോർ തുറന്ന് പുത്തേക്കിറങ്ങി വലിച്ചടച്ചു…
ഹേ..എന്താ ഈ പെണ്ണിന്?
ഡോർ വലിച്ചടച്ചത് കണ്ട് ദേവു മുഖം ചുളിച്ചുകൊണ്ട് പറഞ്ഞു.