എന്റെ സുഖം ഇവളിലാ
അതിനിടയിൽ നാട്ടിൽനിന്നും സുഹൃത്തിന്റെ ചാറ്റിങ്ങ്. പുതിയ നാടും സ്ഥലവും എങ്ങനെയുണ്ട്, ജോലിക്ക് എന്നാ ജോയിൻ ചെയ്യണ്ടേ, തുടങ്ങി കുറച്ച് ക്യാഷ്വൽ കാര്യങ്ങൾ… ഞാൻ തിരിച്ചും അതുപോലെ സുഖവിവരമെല്ലാം അന്വേഷിച്ചു, പിന്നെ ബോറടി മാറ്റാൻ ആ ചാറ്റ് കുറച്ചുനേരം നീട്ടിക്കൊണ്ട് പോയി… വെറുതെ ഒരു രസം…
അങ്ങനെ ഒടുക്കം ആ നീണ്ട ഷോപ്പിംഗിന് വിരാമിട്ടുകൊണ്ട് ദേവു തിരിച്ചുപോവാം എന്ന് പറഞ്ഞു. കേൾക്കേണ്ട താമസം, അവസാനം കയറിയ ആ ഹൈപ്പർ മാർക്കറ്റിൽ നിന്നും വാങ്ങിയ സാധനങ്ങളുടെ കവർ എല്ലാം തൂക്കിപ്പിടിച്ച് ഞാൻ വേഗം കാറിന് നേരെ നടന്നു.
ചേട്ടായി… ഇവിടെ അടുത്ത് കുറേ ലെയ്ക്കും പാർക്കുമൊക്കെ ഉണ്ടെന്ന് ചിത്രചേച്ചി പറഞ്ഞിട്ടുണ്ട്, നമുക്ക് പോയാലോ?
കാറിൽ എന്റെ കൂടെ മുന്നിൽ കയറി ഇരുന്നിട്ട് അമ്മു അത് ചോദിച്ചപ്പോൾ അത്രയും നേരത്തെ ഷോപ്പിംഗ് കാരണം അല്പം ക്ഷീണമൊക്കെ ഉണ്ടെങ്കിലും ഞാൻ പുഞ്ചിരിച്ചുകൊണ്ട് ആ ആഗ്രഹത്തിന് സമ്മതം മൂളി…
ഓ ഇനി പാർക്കില് പോവാഞ്ഞിട്ടാ.. രാവിലെ തൊട്ട് കറക്കം തന്നെയല്ലേ, മതി. നേരെ ഫ്ലാറ്റിലേക്ക് വിട്ടോ.
വാങ്ങിക്കൂട്ടിയ സാധനങ്ങളുടെ കൂടെ പിൻ സീറ്റിൽ ഇരിപ്പുറപ്പിച്ച ദേവു അമ്മൂന്റെ ആവശ്യം കേട്ട് താല്പര്യം ഇല്ലാത്തമട്ടിൽ പറഞ്ഞു.