മാളുവും സ്വയം പറഞ്ഞു.
………….
അരമണിക്കൂർ കൊണ്ട് ഞാൻ റെഡിയായി ഇറങ്ങി, പക്ഷെ പൊന്നുതമ്പുരാട്ടി ഇതുവരെ ഇറങ്ങിയില്ല..വീണ്ടും അരമണിക്കൂർ കാത്തിരിക്കേണ്ടി വന്നു.
ഞാൻ വെളിയിൽ കാത്തിരുന്നപ്പോഴാണ് മാളു വന്നത്.

യെന്റെ ശിവനേ.. സാരിയായിരുന്നു പെണ്ണിന്റെ വേഷം. ആവറേജ് ലുക്ക്‌ തോന്നുന്ന പെണ്ണുങ്ങൾ സാരി ഉടുത്താൽ പോലും ദേവതയെ പോലിരിക്കും, അപ്പോൾ ദേവതയെ പോലിരിക്കുന്ന മാളു സാരി ഉടുത്താൽ എങ്ങനിരിക്കും സ്ലീവ്ലെസ്സ് ബ്ലൗസും ഒരു പ്രിന്റ്ഡ് പച്ച സാരിയും, അതാണ്‌ ഡ്രസ്സ്‌.

വീടിനു പുറത്തേക്കിറങ്ങി വന്ന അവളെ ഞാൻ കണ്ണെടുക്കാതെ നോക്കി നിന്നു.

“ഏയ്.. ന്താ നോക്കുന്നെ …”

എലി പുന്നെല്ല് കണ്ട് നോക്കുന്ന പോലുള്ള എന്റെ നോട്ടം കണ്ട് അവൾ ചോദിച്ചു.

“ങേ.. ഹാ.. ഒന്നുല്ല…

“കൊള്ളാമോ…ഡ്രസ്സ്‌…

“നിനക്ക് തന്നെ അറിയാം എജ്ജാതി ലുക്ക്‌ ആണെന്ന്, പിന്നേയും എന്തിനാ ചോദിക്കണേ

അവളെ ഒന്നുകൂടി സ്കാൻ ചെയ്തുകൊണ്ട് ഞാൻ ചോദിച്ചു.

“അത്രക്ക് കിടു ആണോ…ശോ…

“ഇതേ ലുക്കിൽ തന്നെ എന്റെ വീട്ടിൽ കൊണ്ട് പോയാൽ അപ്പോൾ തന്നെ അമ്മ നിലവിളക്കെടുക്കും.

“ച്ചി.. പോടാ..

“എടൊ സത്യം…ദേവതയെ പോലുണ്ട് തന്നെ കാണാൻ.

“മതി മാഷേ…തല ആകാശത്തിടിക്കും. വാ പോകാം..

“ഓക്കേ…ഞാൻ എടുക്കാം കാർ..

മാപ്നോക്കി ഞങ്ങൾ കല്യാണ സ്ഥലത്തേക്ക് എത്തിച്ചേർന്നു.