അനുഭവങ്ങൾ അനുഭൂതികൾ !!
അവളോടുള്ള സമീപനത്തിൽ എനിക്കുണ്ടായ മാറ്റവും ഞാനും മനസിലാക്കുന്നു. അവളോട് ദേഷ്യപ്പെടാൻ പോലും അവകാശം കിട്ടിയ പോലെ.
മണിക്കൂറുകൾ കൊണ്ട് ഞങളുടെ ബന്ധത്തിലുണ്ടായ മാറ്റം എന്നെ വല്ലാണ്ട് അതിശയിപ്പിച്ചിരുന്നു.
ഓരോന്ന് ആലോചിച്ച് ആലോചിച്ച് സമയം പോയി.
രാത്രിയിൽ അവൾക്ക് കഴിക്കാനായി ബ്രെഡും ജാമും കൊടുത്തു. എനിക്കും അത് തന്നെയായിരുന്നു കഴിക്കാൻ.
“ഡോ.. തനിക്കീ ഡ്രസ്സ് മാറ്റണോ..?”
മാളുവിന്റെ ഡ്രസ്സ് വല്ലാണ്ട് മുഷിഞ്ഞിരുന്നു.
“ആഹ് ടാ.. ഇന്നലെ രാത്രി ഇട്ടതാ. പെട്ടെന്നു പോകാമെന്നു കരുതിയ ഈ ഡ്രസ്സിൽ തന്നെ വന്നത്.
“ഞാൻ പോയി ഡ്രസ്സ് എടുത്തിട്ട് വരട്ടെ..?
“വേണ്ടടാ.. ഇനിയിപ്പോൾ അഡ്ജസ്റ്റ് ചെയ്യാം”
“വേണ്ട.. എന്തായാലും എനിക്കും ഒന്നു കുളിക്കണം..ഡ്രസ്സും മാറ്റി വരാം ഞാൻ. തന്റെ വീട്ടിൽ നിന്നു ഞാൻ ഡ്രസ്സ് എടുക്കട്ടെ..?”
“എന്നാൽ ഓക്കേ…കാറിൽ വീടിന്റെ കീ ഉണ്ട്. മുകളിലാണ് എന്റെ റൂം. അലമാരയിലുണ്ട്..ഡ്രസ്സ്. “
“ഓക്കേ.. അതെ.. ഭവന ഭേദനത്തിന് കേസ് കൊടുക്കുമോ..?”
“ഒന്നു പോടോ…”
“ഓക്കേ.. ഞാൻ പോയി പെട്ടെന്ന് വരാം.”
“മ്മ്. ”
സ്വന്തം വീടിന്റെ താക്കോൽ തരണമെങ്കിൽ നമ്മൾ എത്ര മാത്രം മാനസികമായി അടുത്തു എന്ന് ഊഹിക്കാവുന്നതേ ഉള്ളു.
ഹോസ്പിറ്റലിൽനിന്നും ഞാൻ നേരെ പോയത് സച്ചുവിന്റെ ഫ്ലാറ്റിലേക്കാണ്. അവിടെ ചെന്ന ശേഷം ഒരു കുളിയങ്ങ് പാസ്സാക്കി.