“അള്ളാ മരക്കാരു ഹാജീന്റെ മോളാ ഞമ്മടെ അഷറഫിനാ.. ഓനു ബല്യ പടിത്തമൊന്നും ഇല്ലലോ ‘

‘പടിത്തം എന്തിനപ്പാ.. ഓനു ഗൽഫീൽ പണീല്ലേ.. സ്വത്തില്ലേ, മൊഞ്ചില്ലേ i ഇതിക്കൂടെല് ഇങ്ങിക്കിനി എന്താ ബേണ്ടേ.. മരക്കാർ ഹാജി പണം ഇഷ്ടം പോലെ ഉണ്ടാക്കീട്ടുണ്ട്.. ഓനിപ്പം നല്ല ചെറുക്കൻ ബേണം. നമ്മടെ അഷറഫിനെ കണ്ടാൽ ഓന്നു ബോധിക്കും. മമ്മൂട്ടീന്റെ കണക്കല്ലെ ഞമ്മടെ അഷറഫ് ഇരിക്കണത്..
ഓൾക്കും പിടിക്കാണ്ടിരിക്കൂല്ല..

ആ പുതിയ സ്റ്റാൻഡിന്റെ അടുത്തുള്ള വസ്തു ഒക്കെ ഓൾടെ ഷെയറാണ്. ഇങ്ങളല്ലേ പറഞ്ഞത് അവിടെ ഒരു മാർജിൻ ഫ്രീ തൊടങ്ങണോന്നു..
എല്ലാം കൂടി കണ്ടിട്ടാ കോയ പറയുന്നത്..

ബിസിനസ്സ് പ്രോസ്പെക്റ്റ് അയമ്മൂട്ടി ഹാജിയെ ആരും പഠിപ്പിക്കേണ്ട. പുതിയ സ്റ്റാൻഡിനടുത്തുള്ള തെങ്ങിൻ പുരയിടം ഹാജി പണ്ടേ നോക്കി വച്ചിരിക്കുന്നു. അതു മരക്കാർ ഹാജിയുടെതാണെന്നും അറിയാം. അതുകൊണ്ടു തന്നെ വാങ്ങാൻ ചാൻസ് കിട്ടില്ലെന്നും. അതിനാൽ ആ ഐഡിയ തലയിൽ തന്നെ ഇരുന്നതെ ഉള്ളൂ. ഇപ്പോൾ അഷറഫിന്റെ മംഗലം വഴി ആ കണ്ണായ വസ്തു സ്വന്തമാക്കാൻ കഴിയുമെങ്കിൽ പിന്നെ ആ വഴി ചിന്തിച്ചാലെന്തെന്നു അയ്മദൂട്ടി ഹാജിക്കും തോന്നി.

തകരം തൂക്കിയ ചെറുക്കൻ അപ്പോൾ “പാട്ട മൂന്നു കിലോ. . കുപ്പി അഞ്ച് എന്നു പറഞ്ഞു ഹാജിയുടെ ശ്രദ്ധ ക്ഷണിച്ചു. പിന്നെ മൂന്നിൽ കനിഞ്ഞു നിന്ന ചെറുമിയിലായി ഹാജി..