“അതല്ലാ. പപ്പായ്ക്ക് എന്നോട് ദേഷ്യം വരില്ലെന്നെനിക്കറിയാം. എന്നാലും ഇന്നലത്തെ സംഭവം കണ്ടാൽ ഏത് പപ്പായും ദേഷ്യപ്പെട്ട്പോകും.' അവൾ ധൈര്യം സംഭരിച്ചാണ് അതു പറഞ്ഞതെങ്കിലും അവളുടെ സംസാരത്തിൽ പേടിയുടെ ഒരു നിഴൽ ബാധിച്ചിട്ടുണ്ട്, അതുറപ്പ്.
“മോൾ അത് മറന്ന് കള ചെറുപ്പത്തിൽ എല്ലാവർക്കും സംഭവിക്കുന്നതാ..അതിരു കടക്കുന്നതാണ് അപകടം.“
ഞാൻ ആ വിഷയം തുടരാൻ താത്പര്യമില്ലതെ ഒഴുക്കൻമട്ടിൽ പറഞ്ഞു

ഇല്ല പപ്പാ ഞാൻ ചെയ്യൽ തെറ്റ് തന്നാ…എനിക്ക് അതിനുള്ള ശിക്ഷയും കിട്ടും …”
അവൾ ഒന്ന് വിതുമ്പിയോ !
എന്ത് പറയണമെന്നറിയാതെ ഞാൻ വാക്കുകൾക്കായി പരതി

“ഇല്ല പപ്പാ.ഞാൻ ചെയ്ത് തെറ്റല്ലേ?..എന്താ പപ്പാ ഒന്നും മിണ്ടാത്തെ…?
അവൾ എന്റെ മുഖത്തേക്ക് നോക്കിക്കൊണ്ടിരുന്നു.
എന്നിൽ നിന്നും അവൾ എന്തുത്തരമാണ് പ്രതീക്ഷിക്കുന്നത് എന്ന് എനിക്ക് മനസിലാക്കാൻ കഴിഞ്ഞില്ല. എന്റെ മറുപടി അവൾ പ്രതീക്ഷിക്കുന്നതല്ലെങ്കിൽ അവൾ ആകെ തകർന്ന് പോകും. അതെനിക്ക് സഹിക്കാൻ കഴിയുമായിരുന്നില്ല.

“അത് മോളൂ..ശരിയും തെറ്റും പരസ്പര പൂരകങ്ങളാണ്.നമ്മുടെ ശരി മറ്റുള്ളവർക്ക് തെറ്റാകാം. അവരുടെ ശരി നമുക്ക് തെറ്റാകാം.“
ഞാൻ അവളുടെ മനസറിയാൻ ഒരു ശ്രമം നടത്തി

“നിക്ക് നിക്ക്…എനിക്ക് മറ്റുള്ളവരുടെ കാര്യം ഒന്നുമറിയേണ്ട. പപ്പയ്ക്ക് എന്താ തോന്നുന്നത് എന്ന് തെളിച്ച് പറ.”
എന്റെ സംസാരം മുഴുവിപ്പിക്കാതെ അവൾ ഇടയ്ക്ക് കയറി പറഞ്ഞു.