“ശരി വാ..ഇപ്പോത്തന്നെ ലേറ്റായി” ഞാൻ മുഖം തിരിച്ച് നടന്നു. എനിക്ക് അവിടെത്തന്നെ നിൽക്കനുള്ള ശക്തിയില്ലായിരുന്നു. ഞാനും ഫെബിയും ഇറങ്ങി . കാറിൽ കയറുന്നതിനിടയിൽ ഞാൻ മോളെ ഒന്ന് പാളിനോക്കി. അവൾ ഞാനൊന്നും അറിഞ്ഞില്ലേ എന്ന മട്ടിൽ കാറിന്റെ മുൻസീറ്റിൽ കയറിയിരുന്നു. ഇനി ഇതെല്ലാം എന്റെ വെറും തോന്നൽ ആയിരിക്കുമോ.?

കാറിൽ കയറിയതും അവൾ മിറർ തിരിച്ച് വെച്ച് എല്ലാം നേരെയാണെന്ന് ഒരിക്കൽ കൂടി ഉറപ്പ് വരുത്തി, വണ്ടി സ്റ്റാർട്ട് ചെയ്ത് . കാർ റോഡിലേക്ക് ഇറങ്ങിയ ഉടനെ അവൾ എന്നെ സൂക്ഷിച്ച് നോക്കി. എന്റെ ചങ്കിടിക്കാൻ തുടങ്ങി

“പപ്പാ…എനിക്കൊരുകൂട്ടം പറയാനുണ്ട്.” എനിക്ക് വണ്ടിയുടെ കൺട്രോൾ വിട്ട് പോകുമെന്ന് തോന്നി. എന്നിരുന്നാലും ഞാൻ എന്തും വരട്ടെ എന്ന് കരുതി ധൈര്യം സംഭരിച്ചിരുന്നു.

“എന്താ മോളേ.പപ്പയോട് എന്തെങ്കിലും പറയാൻ ഒരു ഫോർമാലിറ്റിയുടെ ആവശ്യമുണ്ടോ..? എന്തായാലും മോൾ പറ .“ ഞാൻ തന്നെ എനിക്കുള്ള കുഴികുഴിച്ചു. മിടുക്കൻ.

“പപ്പായ്ക്ക് എന്നോടു ദേഷ്യമുണ്ടോ..? അവൾ അപ്പോഴും എന്റെ മുഖത്തേക്ക് തന്നെ നോക്കിയിരിക്കുകയായിരുന്നു.
“എന്താ മോൾ ഈ പറയുന്നത്. പപ്പായ്ക്ക് മോളോട് ദേഷ്യം വരുമോ. കൊള്ളാം. അങ്ങനെയാണോ മോൾ പപ്പായെ പറ്റി വിചാരിച്ചിരിക്കുന്നത്..?
അപ്പോഴും അവളുടെ ഉദ്ദേശം എന്താന്ന് എനിക്ക് ഊഹിക്കാൻ കഴിഞ്ഞില്ല.