പ്രണയം – തിരികെ കോളേജിൽ എത്തി രഞ്ജുനെ പിക്ക് ചെയ്യാൻ വന്നപ്പോൾ അവൻ നല്ല കലിപ്പിലായിരുന്ന്.

“‘ഡാ നാറി ഞാൻ പലവെട്ടം പറഞ്ഞട്ടുണ്ട് നിങ്ങൾ തമ്മിൽ വല്ലതും ഉണ്ടേൽ തമ്മിൽ തീർത്തോണം.. എൻ്റെ മെക്കിട്ടു കേറാൻ വരല്ലെന്ന്”‘….

രഞ്ജു കലിപ്പിൽ എന്നോട് പറഞ്ഞു.

“‘എന്തു പറ്റി അളിയാ”‘….

“‘കുന്തം പറ്റി….നീ അവളെ വണ്ടിയിൽ കെറ്റിക്കൊണ്ട് പോണത് കണ്ട് കൊണ്ട് വന്ന നിൻ്റെ ഭാര്യ ഇവിടെ ഇരുന്നു മൊബൈലിൽ കളിച്ചൊണ്ടിരുന്ന എൻ്റെ പൊറം പൊളക്കെ ഒന്ന് പൊട്ടിച്ചു”.. രഞ്ജു പൊറം തടവിക്കൊണ്ടു പറഞ്ഞു.

“‘പൊട്ടടാ മുത്തെ.. ഒന്നുമില്ലെലും നിൻ്റെ പെങ്ങളല്ലെ.. സഹിച്ചോ”.

ഞാൻ ചിരിച്ചോണ്ട് പറഞ്ഞു.

“‘ ഭാ.. എന്നെക്കൊണ്ട് ഭരണിപ്പാട്ട് പാടിപ്പിക്കരുത്'..

അവൻ എൻ്റെ നേരെ ചീറിക്കൊണ്ട് പറഞ്ഞു.

പോട്ടളിയാ. വിട്ടേരെ..നമ്മുക്ക് വല്ല വഴിയും കാണാം…നീ ഇപ്പോൾ വണ്ടിയിൽ കേറ്..

ഞാൻ അവനെ സമാധാനിപ്പിച്ചു കൊണ്ട് പറഞ്ഞു.

ഞങ്ങൾ ജാനിയെ സോപ്പിടാനുള്ള വഴികളും ആലോചിച്ചോണ്ട് വീട്ടിലേക്ക് തിരിച്ചു.

വീട്ടിലെത്തി താഴെ എല്ലാടവും നോക്കിയിട്ടും അവളെ കണ്ടില്ല… ഒടുവിൽ അമ്മയോട് തന്നെ ചോദിക്കാൻ തീരുമാനിച്ചു.

“അമ്മകുട്ടി ഇവിടെ എന്തു ചെയ്യുവാ” :.അടുക്കളയിൽ ചായ തിളപ്പിച്ചോണ്ടിരുന്ന അമ്മയെ കെട്ടിപ്പിടിച്ച് ഞാൻ ചോദിച്ചു.

“ഞാൻ തുണി അലക്കുവാ.. എന്തേ”….

“ഹും ഹും..ഞാൻ ചോദിച്ചെന്നെ ഉള്ളൂ”….

അമ്മയും കലിപ്പിലാണെന്ന് മനസ്സിലായപ്പോൾ ഞാൻ നൈസിന് അവിടുന്ന് സ്കൂട്ടായി.

മോളിൽ ഞങ്ങളുടെ റൂമിൽത്തന്നെ അവൾ കാണുമെന്ന് വിശ്വസിച്ചു ഞാൻ അങ്ങോട്ട് പോയി.

റൂം തുറന്നു അകത്തു കേറിയപ്പോൾ കാണുന്നത് കണ്ണാടിയുടെ മുന്നിൽനിന്ന് സാരി അഴിക്കാൻ പോകുന്ന ജാനിയേയാണ്….

ഇത് തന്നെ പറ്റിയ അവസരം എന്ന് തോന്നിയ ഞാൻ പുറകെകൂടിച്ചെന്ന് സാരിയുടെ ഗ്യാപ്പിൽ കൂടി വയറിൽ കൈ ചുറ്റി എന്നോട് ചേർത്ത് നിർത്തി.

എൻ്റെ തല അവളുടെ തോളിൽ വെച്ചിരുന്നു..എൻ്റെ കൈ അവളുടെ ആലില വയറിൽ തഴുകിക്കൊണ്ടിരുന്നു.

പെട്ടന്നാണ് അവളുടെ വലത് കൈയുടെ മുട്ട് എൻ്റെ പള്ളയിൽ കേറിയത്…

അതിൻ്റെ വേദനയിൽ എൻ്റെ കൈ ഒന്ന് അയഞ്ഞപ്പോൾ അവൾ വെട്ടിത്തിരിഞ്ഞ് എൻ്റെ മുഖം പൊളക്കെ ഒന്ന് പൊട്ടിച്ചു.

ഹ..ഹ..!! കിളികൾ ഏതിലയോ പറന്നു പോയി….കിളികൾ തിരിച്ചു വന്നപ്പോൾ ഞാൻ കാണുന്നത് എന്നെ വിരൽ ചൂണ്ടി കൊല്ലാൻ നിൽക്കുന്ന ജാനിയെയാണ്.

ഇതിന് മുമ്പ് ജാനിയേ ഇത്രയും ദേഷ്യത്തിൽ ഞാൻ കണ്ടിട്ടില്ല..അവളുടെ സംഹാരരൂപം കണ്ടപ്പോൾ എന്റെ ധൈര്യമൊക്കെ എവിടെയോ ചോർന്നു പോകുന്നപോലെ തോന്നി..

“‘ഇനി മേലാൽ എന്നെ തൊട്ടു പോകരുത്. നീ എന്ത് വിചാരിച്ച്..ഞാൻ വെറും മണ്ടിയാണെന്നോ..

ഇന്നലെ രാത്രിയും രാവിലെയും നീ പറഞ്ഞത് തമാശയായെ ഞാൻ എടുത്തോളൂ… എന്നെ ചുമ്മാ ശുണ്ടി പിടിപ്പിക്കാൻ വേണ്ടി നീ പറഞ്ഞതാന്ന്. പക്ഷേ ഇന്ന് കോളേജിൽ നടന്നത് വെച്ച് നോക്കുമ്പോൾ അതെല്ലാം ഉള്ളതാണെന്ന് എനിക്ക് മനസിലായി..

ഇനി നിൻ്റെ കൂടെ ജീവിക്കാൻ എനിക്ക് താല്പര്യമില്ല.ഞാൻ പോകുന്നു..ഗുഡ് ബൈ “.

ഇത്രയും പറഞ്ഞിട്ട് അവൾ അവിടെ വെച്ചിരുന്ന ബാഗും എടുത്തോണ്ട് ഇറങ്ങി.

“‘നീ പോടീ പുല്ലേ..നീ ഇല്ലെങ്കിൽ എനിക്ക് വെറും മൈരാണ്..ഈ ദേവനെ കെട്ടാൻ പെണ്ണുങ്ങൾ ക്യൂ നിൽക്കും… ക്യൂ…
പക്ഷേ നീ അവിടെ കിടന്നു മൂക്കില് പല്ലും മുളച്ചു കിടക്കത്തേയുള്ളൂ..പോടി പോ.”

അടി കൊണ്ട ദേഷ്യത്തിൽ ഞാൻ വിളിച്ചു കൂവി.

അവൾ തിരിഞ്ഞ്പോലും നോക്കാതെ നടന്നുപോയി. ഞാൻ അവൾ ചെയ്തതിൻ്റെയും പറഞ്ഞതിൻ്റെയും ദേഷ്യത്തിൽ റൂമിൽത്തന്നെ ഇരുന്നു…

പല വട്ടം അമ്മ വന്നു കതകിൽ തട്ടിയെങ്കിലും ഞാൻ തുറന്നില്ല…

അന്നത്തെ ദിവസം ഒരു വറ്റ്‌ കഴിച്ചില്ലെങ്കിലും എന്നിലെ ദേഷ്യവും സങ്കടവും കാരണം വിശപ്പ് ആ വഴിയേ വന്നില്ല..

രാത്രി ഏറെ വൈകിയപ്പോളാണ് എന്നിൽ തളം കെട്ടിയ അമർഷം കെട്ടടിഞ്ഞ് ചിന്താശേഷി ഉണർന്നത്..

ജാനിയുടെ ഭാഗത്ത് തെറ്റുകൾ ഒന്നുമില്ലെന്നും എല്ലാം എൻ്റെ നാവും പ്രവർത്തികളും കൊണ്ട് ഉടലെടുത്ത പ്രശ്നമാണെന്നും മനസിലായത്…

എല്ലാം മനസ്സിലായപ്പോൾ എനിക്ക് അന്നേരം ജാനിയെ കാണണമെന്നും പ്രശ്നങ്ങൾ പരിഹരിക്കണമെന്നും തോന്നി..ഞാൻ അപ്പോൾ തന്നെ റൂം വിട്ട് താഴെ ഇറങ്ങി….

താഴെ ചെന്നപ്പോൾ ലൈറ്റ് എല്ലാം ഓഫ് ആക്കി അമ്മയും അച്ഛനും കിടന്നിരുന്നു….ഞാൻ ശബ്ദം ഉണ്ടാക്കാതെ മാമൻ്റെ വീട്ടിലേക്ക് തിരിച്ചു.

അവിടെയും എല്ലാരും കിടന്നിരുന്നു….പല ആവർത്തി കോളിംഗ് ബെൽ അടിച്ചപ്പോൾ അകത്ത് വെളിച്ചം വീണു.

“ആരാ “
അകത്തു നിന്നും മാമി വിളിച്ചു ചോദിച്ചു.

“ഞാനാ.. ദേവനാ… “

ഞാൻ പറഞ്ഞതും മാമി വന്നു കതവു തുറന്ന്.

“ആഹാ നീയായിരുന്നോ.. എന്താടാ രണ്ടും തമ്മിലുള്ള പ്രശ്നം.. ആ പെണ്ണ് വന്നപ്പോൾ തൊട്ടു റൂമിൽ കേറി കതവ് അടച്ചതാ. ഞാൻ എത്ര വിളിച്ചിട്ടും തുറന്നില്ല”…

മാമി സംശയ ഭാവേനെ എന്നോട് ചോദിച്ചു.

“അതു…പിന്നെ മാമി…ചെറിയൊരു ഒടക്ക് അത്രേ ഉള്ളൂ”..

ഞാൻ തലയും ചൊറിഞ്ഞൊണ്ട് പറഞ്ഞു.

‘മ്മം.. എന്തായാലും കൊള്ളാം.. നീ ചെല്ല് ” ..
മാമി മുമ്പിൽ നിന്നു മാറിനിന്ന് പറഞ്ഞു.

“മാമി പിന്നെ..ഒരു ഹെൽപ് കൂടി…ഞാൻ ചെന്ന് വിളിച്ചാൽ അവൾ കതക് തുറക്കില്ല.. മാമിയൊന്ന്'…

ഞാൻ ചെറിയ ചളുപ്പോടെ പറഞ്ഞു.

മ്മ്മ.ഞാൻ നേരത്തേ കുറെ വിളിച്ചതാ….എന്തായാലും വാ ഒരു വഴിയൊണ്ട്….

മാമി മുകളിലേക്ക് കേറിക്കൊണ്ട് പറഞ്ഞു.

ഞാൻ മാമിയുടെ പുറകെപോയി.

“ജാനി മോളെ.. ഒന്ന് കതക് തുറന്നെ….മോളെ…. ജാനി ഒന്ന് കതക് തുറക്ക് കൊച്ചെ”

എത്ര തട്ടിയിട്ടും അവൾ തുറന്നില്ല.. അവസാനം മാമി ഒരു ഐഡിയ ഇട്ടു.

“‘അച്ഛൻ എന്തോ പറയാൻ വിളിക്കുന്നു..ഒന്ന് തുറന്നേ മോളെ”..

മാമി കതകിൽ തട്ടിക്കൊണ്ടു പറഞ്ഞു.

അത് എന്തായാലും ഏറ്റു.

അൽപം കഴിഞ്ഞ് ലോക്ക് എടുക്കുന്ന സൗണ്ട് കേട്ടു… ഡോർ ചെറുതായി തുറന്നപ്പോൾത്തന്നെ ഞാൻ ബാക്കി തള്ളിത്തുറന്ന് അകത്ത് കേറി ലോക് ചെയ്തു..

“”മാമി താങ്ക്സ്…പിന്നെ വല്ല ശബ്ദവും കേട്ടാൽ മൈൻഡ് ചെയ്യണ്ട കേട്ടോ” .ഞാൻ അകത്ത് നിന്ന് വിളിച്ചുപറഞ്ഞു.

ഡോർ പൂട്ടി തിരിഞ്ഞ് നോക്കിയപ്പോളാണ് കരഞ്ഞു കലങ്ങിയ മുഖവും വീർപ്പിച്ചു നിൽക്കുന്ന ജാനിയെ കണ്ടത്.

അവൾ എന്നെ പിടിച്ചുമാറ്റി ഡോർ തുറക്കാൻ ശ്രമിച്ചെങ്കിലും ഞാൻ അവിടുന്ന് മാറിയില്ല.

അവസാനം നടക്കില്ലെന്ന് കണ്ടപ്പോൾ അവൾ എന്നെ ഒന്ന് തുറിച്ചു നോക്കിയിട്ട് കട്ടിലിൽ പോയി കിടന്നു…

ഞാൻ ലൈറ്റ് ഓഫ് ആക്കിയിട്ടു അവളുടെ അടുത്തും പോയി കിടന്നു…

കുറച്ചു നേരമായിട്ടും അവിടുന്ന് അനക്കമൊന്നും ഇല്ലാത്തോണ്ട് ഞാൻ അവളോട് അൽപം കൂടി ചേർന്ന് കിടന്നു. പയ്യെ ഒരു കൈ കൊണ്ട് അവളെ ചേർത്ത് പിടിച്ചു.

അവൾ അപ്പോൾത്തന്നെ എൻ്റെ കൈ തട്ടിമാറ്റിയിട്ട് നീങ്ങിക്കിടന്നു..

ഞാൻ വിട്ട് കൊടുക്കുവോ….വീണ്ടും ചേർന്ന് കിടന്നിട്ട് അവളെ വട്ടം ചുറ്റി പിടിച്ചു.

അവൾ കുതറി മാറിയിട്ട് തിരിഞ്ഞ് എന്നെ നോക്കി ചീറി…

“‘ഡാ നിന്നോടല്ലെ എന്നെ തൊടരുതെന്ന് പറഞ്ഞത്…. വൈകിട്ട് കിട്ടിയത് ഒന്നും പോരെ.. വീണ്ടും വീണ്ടും നാണംകെട്ട് വലിഞ്ഞുകേറി വന്നോളും.. എനിക്ക് നിന്നെ കാണുന്നത് വെറുപ്പാണ്….എനിക്ക് നിന്നെ കാണേണ്ട”.

ഇത്രയും പറഞ്ഞിട്ട് ജാനി തിരിഞ്ഞ് കിടന്നു.

“‘ഡീ ജാനി…ഞാൻ സത്യമായിട്ടും നിന്നെ ഒന്ന് മൂപ്പിക്കാൻ വേണ്ടി പറഞ്ഞതാ.
അവളാണ് എൻ്റെ പുറകെ നടക്കുന്നത്.. അല്ലാതെ സത്യമായിട്ടും എനിക്ക് ആ ജന്തൂനെ കാണുന്നതേ കലിയാണ്..നീ എന്നെ ഒന്ന് വിശ്വസിക്ക്”..

“‘ഈ കഴിഞ്ഞ രണ്ടു മാസമായി ഞാൻ ഏതേലും പെണ്ണുങ്ങളെ വായിനോക്കുന്നതെങ്കിലും നീ കണ്ടിട്ടുണ്ടോ..സത്യമായിട്ടും വാവേ എനിക്ക് നിന്നെ അല്ലാതെ വേറെ ഒരു പെണ്ണിനേയും സ്നേഹിക്കാൻ പറ്റില്ല….നീ ജന്മാന്തരങ്ങളായി എൻ്റെ മാത്രമാണ്..ഈ ദേവൻ്റെ മാത്രം ജാനകി. സത്യം. നീ അല്ലാതെ ആർക്കും ഈ മനസ്സിൽ സ്ഥാനമില്ല.. നീ എൻ്റെ മനസ്സിൽ നിന്ന് മായണമെങ്കിൽ എൻ്റെ ഹൃദയത്തിൻ്റെ തുടുപ്പ് നിലക്കണം “..

ഇത്രയും പറഞ്ഞിട്ട് ഞാൻ ജാനിയെ വിട്ട് അല്പം നീങ്ങി കിടന്നു.

“ഈശ്വരാ ഏറ്റു കാണാണെ”….
ഞാൻ മനസ്സിൽ പറഞ്ഞു.

അൽപം കഴിഞ്ഞിട്ടും അനക്കം ഒന്നും ഇല്ലാത്തോണ്ട് ഞാൻ ഒന്ന് ഉയർന്നു ജാനിയിടെ മുഖം നോക്കി….

കക്ഷി എന്തോ വല്യ ആലോചനയിലാണ്.

ഇത്രയും പറഞ്ഞിട്ടും അങ്ങോട്ട് എക്കാത്തോണ്ട് ഞാൻ ട്രാക്ക് മാറ്റാൻ തീരുമാനിച്ചു.

“‘ഞാൻ ഇത്രയും പറഞ്ഞിട്ടും നിനക്ക് എന്നെ വിശ്വാസം ആയില്ല..അല്ലേ…ഇനി എന്നെ വിശ്വാസമില്ലാത്ത നിൻ്റെ കൂടെ ഞാൻ ജീവിക്കില്ല..ഞാൻ മരിക്കാൻ പോകുവാ..ഇനി നീ എന്നെ കാണില്ല.

ഞാൻ മരിച്ചു കഴിയുമ്പോൾ നിനക്ക് അന്ന് എനിക്ക് മാപ്പ് തന്നിരുന്നെങ്കിൽ എന്ന് തോന്നും. അന്നേരം ഞാൻ ജീവനോടെ കാണില്ല..നോക്കിക്കോ”..

ഞാൻ ഏങ്ങി കരഞ്ഞുകൊണ്ട് പറഞ്ഞു.

അൽപം കഴിഞ്ഞിട്ടും നോ റിയാക്ഷൻ. പൂതന അതെ കിടപ്പ് തന്നെ.

ഇനി എന്ത് ചെയ്യുമെന്ന് ആലോചിച്ച് ഞാൻ കട്ടിലിൽ നിന്ന് എഴുന്നേറ്റ് വെളിയിലോട്ട് ഇറങ്ങാൻ പോയപ്പോൾ പെട്ടന്ന് എൻ്റെ കയ്യിലൊരു പിടിത്തം വീണു.

ഞാൻ തിരിഞ്ഞ് നോക്കിയപ്പോൾ എന്നെത്തന്നെ നോക്കി നിൽക്കുവാണ് പെണ്ണ്.. ഞാൻ കട്ടിലിൽ ജാനിയുടെ നേർക്ക് തിരിഞ്ഞ് അവളോട് അല്പം ചേർന്നിരുന്നു. അവൾ എൻ്റെ കയ്യിലെ പിടിത്തം വിട്ടിട്ട് എൻ്റെ മുഖം രണ്ടു കൈ കുമ്പിളിൽ ആക്കി എൻ്റെ കണ്ണിൽ തന്നെ ഇമവെട്ടാതെ നോക്കി നിന്നു..
[ തുടരും ]