ങാ അതും പറഞ്ഞിരുന്നോ, വല്ലോടത്തും കേറി പൊറുക്കണ്ട പെണ്ണാ.
എന്റെ മമ്മീ.. അതിനിപ്പോ എന്താ ഒരു കൊഴപ്പം? എനിക്കറിയാം എന്റെ കാര്യം നോക്കാൻ,

ഓ എന്ത് പറഞ്ഞാലും ഇങ്ങനൊരു തറുതല പറയണ പെണ്ണ്…ആരുടെ സ്വഭാവാണാവോ ഇവൾക്ക് കിട്ടിയിട്ടുള്ളത്?

ങാ മതി രണ്ടാളും തല്ല കൂടിയത്.
ക്ലാസ്സ് തൊടങ്ങുന്നത് പന്ത്രണ്ടിനല്ലേ? പത്താം തിയ്യതി പൊയ്ക്കോ, ഞാൻ വിളിച്ച് പറയാം.

ഇത്ര നാളും കിട്ടാത്തൊരു സ്വാതന്ത്ര്യം അങ്കിളിന്റെ വീട്ടിൽ കിട്ടുമെന്നോർത്തപ്പോൾ എനിക്ക് സന്തോഷമായി.

എന്നെ കോഴിക്കോട്ട് നിന്നും വണ്ടി കയറ്റി വിട്ടു. .ആലുവയിൽ ഉണ്ണിയേട്ടൻ വരുമെന്ന് അങ്കിൾ മൊബൈലിൽ വിളിച്ച് പറഞ്ഞു. ഉണ്ണിയേട്ടന്റെ മൊബൈൽ നമ്പറും തന്നു.

നീ അതിൽ അവനെ അങ്ങോട്ട് വിളിച്ചാൽ മതി. അവന് നിന്റെ നമ്പർ കൊടുത്തിട്ടില്ല.

അത് സാരമില്ല അങ്കിൾ, ഞാൻ വിളിച്ചോളാം.

എന്നാൽ ശരി മോളേ ഇവിടെ വന്നിട്ട് കാണാം.

താങ്ക് യൂ അങ്കിൾ.

വണ്ടി നീങ്ങിയപ്പോൾ ഞാൻ ചാരിക്കിടന്നൊന്നുറങ്ങി.

മയക്കത്തിൽ നിന്നുണർന്ന് കണ്ണ് തുറന്നപ്പോൾ എതിർ ഭാഗത്തിരിക്കുന്ന ചേട്ടന്റെ നോട്ടം എന്റെ നേർക്ക് തന്നെ…എന്തൊരു തുളച്ച് കയറുന്ന നോട്ടം.

കുറെ ആയപ്പോൾ ഞാനും കരുതി പാവം അയാള് വെള്ളമെറക്കുന്നെങ്കിൽ ആയിക്കോട്ടെ, നമുക്ക് പ്രത്യേകിച്ചൊരു നഷ്ടവുമില്ലല്ലോ?