മോളിയുടെ അപ്പനുമായി ഹാജിയാർ സംസാരിച്ചു മോളിയെ സ്വീകരിപ്പിച്ചു.

പിന്നീട് മോളി ഡിഗ്രിപരീക്ഷ എഴുതി പാസായി. ബിഎഡ് ഉം എടുത്തു

പക്ഷെ ചീത്തപ്പേര് കേൾപ്പിച്ചു എന്ന പേരിൽ ഒരു കല്യാണാലോചനയും ശെരിയായില്ല. അങ്ങനെ അഞ്ചു വർഷത്തോളം അവൾ ട്യൂട്ടോറിയലിൽ പഠിപ്പിക്കലും മറ്റുമായി നടക്കുമ്പോഴാണ് ഹാജ്യാര് ജോസിയുടെ ആലോചന കൊണ്ട് വരുന്നത്.

മോളിയുടെ കുടുംബം പത്തനംതിട്ട
ക്കാരാണെങ്കിലും അവളുടെ അപ്പന്റെ ജോലിസംബന്ധമായി പല ജില്ലകൾ മാറി മാറി താമസിക്കുവായിരുന്നു.

ആലപ്പുഴയിൽ നിന്നാണ്, പഴയ കാര്യങ്ങൾ ഒക്കെ എല്ലാരും മറന്നു തുടങ്ങിയെന്നും സ്വന്തം അറിവിലുള്ള ചെക്കനാണ് എന്നും പറഞ്ഞപ്പോൾ ജോസിക്ക് നല്ല ഒരു ജോലി ഇല്ലാതിരുന്നിട്ടും മോളിയുടെ അപ്പൻ കല്യാണത്തിന് സമ്മതിച്ചത്..

ജോസി ഒരു ഹൗസ്ബോട്ട് കമ്പനിയുടെ നടത്തിപ്പുകാരനായിട്ട് നിൽക്കുവായിരുന്നു.
ഒരു ഹൗസ്‌ബോട്ടിന്റെ ചുമതല മൊത്തം ജോസിക്കാണ്..

വീട്ടിൽ ചിലവിന് കൃത്യമായി കാശ് കൊടുക്കും പക്ഷെ മോളിയുമായി അടുപ്പം കുറവാണ്.

ജോസിക്ക് സ്വന്തമായി ഒരു ഹൗസ്ബോട്ട് വാങ്ങണം പൈസ ഉണ്ടാക്കണം, ഇതൊക്കെയാണ് എപ്പോഴുമുള്ള ചിന്ത.

കല്യാണം കഴിഞ്ഞ അവസരത്തിൽ ജോസിയെ സ്നേഹിച്ച് വരുതിയിൽ നിർത്താൻ മോളി കുറെ പരിശ്രമിച്ചു.
പക്ഷെ ഫലം വിപരീതമായിരുന്നു.