Kunnincheruvile Kilivaathil 02

തടി പാകിയ ഫ്ളോറിലൂടെ നടന്നു ദേവ് ഹാളിലേക്ക് കടന്നു. വിശാലമായ ഹാളിൽ നിറച്ചും പഴയ ഫോട്ടോകൾ തൂക്കിയിരിക്കുന്നു. വിക്ടറും ഒത്തു നിൽക്കുന്ന ബ്ലാക്ക് ആൻഡ് വെയ്റ്റ് ഫോട്ടോസും അവയിൽ ഉണ്ടായിരുന്നു. സുനിത ദേവിനെ നേരെ മുകളിലുള്ള മുറിയിലേക്കാണ് കൊണ്ട് പോയത്.

സുനിത : ദേവ് ഈ രണ്ട് മുറികളാണ് ഉള്ളത്. ഇതിൽ രണ്ടും നോക്കിയിട്ട് ഇഷ്ടമുള്ളത് എടുത്തോളൂ.

ഭിത്തിയിൽ ചാരി നിന്നു കൊണ്ട് സുനിത പറഞ്ഞു. ദേവ് രണ്ട് മുറികളിലൂം കയറി നോക്കി. ഒരെണ്ണം വിശാലമായ ഒരു മുറിയാണ്. മനോഹരമായി അലങ്കരിച്ചിരിക്കുന്നു. ചുറ്റും ജനലുകൾ. തണുത്ത കാറ്റു അകത്തേക്ക് വീശി അടിക്കുന്നു.

മറ്റേതു ചെറിയ മുറിയാണ്. അല്പം ആലം കോലമായി കിടക്കുന്നു. പക്ഷെ ദേവിനെ ആകർഷിച്ചത് ബാൽക്കണിയിലേക്ക് ഇറങ്ങാവുന്ന വാതിലായിരുന്നു. നോക്കെത്താ ദൂരത്തേക്ക് പരന്നു കിടക്കുന്ന പൂത്തോട്ടങ്ങൾ കാണാവുന്ന ബാൽക്കണി.

ദേവ് : എനിക്ക് ഈ മുറി മതി. കുന്നിൻ ചെരുവിലേക്കു കിളി വാതിൽ ഉള്ള ഈ മുറി.

സുനിത : എനിക്ക് തോന്നി ഈ മുറിയാവും ഇഷ്ടമാവുക എന്ന്. ഞാൻ ക്ലീൻ ചെയ്തു തരാൻ പറയാം. ഇന്നലെ വരെ ഇവിടെ ഗസ്റ്റ് ഉണ്ടായിരുന്നു. നമ്മുക്ക് താഴെ ഇരിക്കാം.

ഹാളിലേക്ക് വരുമ്പോൾ ജിതിൻ ബേഗുകൾ അവിടെ കൊണ്ട് വച്ചിരുന്നു.