ജീവിതം – ജിജോ ശനിയാഴ്ച നിൻ്റെ ഇരുപത്തി അഞ്ചാമത്തെ ബർത്ത് ഡെ ആണ്…..

ഇത്തവണ നമുക്ക് ജിജോയുടെ ബർത്ത് ഡേ ആഘോഷിക്കണം എന്ന് അങ്കിൾ പറഞ്ഞു…..

എനിക്ക് സമ്മതം മൂളുക എന്നല്ലാതെ മറ്റൊന്നും ചെയ്യാനില്ല..

ജീവിതത്തിൽ എല്ലാവരും അംഗീകരിക്കുകയും സ്നേഹിക്കുകയും ബഹുമാനിക്കുകയും ചെയ്യുന്ന ഒരാളായി മാറുക എന്നത് ബുദ്ധിമുട്ടാണ്…

കഠിനമായ പരിശ്രമവും വിശ്വാസവും ആണ് എന്നെ ഇന്നത്തെ ഞാൻ ആക്കിയത്…

അപ്പൊൾ ശനിയാഴ്ച ബർത്ത്ഡേ പാർട്ടി , ഞായറാഴ്ച പള്ളിയിലെ പരിപാടി, ഇനി എന്തൊക്കെ എന്ന് കണ്ടറിയണം….

എന്തായാലും ബർത്ത്ഡേ പാർട്ടിക്ക് ഷമീറിനെയും നിതിനെയും വിളിക്കണം….

സമയം ഒരുപാട് ആയി മക്കളെ ഇനി കിടക്കാം..

ഓരോരുത്തരും എണീറ്റ് പോയി.

ഞാൻ റൂമിലെ അറ്റാച്ച്ഡ് ബാതത്റൂമിൽ പോയി വന്നു കിടന്നു.

അല്പ സമയം കഴിഞ്ഞപ്പോൾ ഡോർ അടക്കുന്ന ശബ്ദം കേട്ട്..
രജി വന്നു അടുത്ത് കിടന്നു.

ഇച്ചായാ… ഉറങ്ങിയോ.

ഞാൻ മിണ്ടാതെ ഉറക്കം നടിച്ചു കിടന്നു…

പെണ്ണ് പതിയെ വന്നു നെറ്റിയിൽ ഒരു ഉമ്മ തന്നു..

ഓ…
ഞാൻ കണ്ണ് തുറന്നു നോക്കി.

രജി നാണത്തോടെ തല എന്നിലേക്ക് ചായ്ച്ചു….

ഞാൻ തല പിടിച്ചു പൊന്തിച്ചു നെറ്റിയിൽ തിരിച്ചും ഒരു ഉമ്മ കൊടുത്തു.

ഞാൻ വീണ്ടും ഉമ്മ വക്കും എന്ന് കരുതി രജി പറഞ്ഞു , മതി മതി ഇന്ന് ഇത് മതി.

എന്നിട്ട് അവൾ കുരിശും വരച്ചു കിടന്നു.

ഞാൻ പിന്നെ ആക്രാന്തം കാണിക്കാൻ നിന്നില്ല, അല്ലെങ്കിൽ ഭാര്യയെ ബലാൽകാരം ചെയ്തവൻ ആകും..

ഇന്നലത്തെ പോലെ രജി രാവിലെ വിളിച്ചു എണീപ്പിച്ചു.

വ്യാഴം ഓഗസ്റ്റ് പതിമൂന്ന്.

ഞങൾ ഇറങ്ങാൻ നേരം റോബിൻ ചോദിച്ചു,, ജിജോ അച്ചനെ നീ വിളിക്കില്ലെ..
ആ… ഞാൻ വിളിക്കാം….പിന്നെ ഷമീർ നിതിൻ ഇവരും കാണും…..

ഒരു നാല്പതു പേർക്ക് ഉള്ള ഫുഡ് ഓർഡർ ചെയ്യാം….

ഞങൾ ഇറങ്ങി….
ഇന്ന് അത്രക്ക് തിരക്ക് ഉണ്ടായില്ല..

ഉച്ചയ്ക്ക് രജിയെ വിളിച്ചു. ഡ്യൂട്ടി കഴിഞ്ഞാൽ ഉടൻ വിളിക്കാൻ.

ഇന്ന് തദ്ദേശ സ്വയംഭരണ സ്ഥാപനങ്ങളെ സോൺ ആയി തിരിച്ചു.

കോവിഡ് കേസുകൾ അവലോകനം ചെയ്തു…
മൂന്നരയോടെ രജി വിളിച്ചു…

ഞാൻ ബിനോയ് ചേട്ടനേ കൂട്ടി, ഹോസ്പിറ്റലിൽ പോയി രജിയെ പിക്ക് ചെയ്തു..

ബിനോയ് ചേട്ടാ കഴിഞ്ഞ ദിവസം പറഞ്ഞ പോലെ കണ്ണംകണ്ടി പോകാം….

ആ, സാറേ അങ്ങോട്ട് പോകാം..
അവിടെ എല്ലാം കിട്ടും ഫർണീച്ചർ, സൂപ്പർ മാർക്കറ്റ്.

കണ്ണംകണ്ടീ ഷോപ്പിന് മുന്നിൽ വണ്ടി പാർക്ക് ചെയ്തു….

ഒഫീഷ്യൽ വാഹനം ആയതിനാൽ സെക്യൂരിറ്റി തന്നെ നല്ല സ്വീകരണം ആയിരുന്നു..

ആദ്യം ബെഡ് ഉള്ള സെക്ഷനിലെക്ക് പോയി തിരച്ചിലിന് ഒടുവിൽ രണ്ടു റൂമിലേക്ക് 950 രൂപ വരുന്ന സ്ലിം ആയ പച്ചയും നീലയും കളർ ബെഡ് സെലക്ട് ചെയ്തു.

ഇനി ഞങ്ങൾക്ക് ഉള്ള ബെഡ് ആണ് കിട്ടേണ്ടത് വില കൂടരുത് എന്നാൽ കട്ടിയും വേണം …

ഒടുവിൽ സ്ലീപ് വെല്ലിൻ്റ് 2500 രൂപ വരുന്ന ബെഡ് ഇഷ്ടമായി..

പിന്നെ പാത്രങ്ങൾ ബെഡ് ഷീറ്റ് , ടേബിൾ ഷീറ്റ് മാറ്റ്.. എല്ലാം എടുത്ത് വച്ച്…

മറ്റന്നാൾ ശനിയാഴ്ച ഉച്ചക്ക് ഗസ്റ്റ് ഹൗസിൽ എത്തിക്കാൻ പറഞ്ഞു.

ഞാൻ ഷോപ്പ് മാനേജരുമായി സംസാരിച്ചു ….

ഇതിനിടക്ക് ബിനോയ് ചേട്ടനുമായി രജി നല്ല കമ്പനി ആയി..

എപ്പോഴും മാഡം എന്ന് വിളിക്കുന്നത് കേട്ട് കേട്ട് മടുത്തത് കൊണ്ട് രജി തന്നെ ബിനോയ് ചേട്ടനോട് പറഞ്ഞു.

ബിനോയ് ചേട്ടാ.. ..

എന്നെ ഇനി പേര് വിളിച്ചാൽ മതി.

ഈ മാഡം വിളി വേണ്ട.

ബിനോയ് ചേട്ടൻ തലയാട്ടി.

അതല്ല, രജി മോളെ ഞാൻ വിളിച്ചു ശീലിച്ചു പോയി.

സാറ് വരും മുൻപ് ഒരു മാഡം ആയിരുന്നു ഇവിടെ സബ് കലക്ടർ, അതിനു മുൻപ് ഇപ്പോഴത്തെ വയനാട് ജില്ലാ കളക്ടർ ആയിരുന്നു…

ആ സാറിൻ്റെ ഭാര്യയെ വിളിച്ചു ശീലിച്ച്പോയി…
അത് പിന്നീട് അനുഗ്രഹം ആയി.
മാഡം ചാർജ് എടുക്കുമ്പോൾ.

എന്താണ് കാര്യമായി ഒരു ഗൂഢാലോചന എന്ന് ചോദിച്ച് ഞാൻ അങ്ങോട്ട് ചെന്നു…

ഒന്നും ഇല്ല ഇച്ചായ.

ഞാൻ ബിനോയ് ചേട്ടനോട്ട് മാഡം എന്ന് വിളിക്കുന്നത് ഒഴിവാക്കാൻ പറഞ്ഞതാണ്.

ഞങൾ പുറത്തിറങ്ങി.

സാറേ, ഞാൻ വണ്ടി എടുത്ത് വരാം…

ഞാനും രജിയും
ഷോപ്പിന് മുന്നിൽ നിന്നു.

എന്താടോ..ഒരു തെളിച്ചം ഉണ്ടല്ലോ മുഖത്ത്…..

ഒന്നുല്യ, ഇച്ചായാ….

രജീഷ ഇപ്പൊൾ ജിജോ എന്നും ഇച്ചായാ എന്നൊക്കെ വിളിക്കുന്നു..

നോക്കിയ സാധനങ്ങൾ എല്ലാം ഓക്കേ അല്ലേടോ….

ഇന്നലെ മമ്മി പറഞ്ഞു തന്നത് എല്ലാം നമ്മൾ എടുത്തിട്ടുണ്ട്..

ഇനി എന്തെങ്കിലും ഉണ്ടെങ്കിൽ പിന്നീട് നോക്കാം…..

അപ്പോഴേക്കും ബിനോയ് ചേട്ടൻ വണ്ടിയുമായി വന്നു…..

പുള്ളി ഡ്രൈവിംഗ് സീറ്റിൽ നിന്നും ഇറങ്ങി വന്നു….

സാർ,നിങ്ങള് പോകില്ലേ, എനിക്ക് ഇവിടെ ഒരാളെ കാണാൻ ഉണ്ട്…

അതിനെന്താ, ബിനോയ് ചേട്ടാ .. നിങ്ങളുടെ കാര്യം നടക്കട്ടെ…..

ചേട്ടാ കോട്ടേഴ്‌സിൽ പോകുമ്പോൾ ഗസ്റ്റ് ഹൗസിൽ ഒന്ന് കയറി നോക്കണേ ..

മറ്റന്നാൾ തീരും എന്നൊക്കെ പറഞ്ഞിട്ടുണ്ട്…

സാറേ, ഞാൻ നോക്കാം…

എന്നാൽ രാവിലെ കാണാം…

ശരി സാർ..

രജീഷ പോവാം….
ഞാനും രജീഷയും വണ്ടിയിൽ കയറി.

ഞാൻ വണ്ടി സ്റ്റാർട്ട് ചെയ്തു മുന്നോട്ട് എടുത്തു..

വണ്ടി പെരിന്തൽമണ്ണ പാലക്കാട് ഹൈവേയിലൂടെ യാത്ര തുടർന്നു….

ഇച്ചായാ…

എന്താ പെണ്ണേ,,,

അതെ ..

ഇചായന് എന്നോട് ഇഷ്ടക്കുറവു എന്തെങ്കിലും ഉണ്ടോ…

അതെന്താ ടോ ഇപ്പൊൾ ഇങ്ങനെ തോന്നാൻ…

ഒന്നും ഇല്ലെന്നെ….

എന്നാലും…

രജീഷ നാണത്തോടെ പറഞ്ഞു..

അതെ..

നമ്മുടേ കല്യാണം കഴിഞ്ഞു ഒരാഴ്ച്ച ആകാറായി.. ഹോസ്പിറ്റലിൽ നിന്നും കൊളിക്സ് ചോദിച്ച് തുടങ്ങി, ഹണി മൂൺ പ്ലാൻ ചെയ്യുന്നില്ലേ എന്ന്…

പെണ്ണ് റൊമാൻ്റിക് ആയി വരുന്നു..

അതിനു നീ എന്ത് പറഞ്ഞു..

ഇച്ചായന് ലീവ് കിട്ടുന്നില്ല, അതിന് അനുസരിച്ച് പ്ലാൻ ചെയ്യണം എന്ന്….

ഓഹോ…

അപ്പോഴാണ് ഫോൺ റിംഗ് ചെയ്തത്..

ഞാൻ ഫോൺ അറ്റൻ്റ് ചെയ്തു ലൗഡ് സ്പീക്കറിൽ ഇട്ടു….

ഹലോ,,,

ആ.. ജിജോ , ഞാൻ നിതിൻ ആണ്…

ഇതേത് നമ്പർ ..

അമ്മയുടെ നമ്പർ ആണ്….

പറയെടാ..

അതെ അങ്കിള്നേ കണ്ടിരുന്നു ,
നിൻ്റെ ബെർത്ത് ഡേ ആണ്, ചെറിയ ഒരു പരിപാടി പ്ലാൻ ചെയ്തിട്ടുണ്ട് ഞാനും അവനും ഉണ്ടാകണം എന്ന്..

ആ.. ഞാൻ വൈകീട്ട് വീട്ടിൽ എത്തിയിട്ട് വിളിക്കണം എന്ന് കരുതിയതാണ്..

എന്തായാലും അങ്കിള് വിളിച്ചല്ലോ…

ഡാ.. പിന്നെ കാര്യങ്ങള് നടന്നോ. കല്യാണം കഴിഞ്ഞ് ഒരാഴ്ച ആകുന്നു….

അതോ നിങൾ…

ഞാൻ വിഷയം മാറ്റാൻ നോക്കി…

പിന്നെ എന്താടാ വിശേഷം….

ഫോൺ ലൗഡ് സ്പീക്കറിൽ ആണെന്നും.. രജീഷ അടുത്ത് ഇരുന്നു കൊണ്ട് എല്ലാം കേൾക്കുന്നുണ്ട് എന്നും എനിക്കല്ലേ അറിയൂ..

ഇത് കേട്ടപ്പോൾ തന്നെ രജി മുഖം വീർപ്പിച്ച് ഇരിക്കാൻ തുടങ്ങി… ( തുടരും)