അല്ലടാ.. എപ്പോഴായിരുന്നു സംഭവം.

പുള്ളി ആരെയോ കാണാനെന്നും പറഞ്ഞ് ഇന്നലെ രാവിലെ ഇറങ്ങിയതാണ്, പുലർച്ചക്കാണ് സംഭവം.

ദൈവമേ അപ്പോൾ ഇന്നലെ രാത്രി കണ്ടത്. ഒന്നും മനസിലാവുന്നില്ലലോ.!!

എന്നിട്ട് അങ്ങേർക്ക് എന്തെങ്കിലും പറ്റിയോ….

ആ ബെസ്റ്റ്, എടാ അങ്ങേരെ കൊണ്ട് ഇനി ഒന്നിനും പറ്റില്ല.

എന്ത്…

ആക്‌സിഡന്റിൽ അങ്ങേരുടെ തലച്ചോറിന് പരിക്ക് പറ്റി. ഇപ്പൊ അങ്ങേര് കോമയിലാണ്. പോരാത്തതിന് അരക്ക് താഴേക്ക് തളർന്നു.

അപ്പു അത് പറഞ്ഞപ്പോ എനിക്ക് ഷോക്കേറ്റത് പോലെയായിരുന്നു.

ഇത് അച്ഛൻ പണി കൊടുത്തതാണോ.

അമ്മയുടെയും രമേശേട്ടന്റെയും കള്ളക്കളികൾ എല്ലാം അച്ഛന് അറിയാമായിരിക്കും.

നീ എന്താടാ സനലേ ആലോചിച്ചു നിക്കണത്…

ഏയ്യ് ഒന്നുമില്ലെടാ…അല്ല അങ്ങേരുടെ വീട്ടിലാരൊക്കെയുണ്ടിപ്പൊ.

അവിടെ അങ്ങേരുടെ വൈഫും, അമ്മയും പിന്നെ കുറച്ച് കുടുംബക്കാരും.

മക്കളൊന്നുമില്ലേ…

രണ്ട് മക്കളുണ്ട്.. ഒരു പെണ്ണും ഒരാണും.. അമേരിക്കയിൽ പഠിക്കാൻ പോയതാണ്.

അവരെ വിവരമറിയിച്ചോ…

അറിഞ്ഞാലും അവർ വരാനൊന്നും പോണില്ല, അവിടെ പരീക്ഷ സമയം ആണെത്രേ.. അതുകൊണ്ട് അവർ വരില്ലെന്ന്.
എന്നാ ഞാനൊന്ന് അവിടം വരെ പോയിട്ടുവരാം. [ തുടരും ]