എന്താണ് നടക്കുന്നതെന്ന് അറിയാതെ ഞാൻ ഓരോന്ന് ആലോചിച്ച് നിന്നു.

ബ്രേക്ക്‌ഫാസ്റ്റ് കഴിക്കാനായി ടേബിളിൽ ഇരുന്ന് അമ്മയെ വിളിച്ചു. അമ്മ അപ്പോൾ അടുക്കളയിൽനിന്നും വന്ന് കറികൾ എല്ലാം ടേബിളിൽ വച്ചു. അപ്പോഴാണ് അമ്മയുടെ മുഖമൊന്ന് ഞാൻ ശ്രദ്ധിച്ചത്. സങ്കടമാണോ ദേഷ്യമാണോ എന്ന് മനസിലാവുന്നില്ല. എന്തോ പ്രശ്നം ഉണ്ടായിട്ടുണ്ടെന്ന് എനിക്ക് മനസിലായി. കറികൾ എല്ലാം വെച്ചശേഷം അമ്മ പെട്ടെന്ന് തന്നെ അടുക്കളയിലേക്ക് പോയി.

അച്ഛനെ ശ്രദ്ധിച്ചപ്പോഴാണ് ഞാൻ അതിശയിച്ചത്. അച്ഛൻ പതിവിലും കുടുതൽ ഹാപ്പിയാണ്.

” ഇവർക്കൊക്കെ എന്ത് പറ്റി… വല്ല വഴക്കും നടന്നോ ?”

. ഇനി ചെലപ്പോൾ വഴക്കോ മറ്റോ ആണേൽ വീട്ടിൽ നിന്നാൽ ശെരിയാവില്ല.. അതുകൊണ്ട് ഞാൻ ബൈക്കെടുത്ത്‌ ഗ്രൗണ്ടിലേക്ക് വിട്ടു.

ഗ്രൗണ്ടിലേക്ക് പോവും വഴി അപ്പുവും നന്ദുവും നടന്നു വരുന്നു.
ഞാൻ അവരുടെ അടുത്ത് നിർത്തി.

എവിടെപ്പോയി വരുന്ന വഴിയാണ് മക്കളെ….

ഞങ്ങൾ ആ രമേശേട്ടന്റെ വീട്ടിൽ പോയതായിരുന്നു.

അവിടെ എന്താ….

ഏഹ്… അപ്പോൾ നീ ഒന്നും അറിഞ്ഞില്ലേ…

ഇല്ലെടാ…. എന്താ സംഭവം.

രമേശേട്ടന് ആക്‌സിഡന്റ്…

ആക്‌സിഡന്റൊ… എപ്പോ.

അത്..ഇന്നലെ പുള്ളി വീട്ടിലേക്ക് വരുമ്പോൾ പുള്ളിടെ കാർ മരത്തിലിടിച്ചു.

ദൈവമേ ഇന്നലെ കണ്ടത്. എന്തായിരിക്കും.!!