ഇടക്ക് ഞാൻ അവളെയും, അവളെന്നേയും ഇടം കണ്ണിട്ടു നോക്കിക്കൊണ്ടിരുന്നു എന്നല്ലാതെ ആരും ഒന്നും സംസാരിക്കുന്നില്ല.

ആ നിശബ്ദതയെ ഭേദിച്ചു കൊണ്ടു ഞാൻ തന്നെ സംസാരിച്ചു തുടങ്ങി.

ഗേളീ.. നിനക്ക് എത്ര ദിവസത്തെ അവധിയുണ്ട്..

എടാ.. അതിപ്പോ എത്ര ദിവസമെന്ന് പറയാൻ വയ്യ, കോളേജിൽ സ്ട്രൈക്കാണ്.. അത് കൊണ്ട് ഞാൻ ഇങ്ങുപോന്നു..

ആണോ..എപ്പോ മുതൽ..?

മൂന്നാല് ദിവസമായി തുടങ്ങീട്ട്.. ഒരു രണ്ടുമൂന്ന് ദിവസത്തിനുള്ളിൽ തന്നെ തീരുമെന്നാണ് കരുതിയത്.. അതുണ്ടാവില്ലെന്ന് ബോധ്യമായപ്പോഴാ ഞാനിങ്ങ് പോന്നത്.. ഇനിയിപ്പോ സമരം കഴിഞ്ഞാത്തന്നെ എക്സാം കണക്കാക്കിയിട്ടേ ഞാനിതി പോകുന്നുള്ളൂ…
പിന്നെ നീ വരുന്നു എന്നറിഞ്ഞപ്പോൾ ഇവിടെ വന്നാലും ബോറഡിക്കില്ലെന്ന് കരുതി..

അവൾ ഒരു കള്ളച്ചിരിയിൽ ഒതുക്കിക്കൊണ്ടങ്ങനെ പറഞ്ഞപ്പോൾ ഞാനും സംശയിച്ചവളുടെ മുഖത്ത് നോക്കി.

തല കുമ്പിട്ട് കൊണ്ട് മമ്മ കാണാതെ അവൾ എന്നെ ഇടങ്കണ്ണിട്ടു നോക്കി ചിരിച്ചു..

മമ്മ വീണ്ടും ഫുഡ് എടുക്കാൻ അടുക്കളയിൽ പോയ തക്കം നോക്കി, ഞാൻ അവളോട്‌ ചോദിച്ചു.

“അതെന്ത് സമരമാടീ.. ഒരാഴ്ചയായിട്ട്..?”

“ആ.. അത് അങ്ങനെത്തെ ഒരു തരം സമരമാണ്. “

ചിരിയടക്കിക്കൊണ്ട്, സ്വരം താഴ്ത്തി അവൾ മൊഴിഞ്ഞു.

ആ ചിരിയിൽ എന്തോ പന്തിയില്ലായ്‌മ എനിക്ക് തോന്നി.. [ തുടരും )