ഞാൻ ഗൗരിയെ വിളിച്ചപ്പോൾ അവൾ നാട്ടിലാണെന്ന് പറഞ്ഞു.. അപ്പൊ ദേവിക.

പിന്നെ അവളുടെ ഒപ്പം ആ വാടക വീട്ടിൽ താമസിച്ചിരുന്ന പെണ്ണുങ്ങളുടെ നമ്പർ സംഘടിപ്പിക്കാൻ ഞാൻ അമലിനെ വിളിച്ചു. അവൻ അവളുടെ അടക്കം നമ്പർ തന്നു.

പക്ഷേ അവളുമാർ നാട്ടിൽ ആണെന്ന് പറഞ്ഞു. ഞാൻ ദേവികയെ വിളിച്ചു പക്ഷേ ആ ഫോൺ സ്വിച്ച് ഓഫ്‌ ആയിരുന്നു..

എനിക്ക് എന്തൊ പോലെ തോന്നിത്തുടങ്ങി. ഞാൻ രാത്രി തന്നെ അമ്മയോടും അച്ഛനോടും ക്യാമ്പിൽ ഒന്ന് പോയി അന്വേഷിക്കട്ടെ.. ക്ലാസ്സിൽ പഠിക്കുന്ന ഒരു കുട്ടി മിസ്സിംഗ്‌ ആണ്. അവൾക്ക് ഇവിടെ ഉള്ളവരെ ആരേയും അറിയില്ല എന്ന് പറഞ്ഞു.

എങ്ങനെയോ സമ്മതം വാങ്ങി ആ മഴയത്തു മഴക്കോട്ടും ഹെൽമറ്റും വെച്ച് ഞാൻ, ആ രാത്രി തന്നെ അവിടെ നിന്ന് കൊണ്ട് വന്ന ആൾക്കാർ ഉള്ള ക്യാമ്പ് മുഴവനും അരിച്ചു പെറുക്കി. പക്ഷേ അവളെ കിട്ടിയാല്ല.

പിന്നെ ഒന്നും നോക്കിയില്ല..അവൾ വാടകക്ക് താമസിക്കുന്ന സ്ഥലത്തേക്ക് പോകാൻ നോക്കിയപ്പോ ആൾക്കാർ പറഞ്ഞു മൊത്തം വെള്ളത്തിലാണ്. മിക്ക വീടുകളും മുങ്ങിപ്പോയി എന്ന് .

അത് കേട്ടപ്പോൾ അവൾക്ക് എന്തെങ്കിലും ആയോ എന്നുള്ള പേടിയിൽ ഹൃദയം നിലക്കാതെ ഇടിക്കുന്നത് ഞാൻ കേട്ടു.

അവൾക്ക് വേണ്ടി എന്റെ ഹൃദയം ഇത്രയും ഇടിക്കുന്നോ എന്ന് എനിക്ക് ഓർക്കാൻ കഴിയുന്നില്ല.