എന്റെ ജീവിതം എന്റെ രതികൾ
രതികൾ – എനിക്ക് ദേവികയുടെ അവസ്തയിൽ വല്ലാത്ത ടെൻഷനുണ്ടായിരുന്നു.
രാത്രിയായതോടെ പനി മാറി അവൾ എഴുന്നേറ്റു.
അപ്പൊ അവളുടെ ബെഡ്ഡിനരികെ കസേരയിലിരുന്ന് അവളുടെ കൈയിൽ പിടിച്ച് മയങ്ങുകയായിരുന്നു..
കാവ്യ അടുത്തുള്ള ബെഡിലിരുന്നു ഫോണിൽ കുത്തുകയായിരുന്നു.
അവൾ തട്ടി വിളിച്ചപ്പോഴാണ് ഞാൻ എഴുന്നേറ്റെ.
“ആഹാ.. എഴുന്നേറ്റോ? പനി ഒക്കെ മാറി അല്ലേ ”
“അവരൊക്കെ എന്ത്യേ?”
“അവരൊക്കെ പോയി. നിനക്ക് കൂട്ടിന് ഞങ്ങളെ ഏല്പിച്ചിട്ടാ പോയത്.”
അവൾ എഴുന്നേറ്റിരുന്നു.
എന്നോട് ബ്രെഡും കാപ്പിയും വാങ്ങിക്കൊണ്ടുവരാൻ കാവ്യ പറഞ്ഞു.
ഞാൻ അത് വാങ്ങി വന്നു.. അവളെക്കൊണ്ടത് കഴിപ്പിച്ചു.
ഞാനും കാവ്യയും രണ്ട് പൊതിച്ചോറ് വാങ്ങി കഴിച്ചുകൊണ്ടിരുന്നപ്പോൾ
എനിക്ക് വിശക്കുന്നു എന്ന് പറഞ്ഞു ദേവിക വിളിച്ചു.
അത് കണ്ടു കാവ്യ പറഞ്ഞു..
“പോയി നിന്റെ കെട്യോൾക്ക് വാരികക്കാടുക്കടാ. ദേ.. അവള് വിശന്നിട്ട് കിടന്നു മോങ്ങാൻ തുടങ്ങിയെക്കുന്നു.”
ഞാൻ ആ പൊതിച്ചോറ് ബെഡിൽ വെച്ച ശേഷം നോകുമ്പോൾ
വായും തുറന്ന്.. വാരിത്താ എന്ന ഭാവത്തിൽ എന്നെ നോക്കിയിരിക്കയാണ് ദേവിക.
“വേണേൽ തനിയെ കഴിച്ചോ. ഞാൻ വാരിത്തരില്ല.”
“എന്നാ എനിക്ക് വേണ്ടാ.”
എന്ന് പറഞ്ഞു അവൾ കിടക്കാൻ നേരം..
“ഓ ഇനി അതും പറഞ്ഞു ഫുഡ്‌ കഴിക്കാതെ കിടക്കണ്ട.”
എന്നും പറഞ്ഞ് ഞാനവൾക്ക് വാരി ക്കൊടുത്തു. കുഞ്ഞിക്കൊച്ചിനെപ്പോലെ അവൾ കഴിച്ചു.
ഇത് കണ്ട് കാവ്യ ചിരിക്കുന്നുണ്ടായിരുന്നു.
രാത്രി കിടക്കാറായി. ഹോസ്പിറ്റലിൽ രോഗിയോടൊപ്പം ഒരാൾക്കേ നില്ക്കാൻ കഴിയൂ. ദേവികയെ കാവ്യയെ ഏല്പിച്ചു ഞാൻ പുറത്തേക്ക് പോയി.. അവിടെ ഒരു ബെഞ്ചിൽ കിടന്നു.
മീര മിസ്സ്‌ വിളിച്ചു അവളുടെ കാര്യം തിരക്കി. നാളെ വൈകുന്നേരം ആ വഴി തിരിച്ചു വരുമ്പോൾ ഞങ്ങളെ പിക്ക് ചെയ്യാമെന്ന് പറഞ്ഞു.
ഞാനാ ബഞ്ചിൽ കിടന്നുറങ്ങിപ്പോയി. യാത്ര ക്ഷീണമുള്ളത് കൊണ്ട് നല്ല ഉറക്കമായിരുന്നു. രാവിലെ ദേവിക ഫോൺ വിളിച്ചപ്പോഴാണ് എഴുന്നേറ്റത്.
ഞാൻ റൂമിലേക്കു ചെന്നപ്പോൾ അവൾ ഓക്കെ ആയിരിക്കുന്നു . കാവ്യയാണേൽ അവിടെ കിടന്നുകൊണ്ട് കെട്ടിയോനുമായി സൊള്ളിക്കൊണ്ടിരിക്കുന്നു.
“എന്താടീ… നീ ഓക്കെ ആയില്ലേ.”
“ഉം.”
“ഞാൻ പോയി വല്ലതും വാങ്ങിക്കൊണ്ടു വരാം.”
“ഏട്ടാ…ഇന്നലത്തെ ഉറക്കം ശരിയായോ?”
“ഉം..”
ക്ഷീണം കാരണം സുഖമായി ഉറങ്ങിപ്പോയി. കൂട്ടിന് സെക്യൂരിറ്റി ചേട്ടനും ഉണ്ടായിരുന്നു.”
“അപ്പൊ എങ്ങനെയാ ഇനി.”
“ഇനി ഇപ്പൊ പോകാമായിരിക്കും. ഡോക്ടർ വരട്ടെ.. ചിലപ്പോ 8മണിക്ക് വരുമായിരിക്കും.
“കാവ്യാ…”
“ആ.. എന്താടാ.”
“നിനക്ക് 2ഴിക്കാൻ എന്താ വേണ്ടേ.”
“എന്തായാലും കുഴപ്പമില്ല.”
അതും പറഞ്ഞു അവൾ സൊള്ളിക്കൊണ്ടിരുന്നു.
ഇവൾക്ക് ഇത് തന്നെയാണോ പണിയെന്ന് ഞാൻ സ്വയം ചോദിച്ചു.
ഞാൻ അവിടെ അടുത്തുള്ള ഹോട്ടലിൽ നിന്നും ഇഡലിയും സാമ്പറും വാങ്ങി.
കാവ്യാക്ക് കൊടുത്തിട്ട് അവളും ഞാനും ഒരുമിച്ച് കഴിച്ചു.
“നല്ല ടേസ്റ്റ്‌.”
“എന്നാ എന്റെ ശ്രീമതി തന്നെ കഴിച്ചോ.”
“അയ്യോ..അങ്ങനെ അല്ലാ.”
“പിന്നെ.”
“ഏട്ടന്റെ കൂടെ ഇങ്ങനെ കഴിക്കുന്നതിന് നല്ല രുചി എന്നാ.”
അത് കേട്ട് കാവ്യാ.
“മതിടി… മതിടി..ഇനി സോപ്പിട്ടവനെ കുളിപ്പിക്കല്ലേ.”
ഇത് കേട്ട് ദേവിക.
“നീ നിന്റെ കെട്യോന്റെ കാര്യം അനോഷിച്ചാ മതി..ഇത് ഞങ്ങളുടെ കാര്യം.”
“ഓ.. ഞാൻ ഒന്നിലും ഇടപെടാൻ വരുന്നില്ല. നിന്റെ കെട്യോനെ നീ തന്നെ നോക്കിക്കോ.”
“അങ്ങനെ വാ എന്റെ കാവ്യക്കുട്ടി.”
ഞങ്ങൾ എല്ലാവരും ഫുഡ്‌ കഴിച്ചു കഴിഞ്ഞു..ടീച്ചറെ വിളിച്ചു.
അപ്പോഴാണ് അമ്മ ദേവികയെ വിളിക്കുന്നത്.
“എടാ മിണ്ടാതെ യിരിക്കണം അമ്മയാണ് വിളിക്കുന്നെ.”
അവൾ ഫോൺ സ്പീക്കറിൽ ഇട്ട് ബെഡിൽ വെച്ച്.
“ഹലോ.. ദേവികമോൾ അല്ലെ?”
“അതേമ്മേ.”
“ ടൂർ എങ്ങനെയൂണ്ട് ”
ഞാൻ മനസിലോർത്തു…
രാവിലെ തന്നെ എന്നെ വിളിക്കാതെ അമ്മ ദേവികയെ വിളിക്കുന്നുണ്ടല്ലോ. ഇപ്പൊ എനിക്ക് ഒരു വിലയുമില്ലേ. ഇനി ഇവളെക്കൊണ്ട് വീട്ടിൽ ചെന്നാൽ എന്നെ അമ്മ കറിവേപ്പിലേടെ വിലയേ തരുവൊള്ളായിരിക്കും..
“അത് അമ്മേ .. ഞാൻ ഹോസ്പിറ്റൽ ആണ്. പനി വന്നു..
എന്നെയും കാവ്യായെയും..
അപ്പൊ ത്തന്നെ ഞാൻ കൈ കൊണ്ട്
അംഗ്യം കാണിച്ചു.. ഞാനില്ലാന്ന്..
ഹോസ്പിറ്റലിൽ വിട്ടശേഷം അവർ ട്രിപ്പ്‌ തുടർന്നു.”
” നിങ്ങളെ ഒറ്റക്ക് ഇട്ടേച്ചോ. ”
“കുഴപ്പമില്ലമ്മേ.. പനി ഒക്കെ മാറി.. ഇനി അവർ വൈകുന്നേരം വന്നു ഞങ്ങളെ പിക്ക് ചെയ്തു കോളേജിലേക്ക് മടങ്ങും.”
“ആ.. എന്നിട്ട് ഹരി ഇറങ്ങിയില്ലെ?”
“അവൻ ടൂറിന്റെ ഹാങ്ങ്‌ ഓവറിലല്ലേ.. അവൻ അവരുടെ കൂടെ പോയമ്മേ.”
അത് എനിക്കിട്ട് വെച്ചാ പണിയാണെന്ന് അവൾ എന്റെ നേരെ ചിരിച്ചുകാണിച്ചു.
അതെന്ത് പണിയാ അവൻ കാണിച്ചേ.. മോൾക്കൊപ്പം നിൽക്കാതെ അവന്റെ ഒരു ടൂറ്.. ഇങ്ങ് വരട്ടെ അവൻ…
എന്നാ ശെരി മോളെ റസ്റ്റ്‌ എടുത്തോ. കാവ്യാ മോളുടെ കൈയിൽ കൊടുക്കാമോ.”
“ആ അമ്മേ.”
“മോളെ പൈസ എന്തെങ്കിലും വേണോ. വേണേൽ ഗൂഗിൾ പേ വഴി അയക്കാം..”
“വേണ്ടമ്മേ.. cash ഉണ്ട്… “
” എന്തെങ്കിലും ഉണ്ടേൽ ഒരു മടിയും കൂടാതെ വിളിക്കണം കെട്ടോ.”
“ശരി അമ്മേ.”
അമ്മ ഫോൺ വെച്ച്.
“ഇപ്പൊ കണ്ടോ കാവ്യേ.. ഹരിഏട്ടന്റെ ഫോണടിക്കും.”
പറഞ്ഞു തീർന്നതും എന്റെ ഫോൺ അടിച്ചു.. അമ്മ തന്നെ.
“ഹലോ അമ്മേ.”
“എങ്ങനെയുണ്ട് യാത്ര?”
“കുഴപ്പമില്ല.”
“അതൊക്കെ അവിടെ നിൽക്കട്ടെ. നിന്റെ hodക്ക് ഈ ഫോൺ ഒന്ന് കൊടുത്തേ.”
“എന്തിനാമ്മേ?”
“ പനി പിടിച്ച കൊച്ചിനെ ഹോസ്പിറ്റലിൽ ഇട്ടേച്ചു ടൂർ തുടർന്നത് ചോദിക്കാനാണ്.”
“അയ്യോ അമ്മേ. സാറിനെ അറിയുന്ന ഡോക്ടറാണ് കുഴപ്പമില്ല.”
“ഉം. അല്ലാ നിനക്കും ഇറങ്ങികൂടായിരുന്നില്ലെടാ.”
“എന്റെ അമ്മേ..”
“എന്തായാലും എനിക്കവളെ മരുമകളായി നീ കൊണ്ട് വന്നില്ലേ.. നിനക്ക് പച്ചവെള്ളം ഞാൻ തരില്ല.”
എന്ന് പറഞ്ഞു അമ്മ ഫോൺ കട്ട് ചെയ്തു.
അത് കേട്ട് കാവ്യ :
” എടീ.. ഇവന്റമ്മക്ക് നിന്നെയങ്ങ് ഇഷ്ടപ്പെട്ടെന്ന് തോന്നുന്നല്ലോടി.
എടാ ചെറുക്കാ.. വേഗം എന്റെ ദേവികുട്ടിയെ വീട്ടിൽ കയറ്റിക്കോണം.”
“ശെരി എന്റെ കാവ്യാമോളെ.”
കാവ്യാ എന്നിട്ട് ദേവികയോട് പറഞ്ഞു.
“നിന്റെ ഭാഗ്യമാടി ഇങ്ങനത്തെ ഒരു അമ്മായിഅമ്മയെ കിട്ടിയത്. എന്റെ അവസ്ഥ കണ്ടോ. പെറ്റമ്മക്ക് പോലും ഇപ്പൊ വേണ്ടാ.”
ഞാൻ ഇടക്ക് കയറി പറഞ്ഞു.
“നീ പെറ്റു എന്ന് അറിഞ്ഞാൽ ആദ്യം വരുന്നത് നിന്റെ അമ്മ ആയിരിക്കുമെടി… പെറ്റമ്മ ഒരിക്കലും തന്റെ മകളെ ഉപേക്ഷിക്കില്ല. എല്ലാം ശെരിയാകും. ദേ ഇവനോ ഇവളോ ഇങ്ങ് വന്നാൽ.”
ദേവികയും അവളോട്.
“ഹരി ഏട്ടൻ പറഞ്ഞത് നടക്കും. എനിക്ക് ഉറപ്പാ.. എനിക്ക് അമ്മയുടെയും അച്ഛന്റെയും സ്നേഹമെന്താണെന്നു അറിയാനുള്ള പ്രായമായപ്പോഴേക്കും എന്നെ ഒറ്റക്കാക്കീട്ട് പോയില്ലേ രണ്ടാളും”
സെന്റി കയറിത്തുടങ്ങി എന്ന് മനസിലായതോടെ വിഷയം മാറ്റാൻ ഞാൻ പലവഴിയും പയറ്റി.
ഡോക്ടർ വന്നപ്പോൾ ഡിസ്ചാർജ് ആയിക്കോളാൻ പറഞ്ഞു. [ തുടരും ]
