എന്റെ ജീവിതം എന്റെ രതികൾ
രതികൾ -ഫുഡ്‌ കഴിച്ചു ഉറങ്ങാൻ കിടന്നപ്പോൾ..കാവ്യാ എന്റെ മൊബൈലിൽ വിളിച്ചു.
കൊടുങ്ങല്ലൂർ ഭാരണിപ്പാട്ട് ആണെന്ന് തോന്നുന്നു ഫോൺ എടുത്തപ്പോൾ ഞാൻ കേട്ടത്. നമ്പൂതിരിക്കുട്ടി ആണേലും അവൾ ചില സമയങ്ങളിൽ തറയാകുമെന്ന് എനിക്കറിയാം.
“എന്താടി….”
“നിനക്ക് എന്ത് പറ്റി എന്നോട് ഇങ്ങനെയൊക്കെ പറയാൻ.”
“എടാ പട്ടി.. ഇത് ഞാൻ പറഞ്ഞില്ലേ ശെരിയാകില്ല.
പിന്നെ എനിക്ക് നല്ല ഐശ്വര്യമുള്ള നാക്കാണ്. അതുകൊണ്ട് മോന് ഒരുപാട് തെറിവിളി ഇനീം കിട്ടാൻ ചാൻസുണ്ട്.
നാളെ കോളേജിലേക്ക് വാ
ബാക്കി ഉള്ളത് അപ്പൊ തരാം.”
എടീ എനിക്ക് ഒന്നും മനസിലാകുന്നില്ല.
നീ കാര്യം പറയടി മൈരേ..
“നീ ക്ലാസ്സ്‌ വാട്സ്ആപ്പ് ഗ്രൂപ്പ്‌ എടുത്തു നോക്കടാ എന്റെ പോന്നു മൈര് മോനെ ”
ഞാൻ ഫോൺ കട്ട് ചെയ്തു. വാട്സ്ആപ്പ് ഗ്രൂപ്പ്‌ എടുത്തു നോക്കി.
“ഓ ഡാർക്ക്‌..നാളെ കോളേജിൽ പോകാതെയിരിക്കുന്നതാണ് നല്ലത് ”
അപ്പോഴേക്കും കാവ്യാ വീണ്ടും വിളിച്ചു.
“നാളെ നീ അബ്സെന്റ് ആയാൽ ഞങ്ങൾ എല്ലാം നിന്റെ വീട്ടിൽ വന്നു പൊക്കി എടുത്തുകൊണ്ട് കോളേജിൽ വരും ”
“അയ്യോ ഞാൻ വന്നോളാം ”
“എന്നാ അമ്മയുടെ പൊന്നാര മോന ചീച്ചി മുള്ളീട്ട് കിടന്നോ. നാളെ കോളേജിൽ കാണാം. ഗുഡ് നൈറ്റ്‌. സ്വീറ്റ് ഡ്രീം ”
“ഗുഡ് നൈറ്റ്‌ ”
ഫോൺ കട്ട് ചെയ്തു അവൾ പോയി.
“എടാ നാറി അമലേ.. നിന്നെ എനിക്ക് നാളെ ക്ലാസ്സിൽ കിട്ടൂടാ ”
എന്ന് പറഞ്ഞു ഞാനും കിടന്നു .
കോളേജ് ഗ്രൂപ്പിൽ ഒക്കെ ഇപ്പൊ പൊങ്കാലയാണെന്ന് എനിക്ക് അറിയാം. ഓൺലൈൻ കണ്ടാൽ ഓരോ അവന്മാർ വിളിതുടങ്ങും.
എന്തായാലും നാളെ കോളേജിൽ എനിക്ക് നല്ല പണിയാണെന്ന് ഓർത്ത് കൊണ്ട്, ദേവൂട്ടിയെയും ഓർത്ത് തലയണയെ കെട്ടിപിടിച്ചു കിടന്നു ഉറങ്ങി പോയി.
രാവിലെ എഴുന്നേറ്റു മൊബൈൽ എടുത്തു നോക്കിയപ്പോൾ ദേവികയുടെ മിസ്സ്കാള് കിടക്കുന്നുണ്ട്. പാവം ഇന്നലെ പെൺപിള്ളേരൊക്കെ അവളെ പറിച്ചെക്കുന്നുണ്ടാവും. ആ മാതിരി മുള്ള വീഡിയോ അല്ലേ അമൽ എടുത്തിട്ടേക്കുന്നത്.
ക്ലാസിലെ പാമ്പും കീരിയും, ബൈക്കിൽ ചിരിച്ചു കെട്ടിപിടിച്ചും എന്റെ മെത്തേക്ക് ചാരിയുമിരിക്കുന്ന ദേവിക. ഇവന്മാർ എങ്ങനെ ആ വീഡിയോ എടുത്തു.
എന്തായാലും ഈ വിവരം ദേവികയെ അറിയിക്കണം. അതല്ലെങ്കിൽ ഒന്നുമറിയാതെ അവൾ പത്മവ്യൂഹത്തിൽ പെട്ട അവസ്തയിലായാലോ..
ദേവികയെ വിളിക്കാൻ നോക്കിയപ്പോൾ അവൾ ഹോസ്റ്റലിലല്ലെ.. മെസ്സേജ് അയച്ചിടാം..അവൾ ഇങ്ങോട്ട് വിളിക്കും.. എന്നാ ആദ്യം ചിന്തിച്ചത്.. അവളുടെ മിസ്സ്‌ കാൾ കണ്ടപ്പോഴാണ് പാവത്തിന് എന്നെ ഫോൺ വിളിക്കാൻപോലും പൈസ ഇല്ലല്ലോ എന്ന് ചിന്തിച്ചത്. 199രൂപക്ക് റീചാർജ് ചെയ്തു കൊടുത്തു.
ബ്രേക്ക്‌ ഫാസ്റ്റ് കഴിച്ചുകൊണ്ട് ഇരുന്നപ്പോളും അമ്മ പിണങ്ങി ഇരിക്കുവാണെന്ന് മനസിലായി. എന്തെങ്കിലും സമ്മതിപ്പിക്കാൻ വേണ്ടി അച്ഛന്റെ അടുത്ത് കാണിക്കുന്ന ട്രിക് ആണ് അമ്മ ഇവിടെയും പയറ്റാൻ പോകുന്നത് എന്ന് മനസിലായി.
“എടാ മോനെ.
നീ ഒന്ന് ചിന്തിച്ചു നോക്ക്.”
“ഉം ”
ഞാൻ തിന്ന് കൊണ്ട് മുളി.
“അമ്മക്ക് പ്രായം കൂടി വരുവല്ലേ .
അമ്മക്ക് എന്തെങ്കിലും പറ്റിയാൽ
നിങ്ങൾക്ക് ആരാ ആഹാരമൊക്കെ വെച്ച് തരുന്നത്.”
എന്ത് സങ്കടത്തോടെയാ അമ്മ പറയുന്നത് എന്നറിഞ്ഞ് അച്ഛനും ഞാനും മുഖത്തോട് മുഖം നോക്കിനിന്ന്.
അമ്മ അടവ് എടുത്തു തുടങ്ങി എന്ന് മനസിലായി. ദേവികയെ പ്രേമിക്കാനും എന്നെക്കൊണ്ട് തന്നെ കെട്ടിക്കാനുമുള്ള പ്ലാനിങ്.
പിന്നെ ഞാൻ ഒന്നും നോക്കിയില്ല. ആ വിഷമം മുഖത്ത് കാണിച്ചിട്ട്.
എന്താമ്മേ ഇങ്ങനെ ഒക്കെ പറയുന്നത്.
അമ്മക്ക് വയ്യാതെ ആയാൽ അച്ഛനെക്കൊണ്ട് ഞാൻ വേറെ പെണ്ണ് കെട്ടിച്ചോളാം. അപ്പൊ ഞങ്ങൾക്ക് ഫുഡ്‌ ഒക്കെ വെച്ച് വിളമ്പിത്തരാൻ ആൾ ആകുമല്ലോ..അതോർത്ത് അമ്മ സങ്കടപ്പെടണ്ട…അച്ഛാ.. അച്ഛന് സമത മല്ലെ?”
“എനിക്ക് സമ്മതമാണ് മോനെ. ഞാനും ആലോചിച്ചിട്ടുണ്ട് ഇവൾക്ക് വീട്ടിലെ പണികൾ കുറക്കാൻ ഒരുവളെയും കൂടി കെട്ടിക്കൊണ്ട് വരാംന്ന് ”
അമ്മക്ക് ദേഷ്യം കയറി. ഫുഡ്‌ എടുത്തു കൊണ്ട് വന്ന പാത്രം മേശപ്പുറത്ത് വെച്ചിട്ട് പിറുപിറുത് കൊണ്ട് അടുക്കളയിലേക്ക് പോയി.
“എടാ മോനെ.. നിന്റെ തള്ളക്ക് ഇത് എന്ത് പറ്റി? ഇന്നലെ രാത്രി എന്നെ ഉറക്കിട്ടില്ലാ.
ആ പെങ്കൊച്ചിന്റെ വീട്ടിൽ പോ യി നമുക്ക് അന്വേഷിച്ചാലോ എന്ന് പറഞ്ഞു കൊണ്ടിരിക്കുകയായിരുന്നു.
ഇവൾ, ആദ്യമായിട്ടാണ് ഇങ്ങനെ ഒരു വാശി കാണിക്കുന്നത്. നിനക്ക് അവളെ ഇഷ്ടമാണോടാ. എന്നാ നമുക്ക് പോയി ഒന്ന് അന്വേഷിച്ചാലോ?”
ഞാൻ അപകടം മണത്തു. അമ്മയുടെ ഒരു ആഗ്രഹത്തിനും എതിർ നിക്കില്ല അച്ഛൻ എന്ന് എനിക്കറിയാം. ഒരു പക്ഷേ രണ്ടാളും അന്വേഷിച്ചു അവളുടെ നാട്ടിൽ പോയാൽ..!! അത് ശെരിയാകില്ല എന്ന് എന്റെ മനസ് പറഞ്ഞു.
“അത് പിന്നെ അച്ഛാ.. ഞങ്ങൾ ഒന്ന് ഇഷ്ടപ്പെട്ടു വരട്ടെ.. ഒരു പക്ഷേ അവൾക്ക് ഇഷ്ടമില്ലെങ്കിലോ? എന്തായാലും കോളേജ് ലൈഫൊക്കെ ഒന്ന് കഴിയട്ടെ.”
“ഉം ”
പതുങ്ങി നിന്ന് കേട്ടുകൊണ്ട് ഇരുന്ന അമ്മ പതുക്കെവന്നു. രണ്ട് ഇഡലി കൂടി പ്ലേറ്റിൽവെച്ചിട്ട് പറഞ്ഞു.
“ഇനി ഞാൻ നിർബന്ധികുന്നില്ല മോനെ..
അമ്മക്ക് അവളെ അത്രയ്ക്കും ഇഷ്ടമായത് കൊണ്ടാണ്.”
എന്ന് പറഞ്ഞു അമ്മ അടുക്കളയിലേക്ക് പോയി.
അപ്പോഴേക്കും എന്റെ ഫോൺ അടിക്കാൻ തുടങ്ങി. ഞാൻ കൈ കഴുകി വേഗം ചെന്ന് നോക്കിയപ്പോൾ ദേവൂട്ടി ആയിരുന്നു.
“ഹലോ.”
അവളുടെ ആ മൃദുവാർന്ന ശബ്ദം എന്റെ ചെവിക്ക് ഒരു പ്രതേക സുഖം നൽകി
“എങ്ങനെ ഉണ്ടായിരുന്നു ഇന്നലെത്തെ ഹോസ്റ്റൽ ഉറക്കം ”
“എന്തൊ നിന്നെ മിസ്സ്‌ ചെയ്യുന്നുണ്ടായിരുന്നു.
നിനക്കോ?”
“സെയിം ടു യു.
എനിക്കും ഇന്നലെ രാത്രി നിന്നെ കാണണമെന്ന് തോന്നിപ്പോയി.
അല്ലാ ഇന്നലെ രാത്രി ഗേൾസ് വിളിച്ചായിരുന്നോ?”
“ഇല്ലാ..എന്ത്യേ?”
“ഒന്നുമില്ല നീ റെഡിയായി കോളേജിലേക്ക് പൊയ്ക്കോ. ഞാൻ വന്നേക്കാം.. ”
“ഉം .. ബ്രേക്ഫാസ്റ്റ് കഴിച്ചോടാ. ”
“ഉം. കഴിച്ചു..ഇഡലിയും സാമ്പാറും. “
അവിടയോ?”
“കഴിച്ചു. എന്തിന് കൊള്ളാം. നിന്റെ അമ്മ ഉണ്ടാക്കി ആരുന്ന ഇഡ്ലിയുടെ രുചി ഇപ്പോഴും നാവിൽനിന്ന് പോകുന്നില്ല.”
ഞാൻ ചിരിച്ചിട്ട്.
“ദേ അമ്മക്ക് എന്നെ കൊണ്ട് നിന്നെ കെട്ടിക്കാൻ വലിയ തിടുക്കമാട്ടോ..
എന്നോട് എങ്ങനെയെങ്കിലും നിന്നെ വളച്ചു വീട്ടിലേക്ക് കൊണ്ട് വരാൻ പറയുകയാ.”
“വളക്കാനോ.. ഞാൻ വേണേൽ ഇന്ന് തന്നെ നിന്റെ കൂടെ പോരാം. ”
“അയ്യോ. അത് ഇപ്പൊ വേണ്ടടീ. നമുക്ക് കുറച്ച് നാൾ അങ്ങോട്ടും ഇങ്ങോട്ടും പ്രേമിച്ചു നടന്നിട്ട്..എനിക്ക് age ആകുമ്പോൾ നിന്നെ കൂട്ടിട്ട് അമ്മയുടെ അടുത്ത്പോയി നില്ക്കാനാ.”
“എന്തിനാടാ ആ പാവത്തെ ഇങ്ങനെ.”
“നീ കുളിച്ചു ഫ്രക്ഷായി കോളേജിൽ പോകാൻ നോക്ക്.. ഞാൻ 10മണി ആകുമ്പോൾ വരാം.”
“അതേ വൈകുന്നേരം ഞാൻ മെസ്സേജ് അയക്കാം. ഗൗരി ഇന്ന് എത്തുമായിരിക്കും.”
“ശെരി ”
“ഉമ്മ ”
“നേരിട്ട് കിട്ടിയാലേ എനിക്ക് ഊർജം കിട്ടു ”
“പോടാ കള്ളാ..Bye ”
ഫോൺ വെച്ച് അവൾ പോയി.
പാവം ആരും അവളോട് പറഞ്ഞിട്ടില്ല. കോളേജിൽ ചെല്ലുമ്പോളറിയാം. എന്താകുമോ ആവോ എന്ന്., !!
ഞാൻ / അമൽ ഗ്രൂപ്പിൽ ആഡ് ചെയ്ത വീഡിയോ ഒന്നുടെ നോക്കി.
എന്നിട്ട് മനസിൽ പറഞ്ഞു.
ശെരിക്കും പറഞ്ഞൽ അവനിട്ട് ഒന്ന് കൊടുക്കണമെന്ന് വെച്ചതാ. നല്ല ക്ലാരിറ്റിയായി വീഡിയോ എടുത്തിട്ടുണ്ട്‌. എന്താ ഗമ മിലാ അവൾ എന്നെ കെട്ടിപിടിച്ചിരിക്കുന്നെ. ദൈവമേ കണ്ണ് കിട്ടാതിരുന്നാൽ മതി ഞങ്ങൾക്ക്.
എന്ന് ഓർത്ത്കൊണ്ട് ഞാൻ പോകാനുള്ള എല്ലാമെടുത്തു വെച്ച് ഇറങ്ങി.
അമ്മ പുറത്തേക്ക്പോയ തക്കം നോക്കി അടുക്കളയിൽ കയറി ഇഡിലിയും സാമ്പാറും അടിച്ചു മാറ്റി. പിന്നെ അമ്മയോട് യാത്ര പറഞ്ഞിറങ്ങി.
കോളേജിൽ എത്തിയപ്പോഴേക്കും ബെൽ അടികുന്നതെ ഉണ്ടായിരുന്നുള്ളൂ..
ഞാൻ ക്ലാസിലേക്ക് കയറി ചെന്നു.
അവിടെ കണ്ടത് ദേവികയെ ഇടം വലം തിരിയാനനുവദിക്കാതെ ചോദ്യങ്ങൾ ചോദിക്കുന്ന പെൺപടയെയാണ്. (തുടരും)
