ഞാൻ എന്റെ ഒരു പഴയ സാംസങ് ടച്ചിന്റെ ഫോൺ അവൾക്ക് കൊടുത്തു.

“എപ്പോഴും നീ എന്നെ കോൺടാക്റ്റ് ചെയ്യാൻ വേണ്ടി തരുന്നതാണ്.

നിന്റെ അച്ഛന്റെ ഫോണിനെക്കാൾ പ്രധാന്യം ഇതിന് കൊടുക്കണം.

ഈ ഫോണിനും അതിന്റെതായ ഒരു മഹത്വമുണ്ട്. ഇത് ഞാൻ സ്വന്തം പൈസക്ക് വാങ്ങിയതാണ്.

അവളാദ്യം നിരസിച്ചെങ്കിലും ഞാൻ നിർബന്ധിച്ചു കൊടുത്തു. അവളത് സ്നേഹപൂർവ്വം എന്റെ കൈയിൽനിന്ന് വാങ്ങി. എന്നിട്ട് അമ്മ അവിടെ ഇല്ലാ എന്ന് ഉറപ്പ്‌ വരുത്തിട്ട് ഇങ്ങനെയും കൂടെ പറഞ്ഞു:

“നിനക്ക് ഇനി ആരും ഇല്ലാ എന്ന തോന്നൽ വേണ്ടാ.. ഞാൻ ഉണ്ട്‌. “
ചെവിയോട് മുഖം ചേർത്ത് പറഞ്ഞു..
” ഭർത്താവായി..”

അവളുടെ കണ്ണിൽ നിന്ന് വെള്ളം വന്നപ്പോൾ അത് തുടക്കാൻ ഞാൻ
പറഞ്ഞു.

അവൾ അമ്മയോട് യാത്ര പറഞ്ഞു.

“മോളെ ഇങ്ങോട്ട് ഇടക്ക് ഒക്കെ വരണം കേട്ടോ ”

എന്ന് പറഞ്ഞമ്മ.

അവൾ എന്റെ ബൈക്കിന്റെ പുറകിൽ കയറി.
ഇവളെ സൂക്ഷിച്ചുകൊണ്ട് പോകണോ ട്ടോടാ.. എന്ന് പറഞ്ഞു ഒരു ഡയലോഗ് അടിച്ചപ്പോൾ അമ്മക്ക് അവളെ വിടണമെന്നില്ലാ എന്ന് തോന്നിപ്പോയെനിക്ക്.

അച്ഛനോടും അവൾ യാത്ര പറഞ്ഞു. പിന്നെ ബൈക്കിൽ ഞങ്ങൾ കോളേജ് ഹോസ്റ്റലിലേക്ക് വിട്ടു..

അവൾ എന്നെ കെട്ടിപ്പിടിച്ചിരുന്നു.

ഞാൻ പറഞ്ഞു..

“നമുക്ക് ഈ ബൈക്ക് മാറ്റി ബുള്ളറ്റ് മേടിക്കണം ”

“എന്തിനാടാ.. അതൊന്നും വേണ്ട..
ഇതിൽ ഇരിക്കാനാണ് എനിക്കിഷ്ടം. അതും നിന്നെ ഇങ്ങനെ മുറുകെപ്പിടിച്ചു.”