ഹാ.. ഇതാര്. ഇതെന്താ ഒരു മുന്നറിയിപ്പും കൂടാതെ വന്നത്..വായോ ഇരിക്ക്.

നിമിഷ അവളുടെ കസേര ഒഴിഞ്ഞുകൊടുത്തു.

സേതു..ഇത് അലക്സ് ഇച്ചായൻ.. നമ്മുടെ ഷോപ്പിൽ ഇൻവെസ്റ്റ്മെൻ്റ് ഇട്ടേക്കുന്ന ഓരാളാണ്. രാജീവ് (രാജീവ് നിമിഷയുടെ ഭർത്താവ് ആണ്) ഏട്ടൻ്റെ കൂട്ടുകാരനാണ്. ദുബായിൽ തന്നെയാണ്. പക്ഷേ നാട്ടിൽ ആന്നെ കാണുമെന്ന് മാത്രം. നമ്മൾ ചുമ്മാ കവലയ്ക്ക് പോയിട്ട് വരുന്ന പോലെയാ ഇച്ചായന് ദുബായ്.. ഹ ഹ ഹ…
ആ.. പിന്നെ.. ഇച്ചായാ..ഇതാണ് നമ്മുടെ സേതു, സേതുലക്ഷ്മി. ഞാൻ പറഞ്ഞിട്ടില്ലേ.!!!

അലക്സ് എണീറ്റ് സേതുവിന് കൈ കൊടുത്തു.

ഹലോ സുഖായിട്ട് ഇരിക്കുന്നോ..നിമിഷ പറഞ്ഞിരുന്നു. ഇപ്പോഴാ നേരിൽ കാണാൻ പറ്റിയത്.

സേതു തിരിച്ച് ഒരു ഹലോ മാത്രം കൊടുത്തു. പ്രത്യേകിച്ച് ഒന്നും പറയാതെ ഒന്ന് ചിരിച്ച് മാത്രം നിന്നു.

ഇന്ന് എങ്ങനെയുണ്ട്.. കസ്റ്റമർ ഒക്കെ ഉണ്ടോ?

ആ.. ഉണ്ടിച്ചായാ. ഇപ്പൊ നിലവിൽ രണ്ട് പേരുണ്ട്.

നിമിഷ ഒന്ന് അകത്തേക്ക് വന്നേ ഒരു കാര്യം ഡിസ്കസ് ചെയ്യാനുണ്ട്. സേതു ഇവിടെ നോക്കിക്കോണെ..ഷോപ്പിൻ്റെ കുറച്ച് കാര്യങ്ങൾ സംസാരിക്കാനുമൊക്കെ ആയിട്ട് വന്നതാ ഞാൻ. ഞങ്ങൾ അകത്ത് കാണും.. എന്തേലും ഉണ്ടെങ്കിൽ വിളിച്ചാൽ മതി.

സേതു ഓക്കെ എന്ന് പറഞ്ഞ് തലയാട്ടി.

അലക്സ് നേരെ അകത്ത് ഒരു റൂമിലേക്ക് കയറി. ,നിമിഷ സേതുവിനോട് ഒന്ന് നോക്കാൻ പറഞ്ഞിട്ട് അവൻ്റെ പുറകെ പോയി.