ആരെ.. എങ്ങനെ ..എവിടെ
കഥ തുടരുന്നു – കിരൺ ഉറച്ച മനസോടെ ലോറി ഓടിക്കുകയാണ്‌, തന്റെ അമർഷം മുഴുവൻ ആക്സിലേറ്ററിൽ തീർത്തു. നീണ്ടുനിവർന്നു കിടക്കുന്ന ഹൈവേയിൽകൂടി വാഹനം ശരവേഗം പാഞ്ഞു. തന്റെ മുന്നിൽ വന്ന എന്തിനെയും തകർത്തെറിയാൻ വെമ്പൽകൊണ്ട്. ആ ലോറി കാലന്റെ പ്രതിനിധിയായി രൂപമെടുത്തു.
അമീറിന്റെ ബൈക്ക് ദൂരെ പോകുന്നത് കാണാം. അവൻ തിരിഞ്ഞ ആ റൂട്ട് കിരണിന് ആവേശം നൽകുന്ന ഒന്നായിരുന്നു. കാരണം, ഇടതുവശം ഒരു വലിയ കനാലാണ്‌, ആല്ലെകിൽ ഒരു നദിയെന്ന്‌ പറയാം. അതിശക്തമായ കുത്തൊഴുക്കാണ്‌. ഡാമിൽ നിന്നും വെള്ളം ഗതിമാറ്റി കൊണ്ട്പോവുകയാണ്‌. വഴിയിൽ ഒരു തുരങ്കമുണ്ട്. അത് വഴി ആ ജലം കടന്നു പോകും. ഒരു 20കിലോമീറ്ററിൽ കൂടുതലുണ്ട് ആ ടണൽ. ആ ടണൽ ചെന്നുചേരുന്നത് ഒരു സംഭരണ ഡാമിലേക്കാണ്‌.
അമീറിനെ ആ ടണൽ തുടങ്ങുന്നതിനു മുൻപ് ഒരു 10 കിലോമീറ്ററിനുള്ളിൽ തട്ടണം. അവനെ ഡമ്പ് ചെയ്യേണ്ടത് ആ പുഴയിലാണ്‌. ബൈക്ക് അവിടെത്തന്നെ ഇടണം. പിന്നെ അവനെ ആ സെക്കന്ററി ഡാമിൽ നോക്കിയാൽ മതി. അതും മുതലകൾ തിന്നു തീർത്തില്ലെങ്കിൽ മാത്രം. ഇതാണ് അവന് താൻ നൽകുന്ന വിധി. ഇനി അവൾക്കു താൻ കൊടുക്കാൻ പോകുന്നത് പെടുമരണമല്ല. ഓരോ സെക്കന്റിലും അവൾ മരിക്കണം. അങ്ങനെ അവസാനം വരെ മരിച്ചു ജീവിക്കണം.. വഞ്ചകി !! അവൾ തന്റെ ഭാര്യയായി ജീവിച്ചുകൊണ്ട് കാമുകന്റെ കുഞ്ഞിനെ പ്രസവിക്കണം.
അവന്റെയല്ല ഇനി ഒരുത്തന്റെയും കുഞ്ഞിനെ അവൾ പ്രസവിക്കുകയില്ല.
ഈ വിചാരത്തോടെ കിരൺ അമീറും താനുമായുള്ളൂ അകലം കുറച്ചു. പിന്നെ തന്റെ ലോറി അതിന്റെ നമ്പർ ഫേക്ക് ആണ്‌. പിന്നെ കളർ.. താൻ അതും മാറ്റും. അതിനുവേണ്ടത് താൻ തന്നെ ചെയ്തിട്ടുണ്ട്..
താൻ ഉദ്ദേശിച്ച ലൊക്കേഷൻ ആകുന്നു. കൂടിയാൽ ഒരു 4 കിലോമീറ്റർ. ജനവാസ മേഖല പിന്നിട്ടിരുന്നു. ഇടതുവശത്ത് ആ പുഴ. വലതു ഭാഗത്തു താഴ്ചയുള്ള
പ്രദേശം. ഈ പുഴയുടെ മറുകര കാടുപിടിച്ചു കിടക്കുന്ന പ്രദേശമാണ്‌. ഈ ഭാഗത്തു പുഴക്ക് വീതി കുറഞ്ഞു തുടങ്ങി.
പെട്ടന്നാണ് കിരൺ റീർവ്യൂ മിറർ ശ്രദ്ധിച്ചത്. വെടിയുണ്ടയുടെ വേഗത്തിൽ മൂന്ന് കാറുകൾ വരുന്നു.
മിന്നൽ വേഗത്തിൽ ഹോൺ അടിച്ചു കൊണ്ട് ഒന്നിന് പുറകെ ഒന്നായിത്തന്നെ അവ ഓവർടേക്ക് ചെയ്യുന്നു.
അതിൽ ഒരു കാർ, തന്നെ മുന്നിൽ കയറ്റാതെ ലോറി ബ്ലോക്ക്‌ ചെയ്തു കൊണ്ട് പോകുന്നു. ഒരെണ്ണം അതിനു മുൻപിൽ പോകുന്നു. ഒരെണ്ണം പാഞ്ഞു ചെന്നു അമീറിന്റെ ബൈക്കിൽ ഇടിക്കുന്നു. ഇടി ഏറ്റവനും ബൈക്കും പുഴയുടെ വക്കിൽ ചെന്നുവീണു.
കിരൺ ലോറി സൈഡാക്കി. അവൻ ആകെ പകച്ചു.. കാറിന്റെ ഡോറുകൾ തുറന്നു ചിലർ ഇറങ്ങി. അവരുടെ കൈ വശം ഇരുമ്പ് വടികൾ. മൂന്ന് കാറിൽ നിന്നു മായി 18 പേരുണ്ട്. ആ ജില്ലയിലുള്ള ചില കൊടും ക്രിമിനലുകളാണ്‌ അവരെല്ലാവരും. ആരും അവർക്കെതിരെ സാക്ഷി പറയാൻ മടിക്കും.
എഴുന്നേൽക്കാൻ തുടങ്ങിയ അമീറിന്റെ കൈകൾ ചേർത്ത് ഒരുവൻ വീശി അടിച്ചു. ആ സമയം അമീർ പോക്കറ്റ് തുറന്നു ഫോൺ എടുത്തതെയുള്ളു. അപ്പോഴാണ്‌ അടി വീണത്. ഫോൺ തെറിച്ചു വെള്ളത്തിൽ പോയി. പെട്ടെന്ന് അടുത്തവൻ അവനെ ചവിട്ടി. അമീർ തെറിച്ചുവീണു. അവന്റെ ജാക്കറ്റിന്റെ പോക്കറ്റിൽനിന്നും ഒരു സാധനം – ചെറിയ ബോക്സ്‌ – തെറിച്ചു കിരണിന്റെ ലോറിയുടെ സമീപം വീണു. ഒരു external harddisk. കിരണിന്റെ കണ്ണുകൾ തിളങ്ങി.
അവൻ ലോറിയിൽ നിന്നും ഇറങ്ങുവാൻ ഭാവിച്ചു.. എന്നാൽ, ആ ഗുണ്ടകളിൽ ഒരുവൻ ഓടിവന്നു. “ഡാ.. ഡാ.. പോടാ.. എന്ന് അലറിക്കൊണ്ട് ചുറ്റും പരതി ആ ഹാർഡ് ഡിസ്ക് എടുത്തു കിരണിന്റെ മുഖം നോക്കി എറിഞ്ഞു. ഭാഗ്യത്തിന് മുഖത്തു കൊണ്ടില്ല. അത് ലോറിയുടെ അകത്തു തെറിച്ചുവീണു.
“ഇരിക്കെടാ അവിടെ.” എന്നും പറഞ്ഞു ആ ഗുണ്ട ഒരു റിവോൾവർ അവന്റെ നേർക്കു ചൂണ്ടി, ഭീഷണിപ്പെടുത്തി.
കിരണിന്റെ രക്തം തിളച്ചു. അറിയാതെ അവന്റെ കൈ തന്റെ പിസ്റ്റോൾ വച്ചിരിക്കുന്ന ബോക്സിനു നേരെ ചെന്നു. പിന്നെ എന്തോ ഓർത്തപോലെ കൈ പിൻവലിച്ചു.
എടാ ഇവിടെ നടന്നത് ആരോടെങ്കിലും പറഞ്ഞാൽ നിന്നെ ഞങ്ങൾ തീർക്കും. വേഗം നീ വന്ന വഴിക്ക് വിട്ടോ..
അവനോട് ലോറിതിരിച്ചു പോകാൻ ആവശ്യപ്പെട്ടു. വേഗത്തിൽ കിരൺ വണ്ടി തിരിച്ചുവിട്ടു. അപ്പോൾ അതുവഴി വന്ന ബൈക്ക് യാത്രക്കാരനെ.. “എന്താടാ പൂരം കാണുകയാണോടാ” എന്ന് പറഞ്ഞു തെറിവിളിയോടെ ഓടിച്ചുവിട്ടു.
കിരൺ പോകുന്നവഴി വണ്ടി സ്ലോ ആക്കിയപ്പോൾ കണ്ണാടിയിലൂടെ കണ്ടു.. ആ ഗുണ്ടകൾ അമീറിനെ ചവിട്ടിക്കൂട്ടുന്നു.. പിന്നെ, അവന്റെ
ഇരു കൈയിലും കാലുകളിലും തൂക്കിയെടുത്തു വെള്ളം കുത്തി ഒഴുകുന്ന കനാലിൽ ഇടുന്നു..
കിരൺ ഒന്ന് ചൂളം വിളിച്ചു. താൻ എന്താണോ ചെയ്യാൻ ആഗ്രഹിച്ചത് അത് അവർ ചെയ്തു. ഉറപ്പായും ഇവനും ഇവന്റെ കൂട്ടുകാരനും ചെയ്ത എന്തൊക്കെയോ ചെറ്റത്തരത്തിന്റെ തിരിച്ചടിയാകും. ഇനി അവനൊരിക്കലും രക്ഷപെടാൻ പറ്റില്ല.
അറിഞ്ഞുകൊണ്ട് ആ കനാലിൽ ഇപ്പോൾ ഇറങ്ങിയാൽ തന്നെ രക്ഷപ്പെടാൻ വല്ല അത്ഭുതവും സംഭവിക്കണം. അപ്പോൾ അടികൊണ്ടു അവശനായി വീണാലോ !!.
അമീർ ഇനി ഓർമ്മ !!
ഇനി അവനെ ഓർക്കുന്ന, ആവന്റെ കുഞ്ഞിനെ ഗർഭത്തിൽ ചുമക്കാൻ ആഗ്രഹിക്കുന്ന, വേറെ ഒരുത്തന്റെ ഭാര്യ യായിട്ടും പഴയ കാമുകനെ പ്രണയിക്കുന്ന ഒരു പുറംപോക്കിനെ കൂടി തനിക്ക് ഒഴിവാക്കണം.
തട്ടുകയാണ്‌ വേണ്ടത്.. പക്ഷെ സ്ത്രീ ഹത്യ പാപമാണ്‌.. അതാണ് തന്റെ സംസ്‍കാരം.
എന്തായാലും ആ ഗുണ്ടാചേട്ടന്മാർക്ക് അവൻ മനസ്സലാൽ നന്ദിപറഞ്ഞു !!
കുറെ ചെന്നപ്പോൾ അവൻ ലോറി നിർത്തി.. ഫേക്ക് നമ്പർ പ്ലേറ്റ് അഴിച്ചു മാറ്റി. ആറേഴുമാസമായി കട്ടപ്പുറത്തു ഇരിക്കുന്ന കിരണിന്റെ അതേ മോഡൽ ലോറിയുടെ നമ്പർ പ്ലേറ്റ് ആണത്.
അവൻ പിന്നെയും ലോറി ഓടിച്ചു.
മനസ്സിൽ, പൂനത്തിന്റെ ചെയ്തികളാണ്‌.
അവന് ഒരു ചിന്ത വന്നു.. ആ ഗുണ്ട തന്റെ തലയ്ക്കുനേരെ എറിഞ്ഞ hard disk.
കിരൺ ലോറി നിർത്തി അത് പരതി. ഒടുവിൽ അത് കോ ഡ്രൈവർ സീറ്റിന് അടിയിൽനിന്നും കിട്ടി. അവനത് ബാഗിലാക്കി.
പിന്നെയും മുന്നോട്ട് പോകുന്ന സമയത്ത് ഒരു പയ്യൻ വണ്ടിക്ക് കൈ കാണിച്ചു.
ജയ്..!!
അവനെ കിരണിന് മനസ്സിലായി.
തന്റെ കൂട്ടുകാരന്റെ അനിയൻ !!
പൂനം വർക്ക്‌ ചെയ്യുന്ന അതെ കമ്പനിയിലുള്ളവൻ.. അതെ ക്യാബിൽ ജോലിക്ക് പോകുന്നവൻ..!!
ഞാൻ ലോറി നിർത്തി അവനെ നോക്കി. അവൻ ഓടി വന്നു..
” ചേട്ടാ ടൌൺ വരെ ലിഫ്റ്റ് തരാമോ..”
“കയറിക്കോ. “
എന്ന് പറഞ്ഞതും അവൻ കയറി.
കയറിക്കഴിഞ്ഞാണ്‌ അവനെന്റെ മുഖം കണ്ടത്. കണ്ടപ്പോൾ അവന്റെ മുഖത്തു വന്ന സന്തോഷം.. പിന്നെ, സഹതാപം കലർന്ന വല്ലായ്മ കിരൺ ശ്രദ്ധിച്ചു.
“ആരിത്.. കിരൺ ചേട്ടനോ..”
ഞാൻ പുഞ്ചിരിച്ചു.
“ടാ.. നീ ജോലിക്ക് പോയില്ലേ..”
ഞാൻ ചോദിച്ചു.
“ചേട്ടാ.. എന്റെ അനുവൽ ലീവ് എടുത്തു തീർക്കണം.. രണ്ടാഴ്ചയുണ്ട്.. അപ്പോൾ ഒരു ചെറിയ പണി കിട്ടി.. ആ വെജിറ്റബിൾ മൊത്തക്കടയിൽ. ചില അക്കൗണ്ട്സ് നോക്കണം.. അതാണ് . “
ലോറിയിൽ ഇരിക്കേ ഇടയ്ക്കിടയ്ക്ക് അവൻ എന്നെ വല്ലായ്മയോടെ നോക്കുന്നതും പിന്നെ എന്നോട് എന്തോ പറയാൻ വെമ്പുന്നതും ഞാൻ ശ്രദ്ധിച്ചു..
ഞാനവനോട് സൗമ്യമായി ചോദിച്ചു:
“നിനക്കെന്നോട് എന്തെങ്കിലും പറയാനുണ്ടോ?എന്താണെങ്കിലും നിനക്ക് പറയാം.. കാരണം, നീ എന്റെ സുഹൃത്തിന്റെ അനിയനാണ്. “
ഒടുവിൽ അവൻ എന്നോട്, ലോറി സൈഡാക്കാൻ പറഞ്ഞു.
അപ്പോൾ എനിക്ക് മനസിലായി വിഷയം ഗൗരവമുള്ളതാണെന്ന്.
“ചേട്ടാ ഞാനീ പറയുന്നത് എനിക്ക് നേരിട്ട് മനസിലായതാണ്..ചേട്ടൻ ക്ഷമയോടെ കേൾക്കണം..ചേട്ടൻ എടുത്തുചാടി ഒന്നും ചെയ്യരുത്..എനിക്ക് വാക്ക് തരണം..”
“നീ എന്താണ് പറയുന്നതെന്ന് എനിക്ക് മനസ്സിലാകുന്നില്ല.. ശരി.. ഞാൻ സമ്മതിച്ചു.. നീ കാര്യം പറയ്… “
” ചേട്ടനെ തനിച്ചുകാണാൻ പലദിവസമാ യി ഞാൻ ശ്രമിക്കുന്നു.. സാധിച്ചില്ല.. ചേട്ടന്റെ എന്റെ കൈയിൽ നിന്നും മിസ്സായി..എനിക്ക് പറയാനുള്ളത് പൂനത്തെക്കുറിച്ചാണ്‌.. ചേട്ടന്റെ ഭാര്യയെക്കുറിച്ച്.. അവൾക്കു ഞാൻ ചേട്ടന്റെ പരിചയക്കാരനാണെന്ന് അറിയില്ല.. കല്യാണത്തിന് ഞാൻ സ്ഥലത്തില്ലായിരുന്നല്ലോ.. എന്റെ അച്ഛനും ചേട്ടനുമാണ്‌ വന്നത്..
ചേട്ടനോട് പറയാൻ ബുദ്ധിമുട്ടുള്ള കാര്യമാണ്. എന്നാൽ പറയാതിരിക്കാൻ പറ്റില്ല.. ചേട്ടന് ഞങ്ങളുടെ ഓഫീസിലുള്ള അമീറിനെ അറിയാല്ലോ..
പുനത്തിന്റെ instructor അല്ലേ..
അതേ ചേട്ടാ.. ചേട്ടന്റെ wife പുനത്തിന്റെ instructor തന്നെ..ടീം ലീഡർ രാജിച്ചേച്ചി അവനെയാണ്‌ പുനത്തിനെ പഠിപ്പിക്കാൻ instruct ചെയ്തിരിക്കുന്നത്..
ആ അമീർ പക്കാ ഫ്രോഡാണെന്ന് എന്റെ ഫ്രണ്ട് ഹബീബ് പറഞ്ഞു തന്നിട്ടുണ്ടായിരുന്നു.. കമ്പനിയിൽ ജോയിൻ ചെയ്തത് മുതൽ അവൻ ആണുങ്ങളെക്കാൾ കൂടുതൽ അടുത്തത് പെണ്ണുങ്ങളുമായിട്ടാണ്.. അതും നല്ല കുടുംബത്തുള്ളവരും നല്ല പണ്ടമുള്ളവരുമായിട്ട്… ആദ്യം അവന്റെ ലൈഫ് പറഞ്ഞ് സഹതാപം പിടിക്കും.. അതിലൂടെ പ്രണയത്തിലെത്തും.. അതാണ് അവൻ പെണ്ണുങ്ങളെ വളക്കുന്ന രീതി..
അവൻ നല് കുടുംബ സ്വത്തുള്ളവനാണെന്ന് എനിക്കറിയാം. അവനിപ്പോൾ കിട്ടുന്ന സാലറിയേക്കാൾ കൂടുതലാണ് അവന്റെ ചിലവുകൾ..
അവൻ നോട്ടമിടുന്നത് കല്യാണം കഴിഞ്ഞ സ്ത്രീകളെയാണ്. അവരുടെ മാനസിക അവസ്തയെ മുതലെടുത്തു അവരിൽനിന്ന് പണം വലിക്കും. അവർ കംപ്ലയിന്റ് ചെയ്യില്ല… അവരെ അവൻ കൊണ്ടുപോയി കളിക്കുകയും അതിന്റെ clip എടുത്ത് അവരെത്തന്നെ കാണിക്കുകയും ചെയ്യും.. തമാശക്ക് എടുത്തതാണെന്ന് പറഞ്ഞ് അവരുടെ വിശ്വാസം പിടിക്കുമെങ്കിലും അവനുമായി ഉടക്കാതിരിക്കാൻ അവനത് ആയുധമാക്കുകയുമാണ് പതിവ്..
ഒരു ദിവസം രാത്രിയിൽ ജോലി കഴിഞ്ഞ് എല്ലാരും കമ്പനി ക്യാബിൽ പോകുമ്പോൾ പൂനത്തിന്റെ അടുത്ത് അവൻ ഇരിക്കുന്നത് കണ്ടപ്പോഴാണ് ഞാൻ ശ്രദ്ധിച്ചത്.. അന്നതിൽ പ്രത്യേകിച്ച് ഒന്നും തോന്നിയില്ല..
എന്നാൽ പിന്നീട് എപ്പോഴും പൂനവും അമീറും ബാക്ക് സീറ്റിലാണ്‌ ഇരിക്കുന്നത്. ഞാൻ ക്യാബിൽ കയറിയാൽ അപ്പോൾ ഉറങ്ങും.. അതുകൊണ്ട് എന്റെ ഇരട്ടപ്പേര് ഉറക്ക പ്രാന്തൻ എന്നാണ്‌.
എല്ലാദിവസവും ക്യാബ് പുറപ്പെട്ടു അരമണിക്കൂർ കഴിയുമ്പോൾ പകുതി ആളുകളും ഇറങ്ങിപ്പോകും.
അങ്ങനെ ഒരു ദിവസം ഞാൻ ഉറങ്ങി കൊണ്ടിരിക്കുന്ന സമയം പോകുന്ന വഴി ഒരു ആക്‌സിഡന്റ് ഉണ്ടയതുകൊണ്ട് വഴി ബ്ലോക്കായിരുന്നു. പോലീസ്, വണ്ടികൾ മറ്റൊരു വഴിയിലൂടെ തിരിച്ചുവിട്ടു. ആ വഴിയിൽ ഒരു ലെവൽ ക്രോസ് ഗേറ്റുണ്ട്. ക്യാബ് ആ ഗേറ്റ് കടന്ന ഉടനെ ലെവൽ ക്രോസ്സ് ബാർ അടച്ചു. ഹൈവേ വിട്ടുള്ള റൂട്ട് ആണ്‌. ക്യാബിൽ ഞങ്ങൾ കുറച്ച് പേരെ ഉള്ളൂ.. പെട്ടന്ന് അമീർ എന്നെ തട്ടി വിളിച്ചു
“എടാ നമ്മള്ന്ന് വീട്ടിലെത്താൻ വൈകും..” മെന്ന് പറഞ്ഞു..
“ഓ.. സാരമില്ല.. നാളെ ഓഫല്ലേ ..
എന്ന് പറഞ്ഞ് ഞാൻ വീണ്ടും ഉറങ്ങാൻ നോക്കി.. അവനെന്നെ വിളിച്ചുണർത്തിയതിനാൽ പെട്ടെന്ന് ഉറക്കം വന്നില്ല.. അത്കൊണ്ട് വെറുതെ ഒന്ന് പിന്നിലേക്ക് നോക്കി.. അപ്പോൾ
പൂനവും അമീറും മുട്ടിഉരുമ്മി ഇരിക്കുന്നു ഏതാണ്ട് ഭാര്യയും ഭർത്താവും ഇരിക്കുന്നപോലെ !!
എനിക്കത് ശ്രദ്ധിക്കാതിരിക്കാൻ തോന്നിയില്ല.. ഞാനവരെ വാച്ച് ചെയ്തു.. [ തുടരും ]
