ഞാൻ മോനെപ്പോലാണല്ലേ.. ഇന്നമ്മ തിരിച്ച് വരും മുന്നേ എനിക്ക് കുട്ടൻ എല്ലാമെല്ലാമാ എന്ന് ഞാൻ പറയിപ്പിച്ചിരിക്കും.
ഞാൻ മനസ്സിൽ നിശ്ചയിച്ചു.

അമ്മ ഒരുങ്ങുന്നതിന് മുന്നേ ഞാൻ ചോറ് കഴിച്ചു.
എടാ.. ഞാനൊന്ന് സൊസൈറ്റി വരെ പോകും.. നീ കിടന്ന് ഉറങ്ങിക്കളയരുത്. അവള് മാത്രമേ ഉള്ളൂ..

അതിന് ഞാനെന്തിനാ ഉറങ്ങാതിരിക്കുന്നത്. ചോറ് കഴിച്ചാ ഒരുറക്കം എനിക്ക് പതിവുള്ളതല്ലേ..

പഠിക്കുന്ന സമയത്ത് പകലുറക്കം നല്ലതല്ലെന്ന് നിന്നോട് എത്രവട്ടം പറഞ്ഞിട്ടുള്ളതാ..

എന്റമ്മേ.. രാത്രിയാണ് ഞങ്ങള് ഫ്രണ്ട്സ് കമ്പയിൻ സ്റ്റഡിക്കിരിക്കുന്നത്. ആ ഉറക്കം ബാലൻസ് ചെയ്യുന്നത് ഇങ്ങനാ..

ങാ.. മതി.. മതി.. ഇന്നിവിടെ അവള് മാത്രമേ ഉള്ളൂ.. അതോർമ്മ ഉണ്ടായാ മതി..

ശരി.. ശരി.. ഞാനേതായാലും ഇപ്പോ കിടക്കാൻ പോവാ.. എന്തെങ്കിലും ആവശ്യമുണ്ടെങ്കിൽ ചേച്ചിയോട് എന്നെ വിളിക്കാൻ പറഞ്ഞാമതി..

അതും പറഞ്ഞ് ഞാൻ മുകളിലേക്ക് പോയി.
ഞങ്ങൾ രണ്ടു പേരും നിഷ്കളങ്കരാണെന്ന് അമ്മയെ ബോദ്ധ്യപ്പെടുത്തി.
ഇനി അമ്മക്ക് അതേച്ചൊല്ലി ആധി ഉണ്ടാവില്ലെന്നുറപ്പ്.

കട്ടിലിൽ കിടന്നതല്ലാതെ എനിക്ക് ഉറക്കമൊന്നും വരുന്നുണ്ടായില്ല.

ഏതാണ്ട് അരമണിക്കൂർ കഴിഞ്ഞപ്പോ അമ്മ വിളിക്കുന്നത് കേട്ടു. ഞാൻ പ്രതികരിച്ചില്ല. ഉറങ്ങിക്കിടക്കുന്നവൻ എങ്ങനെ വിളി കേൾക്കാനാ…