വിനുവിന് തലേ രാത്രി അമ്മ വീട്ടിലേക്ക് പോകേണ്ടി വന്നു. അവിടെ അമ്മാവന് പെട്ടെന്നൊരു വയ്യായ്ക.. അമ്മാവന് രണ്ട് പെൺ മക്കളാ.. രണ്ടു പേരും ബാംഗ്ളൂരാ പഠിക്കുന്നത്. വീട്ടിൽ അമ്മാവനും അമ്മായിയും മാത്രം. അത് കൊണ്ട് എന്താവശ്യം വന്നാലും വിളിക്കുന്നത് വിനുവിനെയാണ്. അവനാണെങ്കിൽ അവിടെ പോവാൻ ഇഷ്ടമാണ്. അമ്മാവൻ നല്ല പോക്കറ്റ് മണി തരും. കൂടാതെ അമ്മായിയും തരും.

അമ്മാവനെ രാത്രി തന്നെ ഹോസ്പിറ്റലിലേക്ക് കൊണ്ടു പോയി.
ഗ്യാസിന്റേതാണ്. എന്നാലും 24 മണിക്കൂർ ഒബ്സർവേഷൻ വേണമെന്ന് പറഞ്ഞതിനാൽ അമ്മായിയും വിനുവും അന്ന് ഹോസ്പിറ്റലിൽ തങ്ങി.

അമ്മാവൻ ICU വിലായിരുന്നു. എന്നാലും അഡ്മിഷൻ ആയതിനാൽ ഒരു റൂമും എടുത്തിരുന്നു.
അമ്മായിയെ റൂമിൽ കിടത്തിയിട്ട് വിനു ICU വിന് മുന്നിലെ ബൈസ്റ്റാന്റേഴ്സ് സീറ്റിൽ ഇരിക്കുകയായിരുന്നു.

ഏതാണ്ട് പന്ത്രണ്ട് മണിയായപ്പോൾ സിസ്റ്റർ വന്ന് കസേരയിലിരുന്ന് ഉറങ്ങുകയായിരുന്ന വിനുവിനോട് മുറിയിൽ പോയി കിടന്നോളാൻ പറഞ്ഞു. അമ്മാവൻ നല്ല ഉറക്കമാണ്. എന്തെങ്കിലും ആവശ്യമുണ്ടെങ്കിൽ റൂമിൽ ഫോണുണ്ടല്ലോ വിളിച്ചോളാമെന്ന് പറഞ്ഞു.

അമ്മവനെയും കൊണ്ട് ഹോസ്പിറ്റലിലേക്ക് പോരാൻ നേരം ഹോസ്പിറ്റലിൽ നിക്കാൻ കണക്കാക്കി അമ്മായി ഡ്രസ്സ് അടക്കം എടുത്തതാ.. ഒന്നും വേണ്ട.. ചെക്കപ്പ് കഴിഞ്ഞ് പോരാം.. എനിക്കങ്ങനെ പ്രശ്നമൊന്നുമില്ലെന്നും പറഞ്ഞ് അമ്മാവൻ ഡ്രസ്സൊന്നും എടുപ്പിച്ചില്ല.