ആ പുതുദമ്പതികളുടെ ശ്രദ്ധ മിക്കവാറും അവരവരില്‍ തന്നെ ആയിരുന്നു. മണവാളന്‍ ഓരോ സ്റ്റേഷനിലും ഇറങ്ങി എന്തെങ്കിലുമൊക്കെ മേടിച്ചു കൊണ്ടു വരും കെട്ടിപ്പിടിച്ചിരിക്കും. അവളോട് തമിഴില്‍ എന്തൊക്കെയോ കുശുകുശുക്കും. പെണ്ണ് നാണിച്ചു തലകുലുക്കും. ഒരു പക്ഷെ ഇന്നലെ രാത്രിയിലേ പരിപാടിയേപ്പറ്റിയാകും, രമേഷ് ഓര്‍ത്തു.
ഉച്ച കഴിഞ്ഞ് ഊണെല്ലാം കഴിഞ്ഞ് രമേഷ് എഴുനേറ്റ് ഏറ്റവും മുകളിലത്തേ ബെര്‍ത്തില്‍ കയറിക്കിടന്നു. തലേന്ന് രാത്രി ഉറക്കം ശരിയാകാത്തതിനാല്‍ നന്നായി ഉറങ്ങി.
ഏതോ വലിയൊരു സ്റ്റേഷനിലെത്തിയ ബഹളം കേട്ട് എഴുന്നേറ്റപ്പോഴേക്ക് നേരം സന്ധ്യയാകാന്‍ തുടങ്ങി. ഇറങ്ങി വന്നപ്പോള്‍ നവദമ്പതികളില്ല.
എന്തോ നഷ്ടപ്പെട്ട തോന്നലോടെ ഇരുന്നപ്പോള്‍ അവരിതാ തിരിച്ചുവരുന്നു. എന്തോ പലഹാരം മേടിക്കാന്‍ ഇറങ്ങിയതായിരുന്നു. രമേഷിന് ആശ്വാസമായി. ഈ ബോറന്‍ യാത്രയുടെ ഹരം തിരിച്ചു വന്നല്ലോ എന്നോര്‍ത്ത്. രാത്രി വീണ്ടും പെട്ടെന്ന് വന്നു. പിന്നെയും ആളുകള്‍ ഉറങ്ങാനുള്ള ഒരുക്കമായി. രമേഷ് നടുക്കത്തെ ബെര്‍ത്തില്‍ തന്നെ കയറി.
ഇന്നും കളിയുണ്ടെങ്കില്‍ വിടരുതല്ലോ എന്നും വെച്ച്. പക്ഷേ ദമ്പതിമാര്‍ക്ക് ഉറങ്ങാന്‍ പ്ലാനില്ലാത്ത മട്ടിലായിരുന്നു. വല്ല കോയമ്പത്തൂരും ഇറങ്ങാനുള്ളവരായിരിക്കും, രമേഷ് ഓര്‍ത്തു. അവര്‍ താഴെയിരിക്കുമ്പോള്‍ എങ്ങനെ അവരേ നോക്കിയിരിക്കും.
