പ്രണയം പൂത്തുലഞ്ഞു.. കാമം മോഹമായി !!
“അച്ഛന് ഇപ്പോൾ എന്റെ മുഖത്ത് എന്ത് പറ്റി എന്ന് മനസ്സിലായല്ലോ?”
ഞാൻ അച്ഛാ എന്ന് വിളിച്ചത് കേട്ട് ഞ്ഞെട്ടി നിൽക്കുകയാണ് അവർ.
“അച്ഛാ ഞാൻ പോണു. ”
“ഷോറൂമിലോട്ടാണേടാ? ” അച്ഛൻ തിരക്കി.
“അല്ല വീട്ടിലോട്ട് ”
എന്നും പറഞ്ഞ് ഞാൻ ബൈക്കിൽ കയറി.
“സ്പീഡ് കുറച്ച് പോയാൽ മതി. കഴിഞ്ഞ ആഴ്ചത്തപ്പോലെ ഓവർ സ്പീഡിന് പോലീസ് പൊക്കീട്ട് എന്റെ അടുത്ത് വരരുത്. ബൈക്ക് അവർ കൊണ്ടുപോകും ”
അച്ഛൻ ഉത്തരവിട്ടു.
“എങ്കിൽ അച്ഛൻ വിവരമറിയും”
എന്ന് പറഞ്ഞ് ഞാൻ ബൈക്ക് മുന്നോട്ട് പറത്തി.
അച്ഛനോട് അവർ എന്തോ സംസാരിക്കുന്നത് ഞാൻ ബൈക്കിന്റെ കണ്ണാടിയിലൂടെ കണ്ടു. എന്തായാലും ഉള്ളിലെ ദേഷ്യം അച്ഛന്റെ മുൻപിൽ അവർ ചമ്മിയപ്പോൾ തന്നെ മാറി.
“ഇനി അമ്മയോട് എന്തും പറയും” എന്നാലോചിച്ച് ഞാൻ ബൈക്ക് മുന്നോട്ട് പായിച്ചു.
ബൈക്ക് വീടിനു മുന്നിൽ നിർത്തി. കതക് തുറന്നു കിടക്കുന്നു.
“ദൈവമേ !അമ്മ നേരത്തെ എത്തിയോ? ”
ഞാൻ ആത്മഗതം പറഞ്ഞതാണെങ്കിലും അത് എന്റെ വായിൽ നിന്ന് പുറത്തു വന്നു.
ഞാൻ പതിയെ അകത്ത് കയറി സ്റ്റെപ്പ് വഴി രണ്ടാം നിലയിലേക്ക് കയറാൻ ഒരുങ്ങിയതും.
“എന്താ മോനേ പൂച്ചയെ പോലെ പതുങ്ങി പോകുന്നേ .”
അമ്മ എന്നെ കണ്ടു എന്നെനിക്ക് മനസ്സിലായി.
“നിന്റെ കവിളെന്താ ചുവന്നു കിടക്കുന്നേ?”
“ഒന്നുമില്ലമ്മേ”
