പ്രണയം – പതിയെ അവളുടെ തത്തമ്മ ചുണ്ടുകളിലെ തേൻ നുകരാൻ ഞാൻ തല താഴ്ത്തി.

എൻ്റെ നീക്കം മനസ്സിലായപ്പോൾ അവൾ എന്നെ തളളിമാറ്റി ബെഡിൽനിന്നും പുറത്തു ചാടി….

തെമ്മാടി ..മനുഷ്യനെ ഉറങ്ങാൻ സമ്മതിക്കില്ല.. കൈയും കാലും പൊക്കിക്കൊണ്ട് വരും..

അവൾ എൻ്റെ കയ്യിൽ ചെറുതായി തല്ലി ക്കൊണ്ട് നാണത്തോടെ പറഞ്ഞു.

ഞാനേ.. എൻ്റെ ഭാര്യയെയാണ് പിടിക്കാൻ വന്നത്..അല്ലാതെ അപ്പുറത്തെ വീട്ടിലെ ശാന്തേച്ചിയെ അല്ല.. ഞാൻ കള്ള പരിഭവത്തിൽ പറഞ്ഞു.

ഭാര്യയൊക്കെ തന്നെ..പക്ഷേ ഞാൻ പറയും എപ്പോൾ തൊടണമെന്ന്. പിന്നെ..ഞാനല്ലാതെ വേറെ വല്ലോരെയും തൊടാൻ ചെന്നാൽ..ഞാൻ അവിടെ 22 എഫ് കെ നടത്തും….

ജാനി കള്ള ദേഷ്യത്തിൽ പറഞ്ഞു.

ഓ.. ശെരി മേഡം..മേഡം ഇപ്പോൾ പോയി കുളിച്ചൊരുങ്ങി വാ.. സമയം ഒരുപാടായി….

മ്മ്മ.. രഞ്ജു വിളിച്ചിട്ട് എന്ത് പറഞ്ഞു?….

കള്ളി..അപ്പൊ നീ ഉണർന്ന് കിടക്കുവായിരുന്നല്ലെ ?..

ആഹാ….നീ എന്നെ മാറ്റിക്കിടത്തിയപ്പോൾ എണിറ്റായിരുന്നു.

രഞ്ജു വിളിച്ചു പറഞ്ഞതെല്ലാം ഞാൻ ജാനിയോട് പറഞ്ഞു.

വീട്ടിൽ ചെല്ലുമ്പോൾ സീൻ ആവുമോ !!.ഞാൻ പറഞ്ഞതല്ലേ ഇതൊന്നും വേണ്ടാന്ന്..

ഓ..ഇനിയെല്ലാം എൻ്റെ തലയിൽ ഇട്..വീടെത്തുമ്പോഴല്ലേ.. അപ്പോഴേക്കും അത് രഞ്ജു സോൾവ് ചെയ്തോളും.. ഇപ്പൊൾ എൻ്റെ സഹധർമിണി പോയി കുളിച്ചൊരുങ്ങി വാ..

അവൾ സംശയത്തോടെ എന്നെ ഒന്ന് നോക്കിയിട്ട് കുളിക്കാൻ ടൗവലും ഡ്രെസ്സുമായി ബാത്ത്റൂമിൽ കേറി.

ജാനീ കുളിക്കാൻ പോയ ടൈമിൽ ഞാൻ റെസ്റ്റോറൻ്റിൽ പോയി കഴിക്കാനുള്ള ഭക്ഷണം വാങ്ങി.

ഇന്നലെ വന്നത് വെളിപ്പിനെ ആയതുകൊണ്ട് ബിനോയിയോട് സംസാരിക്കാൻ പറ്റിയില്ല. ആ ഡ്യൂട്ടിയും അങ്ങ് തീർത്തു.

അവനോടു കല്യാണം കഴിഞ്ഞ കാര്യം പറഞ്ഞപ്പോൾ ആദ്യം വിശ്വസിച്ചില്ലെങ്കിലും പിന്നീട് കല്യാണ ഫോട്ടോ കാണിച്ചപ്പോൾ വിശ്വസിച്ചു.

അവനോടു കര്യങ്ങൾ പറഞ്ഞിട്ട് ഞാൻ നേരെ റൂമിലേക്ക് തിരിച്ചു.

റൂമിൽ എത്തിയപ്പോൾ ബാൽക്കണിയിൽനിന്ന് സീ വ്യുവും നോക്കി നിൽക്കുവാണ് കക്ഷി.

ഞങ്ങൾ കാപ്പിയും കുടിച്ചു കൊച്ചിലത്തെ കാര്യങ്ങളും കോളേജിൽ വെച്ചുണ്ടായ അനുഭവങ്ങളും പങ്കുവെച്ചു.. കളിച്ചും ചിരിച്ചും തല്ല് കൂടിയും സമയം നീക്കി..

ഉച്ചക്ക് ബിനോയിയുടെ വക സൂപ്പർ ഹൈദ്രാബാദ് ബിരിയാണിയും തട്ടിയിട്ട് ഞങ്ങൾ സുഖമായി ഉറങ്ങി.

വൈകിട്ട് അഞ്ച് മണിയായപ്പോൾ ഞങ്ങൾ ഉണർന്ന് ഫ്രക്ഷായി പുറത്ത് കറങ്ങാനിറങ്ങി.

പുറത്തിറങ്ങിയപ്പോൾ വെളിയിൽ ബിനോയ് നിൽക്കുന്നത് കണ്ടു..
അവന് ജാനിയെ പരിചയപ്പെടുത്തുകയും ചെയ്തു.

ജാനി എല്ലാരോടും പെട്ടെന്ന് ഇണങ്ങുന്ന സ്വഭാവക്കാരി ആയതിനാൽ ബിനോയിയുമായും പെട്ടെന്ന് കമ്പനിയായി…

റിസോർട്ടിൽ നിന്ന് ഞങ്ങൾ നേരെ ബീച്ചിൽ പോയി . കുട്ടികളെപ്പോലെ തിരയോട് മല്ലിട്ടു….

കടൽ കണ്ടപ്പോൾ ഞങ്ങൾ അഞ്ചാറ് വയസ്സുള്ള കുട്ടികളായി മാറി..പിന്നീട് കൈകൾ കോർത്ത് സൂര്യൻ വെള്ളത്തിൽ താഴുന്നതും നോക്കി മണൽത്തരികളിൽ ഇരുന്നു.

സന്ധ്യ കഴിഞ്ഞപ്പോൾ ഞങ്ങൾ നിര നിരയായിട്ടുള്ള കടകളിൽ കേറിയിറങ്ങി സാധനങ്ങളുടെ വില പേശിയും തർക്കിച്ചും ഓരോന്ന് വാങ്ങി.

പിന്നെ.. കാമുകീകാമുകന്മാരെപ്പോലെ സ്ട്രീറ്റിൽ കൂടി പ്രണയിച്ചു, തല്ലുകൂടി നടന്നു.

രാത്രി ഒൻപത് മണിയായപ്പോൾ ഒരു റെസ്റ്റോറൻ്റിൽ നിന്നും കൃാൻഡിൽ ലൈറ്റ് ഡിന്നറും കഴിച്ചു.

10 മണി ആവാറായപ്പോൾ ഞങ്ങൾ റൂമിൽ എത്തി….

റൂമിൽ കേറിയതും എൻ്റെ കാഴ്ചയിൽ സകല കിളികളും പറന്നു !! ഞങ്ങൾ പുറത്ത് പോയപ്പോഴുള്ള റൂം അല്ലായിരുന്നു തിരികെ വന്നപ്പോൾ !!.

റൂമിൽ മുഴുവൻ ഒരു പ്രത്യേകതരം സുഗന്ധം നിറഞ്ഞിരുന്നു :റൂമിൻ്റെ പല ഭാഗത്തും തെളിഞ്ഞിരിക്കുന്ന മെഴുകുതിരി റൂമിൽ മുഴുവൻ ഒരു അരണ്ട പ്രകാശം നിറച്ചിരിക്കുന്നു…കട്ടിലിൻ്റെ നടുക്കായി റോസാപ്പൂക്കൾ കൊണ്ട് ലൗ ആകൃതിയിൽ ഒരുക്കിയിരിക്കുന്നു.. അതിൻ്റെ ഒത്ത നടുക്കായി ബെഡ്ഷീറ്റ് കൊണ്ട് രണ്ടു അരയന്നങ്ങൾ ചുണ്ട് ചേർത്ത് നിൽക്കുന്ന രൂപവും…

ഇതിനെല്ലാം മേമ്പടിയായി റൂമിൽ ടോപ് റൊമാൻ്റിക് ആൽബം സോങ്ങ്സും പ്ലേ ആവുന്നു..

റൂമിൽ കയറിയപ്പോൾത്തന്നെ മനസ്സിൽ പ്രണയം പൂത്തുലയുന്നപോലെ !!

ഞാൻ അത്ഭുതത്തോടെ ജാനിയെ നോക്കി.

അവൾ കയ്യും കെട്ടി മുഖത്ത് സ്ഥിരം ആരെയും മയക്കുന്ന പുഞ്ചിരിയുമായി റൂം വീക്ഷിക്കുകയാണ്.

ഞാൻ ജാനിയെ തന്നെ നോക്കി നിൽക്കുന്നത് കണ്ട് അവൾ എന്തെ എന്ന ഭാവത്തിൽ പുരികം ഉയർത്തി എന്നെ നോക്കി..

ഇതൊക്കെ എങ്ങനെ?

അത്ഭുതം വിട്ട് മാറാതെ ഞാൻ ജാനിയോടു ചോദിച്ചു.

അതിനു മറുപടിയായി അവൾ ഒന്ന് പുഞ്ചിരിച്ചു.

എൻ്റെ ഭർത്താവ് കുറെ നാളായി ഒരു ആഗ്രഹം പറയുന്നു… അത് ഇന്നങ്ങ് നടത്തിക്കൊടുക്കാമെന്ന് തീരുമാനിച്ചു.

അവൾ എൻ്റെ മുഖത്ത് നോക്കാതെ റൂമിൽ ഓരോന്ന് വീക്ഷിച്ചു കൊണ്ട് പറഞ്ഞു.

അവൾ പറഞ്ഞതിൻ്റെ അർത്ഥം ആദ്യം എനിക്ക് കത്തിയില്ലെങ്കിലും പിന്നെ എനിക്ക് കത്തി.

നീ കാര്യമായിട്ട് പറഞ്ഞതാണോ?

ഞാൻ അതിയായ സന്തോഷത്തിൽ ചോദിച്ചു.

പിന്നെ, തമാശക്കാണോ നിൻ്റെ കൂട്ടുകാരൻ ആ തെണ്ടിയെക്കൊണ്ട് ഞാൻ ഇതൊക്കെ ചെയിപ്പിച്ചത് !!

അവൾ ദേഷ്യത്തിൽ പറഞ്ഞു.

ഇതൊക്കെ ഒന്ന് സെറ്റ് ചെയ്യാൻ പറഞ്ഞപ്പോൾ അവന് എന്തൊരു ജാഡയായിരുന്നെന്നോ..
പിന്നെ, എക്സ്ട്രാ 5000 കൊടുക്കാമെന്ന് പറഞ്ഞപ്പോളാണ് ചെയ്യാൻ സമ്മതിച്ചത്.

തെണ്ടി!!

ഞാൻ പയ്യെ പറഞ്ഞു.

എന്തായാലും അവൻ നല്ലോണം ചെയ്ത് തന്നല്ലോ..സ്നേഹം ഉള്ളവനാ..

ഞാൻ അവനെ ന്യായീകരിച്ച് പറഞ്ഞു.

അതെ.. സ്നേഹമുള്ളവാനാ..പക്ഷേ പണത്തിനോടാണെന്ന് മാത്രം..

അവൾ പുച്ഛത്തോടെ പറഞ്ഞു.

അഹ്..എന്തായാലും ചെയ്ത് തന്നല്ലോ!!

ഞാൻ പറഞ്ഞു.

എങ്കിൽ പിന്നെ.. സമയം കളയാതെ നമ്മുക്ക് ഈ മണിയറ ഒരു അങ്കത്തട്ടാക്കി മാറ്റാം !!

ഞാൻ സലീംകുമാർ സ്റ്റൈലിൽ പറഞ്ഞിട്ട് അവൾക്ക് നേരെ ചെന്നു.

മോനാദ്യം കുളിച്ചൊരുങ്ങി സുന്ദരക്കുട്ടപ്പനായി വാ !!

അവൾ എന്നെ തള്ളിമാറ്റിക്കൊണ്ട് പറഞ്ഞു.

അത്രയും സമയം കളയണോ..എനിക്ക് നിന്നെ ഈ വിയർപ്പിൻ്റെ മണത്തോടെ കൂടി മതി..

ഞാൻ വീണ്ടും ജാനിടെ അടുത്തോട്ട് ചേർന്ന് നിന്നു.

അവളുടെ വിയർപ്പ് മണം ആസ്വദിച്ചു വലിച്ചെടുത്തുകൊണ്ട് പറഞ്ഞു.

അതൊന്നും വേണ്ട..നീ മര്യാദക്ക് പോയി കുളിച്ചിട്ട് വാ..ഇല്ലെ ഞാൻ ഫുൾ പരിപാടിയും ക്യാൻസൽ ചെയും.

ജാനി എന്നെ തള്ളിമാറ്റിക്കൊണ്ട് വാർണിംഗ് തന്നു.

ഇനിയും വല്ലതും പറഞ്ഞോണ്ട് ചെന്നാൽ ഇന്നത്തെ പരിപാടിതന്നെ ഫുൾ കാൻസൽ ചെയ്യുമെന്ന് തോന്നിയപ്പോൾ ഞാൻ ടൗവ്വലും എടുത്ത് ബാത്ത്റൂമിലോട്ട് നീങ്ങി….

ബാത്ത്റൂമിൽ കേറുന്നതിന് തൊട്ട് മുമ്പ് ഞാൻ അവളെ നോക്കി..”ഉമ്മാ” ന്ന് കാണിച്ചു.

“പോടാ..”

ജാനി കൈ പൊക്കി അടിക്കുന്നതുപോലെ കാണിച്ചോണ്ട് പറഞ്ഞു.

ബാൽക്കണിയിൽ നിന്നും അൽപമകലെ രാത്രിയുടെ ശാന്തതയിൽ കടലിനുമീതെ ഉദിച്ചു നിൽക്കുന്ന പൂർണചന്ദ്രൻ…

അത് പൊഴിക്കുന്ന നിലാവിന്റെ നീല വെളിച്ചത്തിൽ നീണ്ടു നിവർന്നു കിടക്കുന്ന സുന്ദരിയെപ്പോലെയുള്ള തീരത്തെ ചുംബിച്ചു പിൻവാങ്ങുന്ന തിരകൾ..!!

കഴിഞ്ഞ കുറച്ചു കാലമായി എന്റെ ജീവിതത്തിൽക്കൂടി കടന്നുപോയ കാര്യങ്ങളെക്കുറിച്ച് ചിന്തിച്ചുകൊണ്ടു ഞാനവിടെ നിന്നു…

അപ്പോളാണ് തണുത്ത കടൽക്കാറ്റിനേക്കാൾ കുളിരുന്നൊരു സ്പർശനം എൻ്റെ കവിളുകളിൽ അറിഞ്ഞത്…

എന്റെ ജാനി… ഐസോ മറ്റോ കയ്യിലെടുത്തു തണുപ്പിച്ച കൈകളാലെന്റെ പുറകിൽനിന്നും എൻ്റെ കവിളിൽ തൊട്ടതാണ് പെണ്ണ്…

എന്താ.. എൻ്റെ വാവ ഭയങ്കര ആലോചനയിലാണല്ലോ..

മുഖം എൻ്റെ മുഖത്തോട് ചേർത്ത് വെച്ച് അവൾ ചോദിച്ചു.

ഏയ്‌ .. അങ്ങനെ പ്രത്യേകിച്ചൊന്നുമില്ല… ഞാൻ ഓരോന്ന് ആലോചിച്ചു…

ഞാൻ ഉദിച്ചു നിൽക്കുന്ന പൂർണചന്ദ്രനെ നോക്കി പറഞ്ഞു.

അവൾ പതിയെ കൈകൾ എൻ്റെ കവിളിൽനിന്നും നീക്കി എൻ്റെ വെട്ടിയൊതുക്കിയ താടിയിലും മീശയിലും തലോടാൻ തുടങ്ങി.

“ ആ “

വേദനകൊണ്ട് ഞാൻ അറിയാതെ വിളിച്ചുപോയി. എൻ്റെ കണ്ണുകൾ നിറഞ്ഞു.
അവൾ എന്റെ മീശയിൽ പിടിച്ചുവലിച്ചതാണ്.

ഞാൻ അവളുടെ കൈകൾ തട്ടിമാറ്റിയിട്ട് തിരിഞ്ഞ് നോക്കി.

പെണ്ണേ.. എനിക്ക് നല്ലോണം നൊന്തു കെട്ടോ..

എൻ്റെ പറച്ചിലും മുഖഭാഗവും കണ്ടിട്ട് പെണ്ണ് നിന്ന് ചിരിക്കുവാണ്.

നോവാൻ വേണ്ടിത്തന്നെയാ ചെയ്തെ..

അവൾ ചിരിച്ചുകൊണ്ട് പറഞ്ഞു.

അവളുടെ ചിരി എനിക്ക് അങ്ങോട്ട് പിടിച്ചില്ല..ഞാൻ മുഖം തിരിച്ച് നിന്നു.

എൻ്റെ തക്കൂന് നൊന്തോ!! ചേച്ചി ഇപ്പം വേദന മാറ്റിത്തരാമെ..

ഇതും പറഞ്ഞു എന്നെ തിരിച്ചു നിർത്തി എൻ്റെ മുഖം കൈക്കുമ്പിളിലാക്കി അവളുടെ മുഖം എന്നോട് അടിപ്പിച്ചു..

അവളുടെ ചൂട് നിശ്വാസം എൻ്റെ മുഖത്തടിച്ചു.

“ആ “…

വേദന സഹിക്കാൻ വയ്യാതെ ഞാൻ വീണ്ടും അലറി.

ചുംബനം പ്രതീക്ഷിച്ചുനിന്ന എൻ്റെ മൂക്കിൽ അവളുടെ പാൽ പല്ലുകൾ പതിഞ്ഞു.

ഞാൻ കരഞ്ഞിട്ടും അവൾ പിടി വിട്ടില്ല….പിന്നെ എനിക്ക് ബലം പിടിച്ചു മാറ്റേണ്ടി വന്നു.

നല്ല വേദന എടുത്തതിനാൽ ഞാൻ മൂക്കും പൊത്തി അവിടെ നിന്നു..

അവളെ നോക്കിയപ്പോൾ, നിർത്താതെ ചിരിക്കുവാണ്.

ഞാൻ അവളെ തള്ളിമാറ്റി അല്പം നീങ്ങി നിന്നു. [ തുടരും ]