ജീവിതം പലപ്പോഴും കണക്ക് കൂട്ടലുകൾക്കനുസരിച്ചല്ല മുന്നോട്ട് പോകുന്നത്. പ്രതീക്ഷിക്കാത്ത പലതുമാണ് ജീവിത ചക്രത്തെ തിരിക്കുക. എന്റെ ജീവിതം അതിന് ഒരു ഉദാഹരണമാണ്. ഞാനിന്ന് സമ്പന്നതയുടെ മടിത്തട്ടിലാണ് ജീവിക്കുന്നത്. ഇന്ത്യയിൽ പലയിടത്തും വ്യാപിച്ച് കിടക്കുന്ന ബിസിനസ്സിന്റെ തുടക്കം എനിക്കൊരിക്കലും മറക്കാനാവാത്തതാണ്.

ഇന്ന് ഞാൻ എം.ഡിയായ ഈ കമ്പനിയിൽ ഒരു സാധാ ക്ളാർക്ക് ആയിട്ട് ജീവിതം ആരംഭിച്ചവനാണ് ഞാൻ. എന്റെ പേര് അശോക്. അന്ന് കമ്പനിയുടെ എം.ഡി. ആയിരുന്നത് നാല്പത്തഞ്ച് വയസ്സ് കഴിഞ്ഞയാളാണ്. ആള് സുമുഖനും സുന്ദരനുമാണ്.

ഞങ്ങളുടെ കമ്പനിയിൽ സീനിയോറിറ്റി നോക്കി പ്രമോഷൻ കൊടുക്കുകയല്ല, പലരും പ്രമോഷൻ നേടിയടുക്കുകയാണെന്ന് അർഹതപ്പെട്ട പ്രമോഷൻ കിട്ടാത്തവർക്കിടയിൽ ഒരു സംസാരമുണ്ടായിരുന്നു. അതും, കാണാൻ സുന്ദരികളായ ഭാര്യമാർ ഉള്ളവർക്ക് മാത്രമാണ് പ്രമോഷൻ ലഭിക്കുക എന്നു കൂടി പറഞ്ഞ് കേൾക്കുമ്പോൾ കിട്ടാത്ത മുന്തിരി പുളിക്കും എന്ന ചൊല്ലാണ് തോന്നിയിരുന്നത്.

ജോലിയിൽ കയറി ഒരുവർഷം കഴിഞ്ഞപ്പോൾ ഞാൻ വിവാഹിതനായി. ഒരു ക്ളാർക്കിന്റെ വിവാഹമായത് കൊണ്ടാവാം എം.ഡി വിവാഹത്തിന് വന്നില്ല സ്റ്റാഫുകളെ പ്രതിനിധീകരിച്ച് മൂന്ന്പേർ മാത്രമാണ് വന്നിരുന്നത്. അതിൽ എന്റെ സമപ്രായക്കാരനായ ജോസഫ് വധൂവരന്മാരെ വിഷ് ചെയ്യുന്നതിനായി സ്റ്റേജിലേക്ക് വന്നപ്പോൾ എന്റെ ചെവിയിൽ പറഞ്ഞു മനസ്സ് വെച്ചാൽ അടുത്ത വർഷം ഈ ദിവസം നിനക്ക് സൂപ്രണ്ട് പോസ്റ്റിൽ എത്താമെന്ന്.