ഒരു പീഢനത്തിൻ്റെ കഥ
ആ സംഭവത്തിന് ശേഷം ചന്ദ്രൻ എൻറെ മുന്നിൽ വരാറില്ല. ഞാനും അങ്ങനെ തന്നെ. ഒരു മാസം കഴിഞ്ഞപ്പോൾ അവർ രണ്ടാളും കൂടെ വിവാഹത്തിനുള്ള തീയതി ഒകെ തീരുമാനിച്ചു.
ക്ഷണ പത്രിക പ്രിന്റ് ചെയ്തതുമായി അയാൾ ഒരു ദിവസം വന്നു. ചേച്ചി ചായ ഇടാൻ പോയപ്പോൾ ഞാൻ ചന്ദ്രട്ടനോട് അന്നത്തെ സംഭവത്തിന് മാപ്പു പറയാം എന്നു വിചാരിച്ചു. ഇനി എങ്ങാനും അറിയാതെ പറ്റിപ്പോയതാണെങ്കിലോ.
ഒരബദ്ധമൊക്കെ ആർക്കും പറ്റുമല്ലോ. ഞാൻ ചെന്ന്, പെട്ടെന്നു ദേഷ്യം വന്നതുകൊണ്ടാണ് ഞാനന്നങ്ങനെ പെരുമാറിയതെന്നും അത് കാര്യമാക്കരുതെന്നും പറഞ്ഞ് മാപ്പു പറഞ്ഞു. അപ്പോളയാൾ ഒരു വൃത്തികെട്ട ചിരിയോടെ എന്നെ നോക്കി, എന്നിട്ട് ഇപ്പൊപ്പിടിച്ചാൽ കുഴപ്പമുണ്ടോ എന്ന് ചോദിച്ചു.
എനിക്ക് ദേഷ്യം നിയന്ത്രിക്കാനായില്ല.
ഞാൻ ചന്ദ്രൻ്റെ മുഖത്തേക്ക് ആഞ്ഞടിച്ചു.. എന്നിട്ട്, ഇപ്പൊ ഇറങ്ങണം ഈ വീട്ടിൽനിന്നും.. എന്ന് പറഞ്ഞ് ദേഷ്യത്തിൽ നിന്ന് വിറക്കുവായിരുന്നു.
“നീ ഇതിനനുഭവിക്കും |
എന്നും പറഞ്ഞയാൾ ഇറങ്ങിപ്പോയി.
ഞാനും ദേഷ്യത്തിൽ റൂമിൽക്കയറി വാതിലടച്ചിരുന്നു.
ഇതൊന്നും അറിയാതെ ചേച്ചി ചായയുമായി വന്നപ്പോൾ ചന്ദ്രനെ കാണാനില്ല. എന്നോട് ചോദിച്ചപ്പോൾ ഞാൻ മുറിയിലായിരുന്നു.. എന്തെങ്കിലും അത്യാവശ്യം കാരണം പോയിക്കാണും എന്ന് പറഞ്ഞു.
