ഗൾഫ് – ഞാൻ ഏതാണ്ട് മുപ്പതിനടുത്ത് എത്തിയ ഒരു സ്ത്രീയാണ്. പേര് അനിത.. എന്റേത് ലൗ മേര്യേജായിരുന്നു.
കോളേജ് സൗഹൃദം പ്രണയമായി വളരുകയും വിവാഹത്തിലേക്കെത്തുകയുമായിരുന്നു.
രണ്ടു വീട്ടുകാരും എതിർത്തിട്ടും ഒന്നിക്കാൻ ഞങ്ങൾ തീരുമാനിക്കുകയായിരുന്നു.
രണ്ടു പേർക്കും ചെറിയ ജോലികൾ ഉണ്ടായിരുന്നെങ്കിലും അത് കൊണ്ട് മാത്രം ഒരു കുടുംബം മുന്നോട്ട് കൊണ്ടുപോവാൻ പറ്റില്ലായിരുന്നു.
ഹസ്ബന്റിന്റെ സുഹൃത്ത് അയാളുടെ വീട്ടിൽ താമസിക്കാൻ സൗകര്യം തന്നത് കൊണ്ടാണ് അന്ന് വിവാഹം നടത്താനായത്. ആ വീട്ടുടമ കുടുംബ സമേതം ഗൾഫിലായിരുന്നു. അടച്ചിട്ടിരുന്ന വീട് ഞങ്ങൾക്ക് സൗജന്യമായി വിട്ടുതരികയായിരുന്നു.
ആ വീട്ടുടമസ്തന്റെ ഭാര്യയും ഞാനും ഫോണ്ടിലൂടെ നല്ല സൗഹൃദമായി.
ആ സൗഹൃദത്തിലൂടെയാണ് വിസിറ്റിംങ് വിസയിൽ ഭർത്താവിനോട് ഗൾഫിലോട്ടു ചെല്ലാനും അവിടെ ജോലി ശരിയാക്കാമെന്നും പറഞ്ഞത്.
എന്നെ ഒറ്റക്കാക്കി പോകുന്നതായിരുന്നു പ്രശ്നം. ആ കാര്യം പറഞ്ഞപ്പോൾ അവർ എനിക്കും വിസിറ്റ് വിസ അയച്ചു തന്നു.
ചേച്ചിയുടെ ഭർത്താവും ഞങ്ങളുടെ ഹൗസ് ഓണറുമായ വിൻസെന്റ് ചേട്ടൻ അവിടെ ഖത്തർ പെട്രോളിയം കമ്പനിയിലാണ് ജോലി ചെയ്തിരുന്നത്.
എൻട്രൻസ് കോച്ചിങ് ക്ലാസിനുവേണ്ടി
അവരുടെ മകളെ നാട്ടിൽ ചേച്ചിയുടെ വീട്ടിൽ നിർത്താൻ പോകുന്നു. അപ്പൊ അവർ താമസിക്കുന്ന വില്ലയിൽ ഒരു റൂം ഒഴിവു വരും, അതിൽ ഞങ്ങൾക്ക് ഉപയോഗിക്കാം എന്ന് ഷേർലി ചേച്ചി പറഞ്ഞു.
