പോകുന്ന വഴിയിൽ അയാൾ എന്നോട് ഒന്നും മിണ്ടുന്നുണ്ടായിരുന്നില്ല.

പെട്ടെന്ന് അയാൾ ഒരു കടയുടെ മുമ്പിലായി നിർത്തി,വണ്ടി ഒതുക്കി എന്നോട് ഇറങ്ങാൻ പറഞ്ഞു.

അത് ഒരു തരക്കേടില്ലാത്ത ഹോട്ടലായിരുന്നു.

“ദൈവമേ ഞാൻ മനസ്സിൽ കണ്ടത് ഇയാൾ മാനത്തു കണ്ടുവോ !!?”

ഞാൻ എന്നോട് തന്നെ ചോദിച്ചു.

എന്നെയും കൊണ്ടയാൾ അതിനുള്ളിലേക്ക് പോയി.

ഒരു ബിരിയാണി മാത്രം ഓർഡർ ചെയ്തു.

“വേഗം അതിരുന്നു കഴിച്ചിട്ട് പുറത്തേക്ക് വാ…അവിടെ കാത്തുനിക്കാം”

എന്നും പറഞ്ഞയാൾ പുറത്തേക്ക് പോയി.

കൗണ്ടറിൽ അയാൾ ബില്ല് അടച്ചിട്ടു പുറത്തേക്ക് പോകുന്നതും കണ്ടു.

“ഇയാൾക്ക് വട്ടാണോ?”

ആഹ്.. എന്തായാലും നല്ല വിശപ്പ്’.. ഒന്നും നോക്കിയില്ല..ആരെയും നോക്കാതെയിരുന്ന് മൊത്തം കഴിച്ചു.

കൈ കഴുകി പുറത്തേക്ക് ചെന്നപ്പോൾ അയാൾ അവിടെ നിന്ന് സിഗരറ്റ് വലിക്കുന്നു..

എന്നെ കണ്ടതും അത് നിലത്തിട്ട് ചവിട്ടി കെടുത്തി വണ്ടിയിൽ കയറി, എന്നോടും കയറാൻ പറഞ്ഞു.

വന്നത് എങ്ങനെയാണോ അതുപോലെ തന്നെ ഞങ്ങൾക്കിടയിൽ വലിയ ഒരു അകലം പാലിച്ചു ഞാൻ വണ്ടിയിൽ ഇരുന്നു.

പിന്നെ വണ്ടി പായുകയായിരുന്നു.

രണ്ടു മണിക്കൂർ കൊണ്ട് ഞങ്ങൾ പണിയേലി പോരിൽ എത്തി.

അത് വളരെ മനോഹരമായ ഒരു സ്ഥലമായിരുന്നു.

പ്രകൃതി പ്രണയത്താൽ പൂത്തിലഞ്ഞു നിൽക്കുന്നത് പോലെയാണ് തോന്നിയത്. !!