ഒരു ഗേ ലവ് സ്റ്റോറി
ഞാൻ എന്റെ കണ്ണുകൾ രണ്ടു മൂന്നു തവണ തിരുമ്മി നോക്കി.സ്വപനമല്ല.. സത്യം തന്നെ !!
.അപ്രതീക്ഷിതമായി കണ്ട കാഴ്ച്ച എന്റെ തലയിൽ മഞ്ഞുകട്ടകൾ വാരി എറിഞ്ഞത് പോലെ ഒരു അനുഭൂതി ഉണ്ടാക്കി.
പന്തം കണ്ട പെരിച്ചാഴിയെ പോലെ ഞാൻ വായും പൊളിച്ചു നിന്ന്.
ഞെട്ടി തരിച്ചു നിൽക്കുന്ന എന്നെ കണ്ടു അമ്മ
“ഡാ..എന്ത് ഉറക്കമാടാ..നീ ഇന്നലെ വല്ല കക്കാനും പോയിരുന്നോ?
മനു വന്നിരിക്കാൻ തുടങ്ങിയിട്ട് മണിക്കൂറായി.പിന്നെ അവൻ പറഞ്ഞത് കൊണ്ടാ, നിന്നെ കുത്തി എഴുന്നേല്പിക്കാതിരുന്നത്.”
അമ്മ പറഞ്ഞത് ഞാൻ ഒരു മൂളൽ പോലെയാണ് കേട്ടത്. എന്റെ ഞെട്ടൽ ഇതുവരെ മാറിയിട്ടില്ല.
“നീയെന്താടാ ഇങ്ങനെ കുന്തം വിഴുങ്ങിയത് പോലെ നിക്കുന്നെ?”
അവൻ നിന്നെ കൂട്ടാൻ വന്നതാ.. എവിടേയോ പോകുവാൻ.വേഗം പോയി കുളിച്ചു റെഡി ആയി വാ ചെക്കാ.ഇനിയും അവനെ ഇരുത്തി മുഷിപ്പിക്കല്ലേ.”
അതും പറഞ്ഞ് അമ്മ എന്നെ വന്നു തട്ടി.
പെട്ടെന്ന് അരണ്ട ശബ്ദത്തിൽ
“ഡാ..പോയി റെഡിയായി വാ..വേഗം പോയി വരാം”
എന്ന് മനുവേട്ടൻ പറഞ്ഞപ്പോളാണ് ഞാൻ ഒന്ന് ഞെട്ടലിൽ നിന്ന് ഉണർന്നത്.
പിന്നെ ഒന്ന ഞാനും നോക്കിയില്ല. പല്ലുതേപ്പും കുളിയും എല്ലാം പെട്ടെന്നായിരുന്നു. അമ്മ കഴിഞ്ഞ പിറന്നാളിന് വാങ്ങിത്തന്ന റോസ് ഷർട്ടും ജീന്സുമാണ് ഞാൻ ഇട്ടത്.
മനുവേട്ടൻ നല്ല കറുത്ത ടീ ഷർട്ടും ഒരു നീല ജീൻസും.
