ഒരു ഗേ ലവ് സ്റ്റോറി
ചെന്ന് ക്ഷമ ചോദിക്കണം. നല്ല സുഹൃത്തുക്കളായി തന്നെ ഇരിക്കണം. അങ്ങനെ കുറെ തീരുമാനങ്ങൾ എടുത്തു. ഉള്ളിൽ എല്ലാ ആഗ്രഹങ്ങളും കുഴിച്ചു മൂടി ഞാൻ സന്തോഷവാനാണ്,
ഇനിമുതൽ പഴയതുപോലെ ആകാം എന്ന് എല്ലാവരെയും ധരിപ്പിച്ചു.. ആ തീരുമാനം വീട്ടുകാർക്ക് വളരെ ആശ്വാസമയിരുന്നു.
പക്ഷെ ആ സന്തോഷം അഭിനയം മാത്രമല്ലാതാക്കിയ കുറെ സംഭവങ്ങൾ പിന്നീടുണ്ടായി.
ജീവിതത്തിൽ ഒരിക്കലും മറക്കാൻ പറ്റാത്ത ഓർമ്മകൾ നൽകിയ കുറെ സംഭവങ്ങൾ.!!
രാത്രിയിൽ എല്ലാവരും ഉറങ്ങിയത്തിന് ശേഷം വീടിന്റെ മുകളിലെ നിലയിലുള്ള ബാൽക്കണിയിൽ പോയിരുന്നു.
ആകാശം നോക്കിയിരിക്കുന്നത് എനിക്ക് നേരംപോക്ക് മാത്രമായിരുന്നില്ല,വിഷമങ്ങളിൽ നിന്നും ഒരു ആശ്വാസം കൂടിയായിരുന്നു.
ആകാശത്തെ മാത്രമേ ഞാൻ ശ്രദ്ധിക്കാറുണ്ടായിരുന്നുള്ളൂ.
നക്ഷത്രങ്ങളും ചന്ദ്രനും ഇരുട്ടിനെ ഭേദിക്കുന്ന നിലാവും എന്നെ അളവിലേറെ ആശ്വാസിപ്പിച്ചിരുന്നു.
അങ്ങനെ ഒരു ദിവസം അത്താഴം കഴിഞ്ഞു എല്ലാവരും കിടന്ന ശേഷം ഞാൻ ബാൽക്കണിയിലേക്ക് പോയി.
പെട്ടെന്ന് ഞാൻ താഴേക്ക് നോക്കിയപ്പോൾ മതിലിനരികിൽ നിന്നായി ചെറിയ പുക കണ്ടു.
ആരോ അവിടെനിന്ന് പുകവലിക്കുന്നുണ്ടെന്ന് മനസ്സിലായി. എന്നാലും ആരായിരിക്കും എന്റെ വീടിന് മുന്നിൽ നിന്ന് സിഗരറ്റ് വലിക്കാൻ.?
