ഒരു ഗേ ലവ് സ്റ്റോറി
ഞാൻ ഒരു സ്വവർഗാനുരാഗിയായ ഒരുത്താനാണെന് നാട്ടിലെ ഒരാൾ മനസിലാക്കിയല്ലോ എന്ന ഒരു അഭിമാനക്ഷതം.എല്ലാം എന്നെ വല്ലാതെ അലട്ടി.
പരീക്ഷ ദിവസങ്ങൾ എങ്ങനെയാ കഴിഞ്ഞതെന്ന് എനിക്കിപ്പോളും നിശ്ചയമില്ല.
ആ നാളുകളിൽ ഞാൻ മനുവേട്ടനെ കണ്ടതായി ഓർക്കുന്നില്ല. അയാൾ നാട്ടിൽ ഉണ്ടോ എന്ന്പോലും ഞാൻ അന്വേഷിക്കാൻ നിന്നില്ല.
എങ്കിലും മനസ്സിൽ മനുവേട്ടനെ മാത്രം ഞാൻ പൂഴ്ത്തി വെച്ചു., സ്നേഹത്തോടെ !!!
പത്താം ക്ലാസ് ആയത്കൊണ്ട് പരീക്ഷയും ഫല പ്രഖ്യാപനവും എല്ലാം വളരെ വേഗത്തിലായിരുന്നു.
ക്രിസ്തുമസ് പരീക്ഷയുടെ ഫലം കുറെ പ്രശ്നങ്ങൾക്ക് ഇടവരുത്തി.
സ്കൂളിലേക്ക് വീട്ടുകാരെ വിളിപ്പിച്ചു. അച്ഛൻ എന്നെ തല്ലിയില്ല എന്നെയുള്ളു.അത്രയ്ക്ക് ദേഷ്യത്തിന് ഇടവരുത്തി.
ചേട്ടന്റെ വകയും ഒട്ടും കുറഞ്ഞില്ല.
എല്ലാം എന്നെ കൂടുതൽ തളർത്തി.
എല്ലാവരുടെയും കുറ്റപ്പെടുത്തലും അതിനപ്പുറം ഞാൻ ഇങ്ങനെ ആയല്ലോ എന്നോർത്തുള്ള ചിലരുടെ വിഷമവും എന്നെ ചില തീരുമാനങ്ങളിലേക്ക് നയിച്ചു.
സത്യം പറഞ്ഞാൽ ‘ ഞാൻ എടുത്ത തീരുമാനങ്ങൾ ശരിയായിരുന്നു.
മനുവേട്ടൻ എന്നെ ചതിച്ചിട്ടില്ല.
അയാൾ എന്നെ പ്രേമിച്ചിട്ടില്ല.
എന്റെ മനസ്സിൽ തോന്നിയ ഒരു മണ്ടത്തരം.
അത് അയാളും അങ്ങനെ തന്നെ കാണണമെന്ന് തോന്നിയത് മറ്റൊരു മണ്ടത്തരം..
