ഓർമ്മകൾ മാത്രമാണ് സന്തോഷം തരുന്നത്
അറിയാതെ എന്റെ കണ്ണുകൾ നിറഞ്ഞു പോയി.
” ജഗത്ത്.”
കഷ്ടപ്പെട്ട് ഞാൻ പറഞ്ഞൊപ്പിച്ചു.
അപ്പോഴാണ് ഞാൻ തനുവിനെ നോക്കുന്നത്. എന്താണ് നടക്കുന്നതെന്ന് അറിയാതെ അവൾ അപ്പോഴും അമ്പരപ്പിലാണ്.
എന്റെ കണ്ണ് നിറഞ്ഞത് അവൾ കണ്ടെന്നു തോന്നുന്നു. അവൾ കണ്ണടച്ചു കാണിച്ചു.
” തനു ഇവർക്കൊരു ചായ ഇടാമോ”
അവൾ കിച്ചണിലേക്ക് നടന്നു.
” ഐൽ ബി റൈറ്റ് ബാക്ക് ഗയ്‌സ് ”
എന്നൊരു കള്ളം അവരോട് പറഞ്ഞു ഞാൻ നേരെ എന്റെ റൂമിലേക്കാണ് പോയത്.. ഡോർ അടച്ചു കഴിഞ്ഞ് എന്റെ കണ്ണുകൾ നേരെ പോയത് ചുവരിലേക്കായിരുന്നു.
കുഞ്ഞാ.. നീയല്ലേ അത് !! അതോ അത് വേറെ ആരെങ്കിലും ആകുമോ.!!
നിനക്ക് എന്താ പറ്റിയത്.? നീ..
അത്രേം ആയപ്പോഴേക്കും എന്റെ സമനില ഏതാണ്ട് തെറ്റിയപോലെ എനിക്ക് തോന്നി…
അപ്പോഴേക്കും ഡോറിൽ മുട്ട് കേട്ടു.. തനു ആയിരിക്കുമെന്ന് കരുതി ഞാൻ മുഖമൊക്ക പെട്ടന്ന് തുടച്ചുകൊണ്ട് ഡോർ തുറന്നു.
പിന്നേം ഞാൻ ഞെട്ടി എന്ന് വേണം പറയാൻ. ദേ നിക്കുന്നു വാതിലിനപ്പുറം അവൾ. നിള…
” ന്താ മോനെ ജഗത്തെ നന്നായിട്ട് കരഞ്ഞ ലക്ഷണം ഉണ്ടല്ലോ മുഖത്ത്..”
“ഹേയ് ജസ്റ്റ്‌ ..”
“തപ്പണ്ട. നിന്റെ മുഖം മാറിയാൽ എനിക്ക് മനസിലാകുമെന്ന കാര്യം നീ മറന്നോ.”
“കുഞ്ഞാ.”
“ഞാൻ ഇടർച്ചയോടെ വിളിച്ചു..”
“എന്തേ നിന്റെ കുഞ്ഞൻ നിന്നെ മറന്നുവെന്ന് വിചാരിച്ചോ ജിത്തൂ….”
