കാൾ ഞാൻ കട്ട് ചെയ്തപ്പോൾ ആകെ കിളിപോയി. രമിത ഇനി ഇഷ്ടമാണെന്ന് പറയാൻ ആകുമോ? ഈശ്വര ഇതെന്തു ചതിയാണ്. എന്റെ മുഖഭാവം നോക്കി അപ്പുറത്ത് ഒരാൾ നില്പുണ്ട്, ഇപ്പൊ തിരിച്ചു വിളിക്കുമെന്നും പറഞ്ഞിട്ട്. അവളോട് എന്ത് പറയുമെന്നറിയാതെ ഞാൻ കുഴങ്ങി.

“അർപ്പിത…”

“മറ്റേ കുട്ടിയാണ്, വിളിച്ചത്, കഴിഞ്ഞയാഴ്ച പെണ്ണ് കാണാൻ പോയില്ലേ ….അവൾ”

“എന്നിട്ട് ?”

“അവൾ നാളെ ഇങ്ങോട്ടേക്ക് വരുന്നുണ്ട്, കാണാൻ പറ്റുമോ ചോദിച്ചു.”

“ഏട്ടനെന്തു പറഞ്ഞു..?”

“ഞാൻ പറഞ്ഞു കാണാന്ന്…”

“ഉം …”

“എന്താടി …”

“ഒന്നുല്ല….ചെറിയ തലവേദനപോലെ, രാവിലെ കാണാം …ശെരി ഏട്ടാ”

അവൾ വേഗം കട്ട് ചെയ്തു,

എന്റെ മനസിലുള്ളത് തുറന്നു പറയാനുള്ള ഗാപ് പോലുമവൾ തരാത്തതിൽ എനിക്ക് വല്ലാത്ത വിഷമം തോന്നി. ഇതിപ്പോ എന്തിനാണ് രമിത വിളിച്ചെന്നു ആലോചിച്ചുകൊണ്ട് ഞാൻ പ്രാന്തായി. ഫോണിൽ നോക്കുമ്പോ രമിത വാട്സാപ്പിൽ ഹായ് എന്നും അയച്ചേക്കുന്നു. ഞാനതിനു റിപ്ലൈ ചെയ്യാൻ പോയില്ല. ഫോൺ അപ്പുറത്തേക്കിട്ടുകൊണ്ട് സോഫയിൽ തന്നെ ഞാൻ കിടന്നുറങ്ങി.

ഉച്ചനേരത്തു ഓഫീസിൽ ആനയുടെ തുമ്പിക്കൈക്ക് കളർ കൊടുക്കുമ്പോ രമിത വിളിച്ചു, ഇടപ്പളിയിലെ കോഫി ഷോപ്പിൽ ഉണ്ടെന്നു പറഞ്ഞു. ഞാൻ ബൈക്കുമെടുത്തുകൊണ്ട് അവളുടെ അടുത്തേക്ക് ചെന്നു.

“മോഹിത്, ഞാൻ കാണാൻ പറഞ്ഞത്, മറ്റൊന്നും അല്ല. എന്റെ വീട്ടുകാർക്കൊക്കെ തന്നെ ഭയങ്കര ഇഷ്ടമായി, ഇതിലും നല്ല ആലോചനയൊന്നും എനിക്ക് വരില്ല, ഞാൻ എല്ലാം എന്തേലും കരണമൊക്കെ പറഞ്ഞിട്ട് തന്നെ മുടുക്കുകയാണ് എന്നൊക്കെ കുറെ പഴി ഇപ്പൊ എനിക്കുണ്ട്, അതുകൊണ്ട് മോഹിത് ഇത്തവണ എന്നെ ഒന്ന് സഹായിക്കണം, എന്നെ ഇഷ്ടമാണെന്നു മാത്രം എന്റെ വീട്ടുകാർ കോൺടാക്ട് ചെയ്താൽ പറയരുത് ….”

“ഹാവൂ …ഇത്രയേ ഉള്ളു. ഞാനാകെ ഭയന്നു.”

“എന്തെ …”

“ഹേ ഒന്നുല്ല, ഞാൻ ശെരിക്കും പേടിച്ചു….”

“ശെരി എന്റെ ബസിന്റെ ടൈം ആവറായി, കാണാം കേട്ടോ….”

സന്തോഷം കൊണ്ടെനിക്ക് തുള്ളിച്ചാടുന്ന അവസ്‌ഥയായിരുന്നു. ഹോ എന്തൊക്കെയാണ് ഞാൻ പേടിച്ചുകൂട്ടിയത്.എങ്കിൽ പിന്നെ ഇത് ഫോണിൽ പറഞ്ഞൂടെ.. ചിലപ്പോ അന്ന് അവൾ എന്നോട് അങ്ങനെ സംസാരിച്ചതിൽ കുറ്റബോധം കാണുമായിരിക്കും. ആഹ് എന്തോ ആകട്ടെ….

അങ്ങനെ ഞാൻ തിരികെ ഓഫീസിലെത്തി, പക്ഷെ ഇന്ന് രാവിലെ മുതൽ അർപ്പിത എനിക്ക് ഒരു മെസ്സേജ് പോലുമില്ല. അവൾക്ക് അവളുടെ ഉള്ളിലെ ഇഷ്ടം പറയാൻ തുടങ്ങുമ്പോ ഇങ്ങനൊരു ഇടിത്തീ തലയിൽ വീഴുമെന്നു കരുതികാണില്ല. എന്തായാലും അവളോട് കാര്യങ്ങൾ പറഞ്ഞു മനസിലാക്കണം എന്ന് ഞാൻ ഊഹിച്ചു.

അന്ന് വൈകീട്ട് അർപ്പിതയെ ഞാൻ വിളിക്കാൻ പോയില്ല, അവളെ ഫോൺ ചെയ്‍തിട്ട് എടുക്കാത്തത് കൊണ്ട് ചെറിയ ദേഷ്യം എനിക്കും ഉണ്ടായിരുന്നു. എന്നാലും എന്നെ ഇത്രേം അവോയ്ഡ് ചെയ്യാൻ മാത്രം എന്താണ് എന്ന് ഞാൻ ആലോചിച്ചു. രാത്രിയും അതെ അവസ്‌ഥ തന്നെ, ഞാൻ കഴിച്ചോ എന്നും മാത്രം ഒരു മെസ്സേജ് അയച്ചു, അവൾ ഉം എന്നും റിപ്ലൈ തന്നു. എന്നോട് തിരിച്ചൊന്നും ചോദിച്ചതുമില്ല.

അങ്ങനെ വെള്ളിയാഴ്‌ച ആയി, അവൾ നാട്ടിലേക്ക് പോകാൻ ഒരുങ്ങി. ഞാൻ ഓഫീസിലെ തിരക്കും ആ ആഴ്ചയിലെ ഫൈനൽ വീഡിയോ റിലീസും കൂടെ ആയപ്പോൾ ഫുൾ ബിസി.

ശനിയാഴ്‌ച ഞാൻ ഫ്രെണ്ട്സ്ന്റെ കൂടെ ആലപ്പി ത്രിക്കുന്നപുഴ ബീച്ച് ഹൗസിലേക്ക് പോയി, കൂടെ ജോലി ചെയുന്ന ഒരാൾ സ്റ്റേറ്റ്സിലേക്ക് പോവുകയാണ്, അതിന്റെ ചിലവ്.

അങ്ങനെ ഞായറാഴ്ചയായി, ഫുൾ ഡേയ് സീരിസും കണ്ടിരുന്നു സമയം ചിലവാഴക്കുകയായിരുന്നു ഞാൻ, വൈകീട്ട് ആയപ്പോൾ അർപ്പിത വിളിച്ചു.

“ഏട്ടാ ….”

“എന്താടി പിണക്കം മാറിയോ…”

“ശില്പയും അമ്മയുമെന്റെ വീട്ടിലേക്ക് വന്നിരുന്നു…ജസ്റ്റ് അവരിറങ്ങിയേ ഉള്ളു”

“എന്നിട്ട്…”

“എന്റെ ഫോട്ടോയും ജാതകവും വാങ്ങിച്ചു.”

“ശില്പയോട് ഞാനെല്ലാം പറഞ്ഞിരുന്നു, എല്ലാം, നിന്നെ കണ്ടതുമുതലുള്ള എല്ലാം ……അവൾക്കും നിന്നെ അത്രയ്ക്കിഷ്ടമാണ്. അമ്മയോട് പറഞ്ഞപ്പോൾ ജാതകം കൂടെ നോക്കാം എന്നിട്ട് മതിയെന്ന് പറഞ്ഞു, അപ്പൊ ഞാൻ പറഞ്ഞു, അതൊന്നും നോക്കണ്ട …എനിക്ക് ഈ പൊട്ടിപെണ്ണിനെ മതിയെന്ന്….”

“എനിക്ക് കരച്ചിൽ വരുന്നുണ്ട് കേട്ടോ…..”

“എന്തിനാ …”

“അറിയില്ല ….”

“ജാതകം ചേർന്നില്ലെങ്കിലോ ?”

“അത് കാരണവന്മാരുടെ ഒരു ശീലമല്ലേ…അവര് നോക്കിക്കോട്ടെ..”

“ഏട്ടാ എനിക്ക് കാണാൻ തോന്നുന്നു…”

“വീഡിയോ ഓൺ ചെയ്യ് …”

“ഉം…”

“ശോ ..കരയല്ലെടി..പെണ്ണെ.”

“പറ്റുന്നില്ല..”

“ഉമ്മാ…”

“ഉം ….കിട്ടി.”

“തന്റെ അച്ഛനും അമ്മയും എന്ത് പറഞ്ഞു.”

“സത്യത്തിൽ ഒരു കൂട്ടർ കാണാൻ വന്നിരുന്നു, അച്ഛന്റെ ഫ്രണ്ടിന്റെ മോൻ, നാട്ടിലെ വില്ലജ് ഓഫീസിലാണ് ജോലി. അവർ വന്നു കണ്ടിട്ട് ഇറങ്ങുമ്പോഴാണ് ശില്പയും അമ്മയും വരുന്നത്.

എന്റെ അമ്മയും ഏട്ടന്റെ അമ്മയും കൂടെ കുറെ നേരം
സംസാരിച്ചിരുന്നു, ഊണൊക്കെ കഴിഞ്ഞിട്ടാണ് പോയത്….”

“ഉം ശില്പ പറഞ്ഞു….നാളെ സ്റ്റേഷനിൽ ഞാൻ വരാം ….”

ആ രാത്രി മറക്കാനാവില്ല, ഇന്നുവരെ അനുഭവൈച്ചതിൽ വെച്ചേറ്റവും ത്രില്ലിംഗ് ആയിരുന്നു, അർപ്പിതയും ഞാനും ഫോണിൽ പുലരുവോളം ഉമ്മ കൊടുത്തും അവളോട് കൊഞ്ചിയും ഉറങ്ങാൻ തന്നെ ഞങ്ങൾ മറന്നു.

അന്ന് വൈകീട്ട് എന്റെ വീട്ടിൽ നിന്നും അമ്മ വിളിച്ചു.. പത്തിൽ എട്ടു പൊരുത്തമുണ്ട്, അതൊക്കെ അമ്മ തന്നെ നോക്കിയാൽ മതി എനിക്കതൊന്നും കേൾക്കണ്ടാന്നു ഞാൻ പറഞ്ഞു.

ശില്പയും അർപ്പിതയും മെസ്സജ് ചെയ്യാനാരംഭിച്ചു. അവർ നേരത്തെ പരിചയം ഉണ്ടെങ്കിലും അതൊരു കോമൺ വാട്സ്ആപ് ഫാമിലി ഗ്രുപ് മാത്രമാണ്. ഇപ്പൊ പിന്നെ വീട്ടിലേക്ക് വരുന്നത്കൊണ്ട് എന്നെക്കുറിച്ചുള്ള ചർച്ചയാണ് രണ്ടാൾക്കും.

ഓരോ ദിവസവും കടന്നുപോകുമ്പോ ഞാനും അർപ്പിതയും കൂടുതൽ കൂടുതൽ മനസിലാക്കിക്കൊണ്ടിരുന്നു. പിണങ്ങിയാലും അതിനു അധികം ആയുസുണ്ടായിരുന്നില്ല. രാത്രി ഹോസ്റ്റലിൽ നിന്നും പയ്യെ അവളെ ഞാൻ ഇറക്കികൊണ്ട് മറൈൻ ഡ്രൈവിൽ കുലുക്കി സര്ബത് കുടിക്കാനും നൈറ്റ് ഡ്രൈവിനും കൊണ്ടുപോയത്, പ്രണയിക്കാൻ മാത്രമല്ല, പെണ്ണുങ്ങൾക്കും രാത്രി സ്വന്തമാണെന്നുകൂടെ പറയാനായിരുന്നു.

അങ്ങനെ അടുത്ത വെള്ളിയഴ്ച ഞാനും അവളും ഒന്നിച്ചു ട്രെയിനിൽ വീട്ടിലേക്ക് തിരിച്ചു, ഈ ഞ്യാറാഴ്ചയാണ് ഞാൻ അവളുടെ വീട്ടിലേക്ക് പെണ്ണുകാണാനായി പോകുന്നത്. ട്രെയിനിൽ വെച്ച് ഉറക്കം നടിച്ചു ഞാൻ അവളുടെ കൈപിടിച്ചുകൊണ്ട് അവളുടെ മുടിയിഴകളിൽ മുഖം പൂഴ്ത്തി ഞാൻ കഴുത്തിലെ വിയർപ്പിൽ ചുണ്ടമർത്തിയപ്പോൾ….

“ഏട്ടാ …ആരേലും കാണും …”

എന്ന് പതിയെ അവളെന്റെ കാതിൽ പറഞ്ഞു.

“ഇങ്ങോട്ട് നോക്കണ്ടന്നു പറയാം ….”

“ഛീ …ഇങ്ങനൊരു സാധനം ….”

ട്രെയിനിന്റെ കാതടിപ്പിക്കുന്ന ഒച്ചയിലും ഞങ്ങൾക്ക് മാത്രം കേൾക്കാവുന്ന പോലെ രണ്ടാളും കുറുകിക്കൊണ്ട് നാട്ടിലെത്തി, പലപ്പോഴും അവളുടെ തുടകളിൽ ഞാൻ കൈകൊണ്ടു തലോടിയും കൈകോർത്തുകൊണ്ട് അവളുടെ അല്ലിയിളം വിരലിൽ ചുംബിച്ചും ഞാൻ പെണ്ണിനെ ഉണർത്തികൊണ്ടിരുന്നു….

വീടെത്തിയശേഷം ഞാൻ കുളിയൊക്കെ കഴിഞ്ഞപ്പോൾ ശില്പ എന്നെ ട്രോളാൻ തുടങ്ങി,

“എപ്പോഴും ഫോണിൽ മെസ്സേജ് ചെയ്യലമ്മേ പണി,
അമ്മയ്ക്ക് അറിയാമോ ഏട്ടനും ചേച്ചിയും അടുത്തടുത്താണ് മുറിയെന്നു?”

“അതുശരി, അതീ കോന്തൻ പറഞ്ഞില്ലാലോ ….ഡാ, അച്ഛൻ വിളിച്ചപ്പോ ഞാൻ രണ്ടാളും ഒരേ ജില്ലയാണ് പറഞ്ഞപ്പോൾ തന്നെ തമ്മിൽ കാണുന്ന ദൂരമാണോ എന്നാണ് ചോദിച്ചത്, ഇത്രയും അടുത്താണെന്നു ഞാനറിഞ്ഞില്ല…..”

“അല്ലമ്മേ..ദൂരമുണ്ട് ….ഈ കാന്താരി വെറുതെ പറയുവാണ്, ഇവൾക്ക് ഞാനൊരു ഡ്രെസ് വാങ്ങിച്ചുകൊടുക്കാന്നു പറഞ്ഞിട്ട് പറ്റിച്ചു, അതുകൊണ്ടിവള് ഉണ്ടാക്കി പറയുന്നതാമ്മേ …”

“ഡാ …നിന്നെ എനിക്കറിഞ്ഞൂടെ …കുരുത്തക്കേടൊന്നും ഒപ്പിക്കരുത് കേട്ടല്ലോ…..”

“ഹേ …ഞാനൊന്നും ഇല്ല ….”

രാത്രി കഴിച്ചുകഴിഞ്ഞു ബെഡിൽ കമിഴ്ന്നു കിടന്നു ഞാൻ മെസ്സേജ് ചെയ്യുമ്പോ അർപ്പിത ചോദിച്ചു ….

“ഏട്ടാ ….ഇന്ന് ട്രെയിനിൽ ചെയ്തപോലെ ഇനി ചെയ്യല്ലേ ട്ടോ ?”

“അതെന്താ …”

“വേണ്ടാ ….”

“നിനക്ക് മൂഡ് ആയല്ലേ …”

“ഛീ…എന്നോട് ഇങ്ങനെ സംസാരിക്കല്ലേ എനിക്കെന്തോ പോലാണ് ..”

“ഞാൻ നിന്നെ കെട്ടാൻ പോണ ആളല്ലേ,?”

“ആയിരിക്കും, എന്നാലും ഇതൊക്കെ കല്യാണം കഴിഞ്ഞിട്ട് മതി.”

“ആഹാ…ശെരി എങ്കിൽ ഉറങ്ങിക്കോ ..”

“പ്ലീസ് ഏട്ടാ …..”

“എങ്കിൽ പറ എന്ത് ചെയ്തപ്പോഴാണ് മൂഡ് ആയെ …”

“ഗുഡ് നൈറ്റ്!!”

പക്ഷെ പുലരുമ്പോ ഉള്ള ട്രെയിൻ യാത്രയല്ലേ അടുത്ത തിങ്കളാഴ്ച, അന്നേരം ഉറപ്പായും ഒരുപാടു തവണ എന്റെ പെണ്ണിനെ ചുംബിക്കാൻ അവസരം കിട്ടുമെന്ന് മനസുകൊണ്ടോർത്തു.

ട്രെയിനിൽ വെച്ച് കിസ് ചെയുന്ന രണ്ടുപേരുടെ ഫോട്ടോ ഞാൻ അവൾക്ക് അപ്പൊ തന്നെ വാട്സാപ്പ് അയച്ചതും അവൾ കുറെ കിസ് എമോജി എനിക്കയച്ചു.

കള്ളി!! എനിക്കറിയാം അവളുടെ മനസ്..!!

പിറ്റേന്നു ഞാൻ ടൗണിലേക്കിറങ്ങിയെങ്കിലും അർപ്പിതയെ കാണാൻ നിന്നില്ല, എനിക്കും ശില്പയ്ക്കും ഡ്രസ്സ് എടുത്തു, നാളെ അർപ്പിതയെ കാണാൻ പോകാനുള്ള ഡ്രസ്സ് ആയിരുന്നു, ഒരു ബ്ലൂ ഷർട്ടും ക്രീം കളർ പാന്റ്സും, ശിൽപയ്ക്ക് അനാർക്കലി വൈറ്റ് ചുരിദാറും.

സുജിത്തിന്റെ കാറും, ഒപ്പം മറ്റൊരു കാറും കൂടെയുണ്ടായിരുന്നു. എന്റെ അമ്മാവന്മാരും ചെറിയച്ഛനും ചെറിയമ്മയും ഉണ്ട്.

അർപ്പിത റോസ് നിറത്തിലുള്ള സാരി ആയിരുന്നു ഉടുത്തിരുന്നത്, അവളുടെ നാണത്തിൽ പൊതിഞ്ഞ ചിരിയും കറുപ്പിച്ചെഴുതിയ കണ്ണുകളും എന്റെ നെഞ്ചിലേക്ക് ഇറങ്ങി.

ചായയും തന്നിട്ട് അവൾ മുറിയിലേക്ക് കയറിയപ്പോൾ ഒരു കാരണവർ പറഞ്ഞു. ചെക്കനും പെണ്ണിനും വല്ലതും സംസാരിക്കാനുണ്ടെങ്കിൽ ആവാമെന്ന്. പക്ഷെ അതെല്ലാവരും കേട്ട് നല്ല ചിരി. എനിക്കും ചിരിയടക്കാൻ കഴിഞ്ഞില്ല.
എങ്കിലും, ഞാൻ എണീറ്റുകൊണ്ട് അർപ്പിതയുടെ മുറിയിലേക്ക് കയറി. (തുടരും )