പണ്ട് അമ്മയുടെ അമ്മ കട നടത്തിയിരുന്ന സ്ഥലത്ത് രണ്ട് ഷട്ടറുള്ള ഒരു കടമുറി ഞങ്ങൾ പണിത് വാടകയ്ക്ക് കൊടുത്തിരുന്നു. അതിനോട് ചേർന്ന് കുറച്ച് സ്ഥലം നിരപ്പാക്കിയിട്ടിട്ടുണ്ട്. വാടക വീട്ടിൽ വരുന്നവരുടെ വണ്ടിയിടാനുള്ള സ്ഥലം.. താഴെ വീട്ടിലേക്ക് വണ്ടിയിറങ്ങി ചെല്ലില്ല.

വീടിൻ്റെ താക്കോൽ ഒഴിഞ്ഞുപോയ വാടകക്കാർ കടക്കാരനെ ഏൽപ്പിച്ചിരുന്നു. അത് വാങ്ങി ഞാനും അമ്മയും താഴേക്കിറങ്ങി. ഗ്യാസ് സ്റ്റൗ ,ഫ്രിഡ്ജ് പത്രങ്ങൾ, കട്ടിലുകൾ എല്ലാം അവിടെയുണ്ട്.

ഞാൻ പോയി വണ്ടിയിൽ നിന്നും ബാഗുകൾ എടുത്ത് കൊണ്ട് വന്നു. അമ്മ ബെഡിൽ, കൊണ്ടുവന്ന പുതിയ ഷീറ്റുകൾ വിരിച്ചു.

അമ്മ ചായ തിളപ്പിക്കാൻ അടുക്കളയിലേക്ക് പോയി. ആ തക്കത്തിന് ഞാൻ വൈഫൈ ക്യാമറ സൗകര്യപ്രദമായ സ്ഥലത്ത് ഫിറ്റ് ചെയ്തു. ഇവിടെ എന്ത് നടക്കുന്നുവെന്ന് എനിക്കും അറിയണമല്ലോ.. .

ചായ കുടിച്ച് കഴിഞ്ഞപ്പോൾ ഞാൻ പറമ്പിലൊന്ന് നടക്കാനിറങ്ങി.

പറമ്പ് മുഴുവൻ കാട് പോലെ മരങ്ങൾ വളർന്ന് നിൽക്കുന്നു. വള്ളിയും പടർപ്പുകളും. പറമ്പിലൂടെ ഒര് അരുവി ഒഴുകുന്നുണ്ട്.
മലയിൽ നിന്ന് ഒഴുകി വരുന്ന ഉറവ വെള്ളമാണ്.. നല്ല തെളിനീര് ഒഴുകുന്നു.

പണ്ട് ഞങ്ങൾ ഇതിൽ കുളിക്കുമായിരുന്നു. വാടകക്കാർ ഇപ്പോഴും കുളിക്കുന്നുണ്ടെന്ന് തോന്നുന്നു. ഒരിടത്ത് നെഞ്ചൊപ്പം വെള്ളമുള്ള ഒരു പൂൾ പോലെ നീന്തിക്കുളിക്കാൻ ഇടമുണ്ട്. അരുവി താഴെ പെരിയാറിലേക്ക് ഒഴുകി പോകുന്നു.