ആയിടെയാണ് എനിക്ക് പുതിയൊരു കൂട്ടുകാരിയെ കിട്ടിയത്. ശാലിനി. ഞങ്ങൾ രണ്ടുപേരും പഠിക്കാൻ തല്പരരായിരുന്നു. അത് കൊണ്ട് തന്നെ കമ്പയിൻ സ്റ്റഡി പ്ളാൻ ചെയ്തു.

ആദ്യത്തെ ദിവസങ്ങളിൽ അവൾ വീട്ടിലേക്കാണ് വന്നത്. മദ്യപിച്ച് വരുന്ന അച്ഛനെ അവൾക്ക് ഭയമായിരുന്നു. അവളുടെ അച്ഛനും നല്ലൊരു മദ്യപാനിയായിരുന്നു. ഒരു ദിവസം മദ്യലഹരിയിൽ അച്ഛൻ സ്വന്തം മകളെ കയറിപ്പിടിച്ചു. അമ്മ ആ സമയത്ത് എത്തിയില്ലായിരുന്നുവെങ്കിൽ അന്നവൾ അച്ഛന്റെ കാമവികാരത്തിന് ഇരയാകുമായിരുന്നു.

അമ്മ തന്നെ അയാളെ നിയമത്തിന് മുന്നിൽ എത്തിച്ചു. അയാളിപ്പോ പത്ത് വർഷത്തെ തടവിന് ജയിലിലാണ്. അമ്മ അയാളിൽ നിന്ന് വിവാഹ മോചനം നേടുകയും ചെയ്തു.

എന്റെ അച്ഛൻ മദ്യപാനിയാണെന്ന് കണ്ടപ്പോഴാണ് അവളീ കഥയൊക്കെ പറഞ്ഞത്.
എന്റെ അച്ഛൻ മദ്യപിക്കുമെങ്കിലും എന്നോട് അങ്ങനെയൊന്നും പെരുമാറിയിട്ടില്ലെന്നു പറഞ്ഞെങ്കിലും അവൾ പറഞ്ഞു.
” നീ വീട്ടിലേക്ക് വന്നാ മതി.. എനിക്കെന്തോ പേടിയുണ്ട്.. ഒരിക്കൽ അനുഭവിച്ചത് കൊണ്ടാവും “

അങ്ങനെ ഞാൻ അവളുടെ വീട്ടിൽ കമ്പയിൻ സ്റ്റഡീസിന് പൊയ്ത്തുടങ്ങി.

അവിടെ അവളുടെ അങ്കിൾ ഉണ്ടായിരുന്നു. IT യിൽ ആണ് ജോലി. ഒരു മുപ്പത് മുപ്പത്തഞ്ച് വയസ്സ് കാണും സുമുഖൻ.. സുന്ദരൻ..
ഇപ്പോ വീട്ടിലിരുന്നു തന്നെയാണ് ജേലി നോക്കുന്നത്. വർക്ക് അറ്റ് ഹോം.
അങ്കിളിന്റെ വീട് അകലെയാണ്. ഒരു കുഗ്രാമം.
അവിടെ നെറ്റ് റേഞ്ച് ഒക്കെ കുറവാണ്. അത് കൊണ്ടാ ശാലിനിയുടെ വീട്ടിൽ വന്ന് നിൽക്കുന്നത്.