എന്റെ നെഞ്ചിലേക്ക് വീണ അവർ നെഞ്ചിൽ പറ്റിച്ചേർന്ന് കിടന്നു കൊണ്ട് വിഷമത്തോടെ പറഞ്ഞു ” എൻറ കുട്ടാ.. നീ ഈ ചേച്ചിയെ സ്നേഹിച്ച് സ്നേഹിച്ച് കരയിക്കല്ലേ എന്റെ പൊന്നേ… ഞാൻ ഏത് ജന്മത്ത് ചെയ്ത പുണ്യംകൊണ്ടാ, എനിക്ക് ഇങ്ങനെയൊക്കെ സന്തോഷിക്കാനവസരം കിട്ടീതെന്നറിയില്ല. എനിക്കറിയാം നമുക്കിങ്ങനെ അടുപ്പം കാണിക്കാൻ പറ്റുന്ന ആദ്യത്തേയും അവസാനത്തേയും രാത്രിയാണിത്.

ഇന്നത്തെ കഴിഞ്ഞാൽ നമുക്കിടയിൽ കല്യാണിയുമുണ്ടാവും. അല്ലേ കുട്ടാ “ അവരുടെ ആ പറച്ചിലിൽ നഷ്ടബോധമുണ്ടെന്ന് എനിക്ക് മനസ്സിലായി. എനിക്കും ചേച്ചിയോട് എന്തെന്നില്ലാത്ത ഇഷ്ടം തോന്നിത്തുടങ്ങിയിരുന്നു. എന്റെ ജീവിതത്തിലെ ആദ്യ പെണ്ണ്. ഇനി മിസ്സ് വേൾഡ് വരെ എന്റെ ജീവിതത്തിലേക്ക് കടന്ന് വന്നാലും, എനിക്ക് ഒരിക്കലും മറക്കാനാവാത്ത പെണ്ണാണിത്. ഒരു പുരുഷനും, പെണ്ണിനും അവർ ആദ്യമറിഞ്ഞ ഇണയെ ഒരിക്കലും മറക്കാനാവില്ലെന്ന് വായിച്ചത് സത്യമാണെന്ന് ഞാനുമിപ്പോ തിരിച്ചറിയുന്നുണ്ട്.

“ചേച്ചീ… കല്യാണിയെ നമ്മുടെ കമ്പനിയിൽ കൂട്ടണോ?” മനസ്സിൽ നിന്ന് തന്നെയാണ് ഞാനങ്ങനെ ചോദിച്ചത്. അത് വേണ്ട എന്ന അർത്ഥത്തിൽ തലയാട്ടിക്കൊണ്ടവർ പറഞ്ഞു.. “അത് പാടില്ല മോനേ.. അവളുമൊത്തിരി ആഗ്രഹിക്കുന്നുണ്ട്. മറ്റെന്ത് കാര്യവും ആഗ്രഹിച്ചിട്ട് നടക്കാത്തത് പോലെയല്ല ഇക്കാര്യം. അവൾ നാളെ നേരം പുലരുന്നതും കാത്തിരിക്കുകയാ.. എന്നെ ഇതിനകം പലവട്ടമവൾ വിളിച്ചു കഴിഞ്ഞു.