ഞാനും നാല് വശവും വീക്ഷിച്ച ശേഷം അവന്റെ തോളിൽ കൈ അമർത്തി കല്ലിൽ കയറി അകത്തേക്ക് നോക്കി.

ഞാൻ പോലും അറിയാതെ എന്റെ വായിൽ കൈ വച്ച് പോയി അകത്തുള്ള കാഴ്ച കണ്ടതും.

ഒരു സമ്പന്നനായ ബിസിനസ്മാന്റെ വീടായിരുന്നു അത്. അയ്യാൾ വിദേശത്താണ്. വീടിന്റെ പിൻവശത്തെ ഒരു ഒച്ചകേട്ടു ആണ് ഞാനും മകനും കല്ലിൽ കയറി നിന്ന് അകത്തേക്ക് നോക്കിയത്.

അവിടെ അയ്യാളുടെ അമ്മയും ഭാര്യയും മകനുമാണ് ഉള്ളത്.

ഒരേ ഒരു മകൾ ഡോക്ടറാണ്, അവളെ കല്യാണം കഴിച്ചു കൊടുത്തു. ഇളയമകൻ പഠിക്കാൻ മോശമായത് കൊണ്ട് പ്ലസ്‌ടുവിൽ പഠനം നിർത്തി അപ്പന്റെ കാശുകൊണ്ട് കുറച്ചു കൂട്ടുകാരുമായി ചേർന്ന് ഒരു സ്റ്റുഡിയോ നടത്തുന്നു. പ്ലസ്ടു തോറ്റ 19 വയസ്സുകാരൻ എന്ത് സ്റ്റുഡിയോ നടത്താനാണ്.

വിദേശത്തു ഇരിക്കുന്ന അപ്പന്റെ കാശു തീർക്കാനുള്ള ഒരു ഉപാധി മാത്രമാണ് ഇവൻ. ഞങ്ങൾ കുറച്ചുസമയം കൊണ്ട് അവരുടെ വീടിന്റെ പിൻ ഭാഗത്തുള്ള ഇരുമ്പഴിയുടെ ഗേറ്റ് തുറക്കുന്നതും, കുറച്ചു സമയമായി ആരൊക്കെയോ അടക്കിപ്പിടിച്ചു സംസാരിക്കുന്നതുമായ ഒച്ചയാണ് ഞങ്ങൾ കേട്ടത്.

ഒരു ഗ്രാമപ്രദേശം ആയതുകൊണ്ട് തന്നെ കള്ളന്മാരുടെ ശല്യങ്ങൾ ഉണ്ടാകില്ല എന്ന വിശ്വാസം ഉള്ളതുകൊണ്ട് ആയിരിക്കാം ഇത്രയും വലിയ വീടും സമ്പത്തും ഉണ്ടായിട്ടും അതിനു ചുറ്റും ക്യാമറ വയ്ക്കാൻ അയ്യാൾ മുതിരാത്തത്.