അന്ന് മുത്തശ്ശിയോട് എനിക്ക് അടക്കാനാവാത്ത ദേഷ്യം തോന്നിയിരുന്നു. എന്നാലിപ്പോ ആ പാദങ്ങളിൽ നമസ്കരിക്കാനാണ് തോന്നുന്നത്. ചേട്ടനെ കിട്ടിയത് പോലൊരു ഭാഗ്യം വേറെ എന്താഉള്ളത്.. ഈ ജന്മത്തിൽ ഇങ്ങനെയൊക്കെ സന്തോഷിക്കാൻ പറ്റുമെന്ന് ഞാൻ കരുതിയതേ അല്ല..

ഏട്ടാ.. ഞാനൊരു കാര്യം പറയട്ടെ.. ഞാനിനിയും പ്രസവം നിർത്തിയിട്ടില്ലന്നറിയാല്ലോ.. എനിക്ക് ചേട്ടന്റെ കുഞ്ഞിനെ പ്രസവിക്കണം.

എനിക്കും ആഗ്രഹമുണ്ട്.. അങ്ങനെ സംഭവിക്കാൻ നമുക്ക് ശ്രമിക്കാം.. പിന്നെ.. അതോടെ നമ്മൾ വീടിന് പുറത്താകും..

അതിനെന്താ.. ആയ്ക്കോട്ടെ .. നമുക്ക് ചേട്ടൻ പറഞ്ഞപോലെ കാനഡയ്ക്ക് പോകാം.. എന്തായാലും മൂന്ന് വർഷം കൊണ്ട് ഈ ബന്ധം അവസാനിപ്പിക്കാൻ എനിക്ക് പറ്റില്ല.. എന്റെ മരണംവരെ ഏട്ടനാണിനി എന്റെ ഭർത്താവ്.. നമുക്ക് കുട്ടികൾ വേണം.

ശ്യാമിന് ഗീതയുടെ വാക്കുകൾ നൽകിയ സന്തോഷം പറഞ്ഞറിയിക്കാനാവാത്തതായിരുന്നു.

ആ ജോത്സ്യൻ അന്നങ്ങനെ പ്രവചിച്ചതിൽ ഞാനിപ്പോ എത്രമാത്രം സന്തോഷിക്കുന്നുണ്ടെന്നറിയോ.. എനിക്കാ ജോത്സ്യരെ കാണണം.. ഒരു ദക്ഷിണ കൊടുക്കണം.

അത് കേട്ടപ്പോൾ ശ്യാം വല്ലാതായി. അയാളെ ഇനി കാണുന്നത് ഒരിക്കലും ശരിയാവില്ല. സത്യം ഗീത അറിയാനിടയാവും എന്ന് ശ്യാമിന് തോന്നി. ഒപ്പം അവൻ ഒന്നുകൂടി ചിന്തിച്ചു..