ഞാൻ നിന്നോട് ചില സമയങ്ങളിൽ ദേഷ്യപ്പെട്ടിട്ടുണ്ട്.. തല്ലിയിട്ടുണ്ട്. അതൊക്കെ നിന്നോട് ഇഷ്ടക്കുറവുണ്ടായിട്ടല്ല. നിന്നെ എന്നിലേക്ക് അടുപ്പിക്കാൻ എന്റെ അച്ഛൻ നിന്നോട് സ്വീകരിച്ച അതേ രീതി ഞാനും ആവർത്തിച്ചതാ.. നിന്നോട് അങ്ങനെയൊക്കെ പെരുമാറുമ്പോൾ ഞാൻ മനസ്സ്കൊണ്ട് എന്റെ മുഖത്തടിക്കുകയായിരുന്നു. ഭാര്യയെ തല്ലുന്നത് ആണുങ്ങൾക്ക് ചേർന്ന രീതിയല്ല. എന്നോട് ക്ഷമിക്കണം. ഇനി അതുണ്ടാവില്ല..

ചേട്ടാ.. ഇനിയും കഴിഞ്ഞതിനെക്കുറിച്ചൊന്നും ഓർമ്മിപ്പിക്കണ്ട.. കഴിഞ്ഞത് കഴിഞ്ഞു. എനിക്ക് ചേട്ടന്റെ സ്നേഹം മനസ്സിലാവുന്നുണ്ട്. അത് വിവാഹത്തിന് മുന്നേ ഞാൻ മനസ്സിലാക്കിയതാണ്. അപ്പോഴൊക്കെ എന്റെ മനസ്സ് പൊരുത്തപ്പെടാതിരുന്നത് ബന്ധങ്ങളുടെ കെട്ടുപാട് ഓർത്തിട്ടാണ്. എന്നാലിന്ന് ഈ ജന്മത്ത് സന്തോഷിക്കാനുള്ള ഭാഗ്യം എന്റ ചേട്ടനിലൂടെ ആണെന്ന് ഞാൻ തിരിച്ചറിയുന്നു. ചേട്ടന്റെ അച്ഛൻ ഞങ്ങൾ ഒരുമിച്ച് ജീവിച്ച അത്രയും കാലം എന്നെ ഒരു അടിമയെ പോലെയാണ് കണ്ടത്. ഒരു മനുഷ്യസ്ത്രീ എന്ന പരിഗണന തന്നിരുന്നില്ല.

ഗീതേ.. Past is past.. ഇനി അതൊന്നും ഓർക്കണ്ട.. ഞാൻ എന്റെ ഭാര്യയെ എന്റെ പാർട്ട്ണർ ആയിട്ടാണ് കാണുന്നത്. equal partner. അതെന്നും അങ്ങനെ ആയിരിക്കും..

തിരിച്ച് വീട്ടിലെത്തിയപ്പോൾ കലിപൂണ്ട് നിൽക്കുകയായിരുന്നു ശ്യാമിന്റെ അച്ഛൻ. അയാൾക്കിപ്പോ മകനോടല്ല തന്റെ ഭാര്യ ആയിരുന്നവളോടാണ് ദേഷ്യം. അവൾ ചെറുപ്പക്കാരനെ കിട്ടിയപ്പോ അർമ്മാദിക്കുകയാണെന്ന് ആക്ഷേപിച്ചു.