Kunnincheruvile Kilivaathil 01

ഗൂഗിളിൽ ഒരുപാട് പരതിയാണ് ദേവ് ആ സ്ഥലം കണ്ട് പിടിച്ചത്. നീലഗിരി മലനിരകളുടെ ഭാഗമായിട്ടുള്ള ഒരു കൊച്ചു കുന്ന്. കൊളുക്പെട്ടി. പൂക്കൾ കൃഷി ചെയ്യുന്ന കോടമഞ്ഞു പുൽകി കിടക്കുന്ന മനോഹരമായ കുന്നിൻ ചെരുവ്. ദേവ് ഒരു സുഹൃത്ത് വഴി സ്ഥലത്തെ പറ്റി മനസിലാക്കി. അധികം ടൂറിസ്റ്റുകൾ വരാത്തതിനാൽ താമസിക്കാൻ ഹോട്ടലുകൾ ഒന്നുമില്ല. ഹോം സ്റ്റേ കിട്ടും. അങ്ങനെ തപ്പി പിടിച്ചു ഒരു സ്ഥലം കണ്ടെത്തി.

“ദി നെസ്റ്റ്”

ലാൻഡ്‌ലൈൻ നമ്പറിലേക്കു ഫോൺ ചെയ്തു.

ഹലോ…

ഹലോ…

ഗാംഭീര്യം ഉള്ള സ്ത്രീ ശബ്ദം.

ദേവ് : ക്യാൻ ഐ സ്പീക്ക് ടു യു ഇൻ ഇംഗ്ലീഷ്?

എസ് യു ക്യാൻ ഇൻ ഇംഗ്ലീഷ് , ഹിന്ദി , കന്നഡ ഓർ മലയാളം.

ദേവ് : മലയാളം അറിയുമോ?

അറിയാം പറഞ്ഞോളൂ.

ദേവ് : ഞാൻ ഒരു ഫോട്ടോഗ്രാഫറാണ്. എനിക്ക് കുറച്ചു ദിവസം താമസിക്കാൻ ഒരു സ്ഥലം വേണ്ടിയിരുന്നു. അതിനായിട്ടാണ് ഞാൻ വിളിക്കുന്നത്.

നിങ്ങൾക്കു ഇവിടെ സ്റ്റാർ ഹോട്ടൽ ഫെസിലിറ്റീസ് ഒന്നും കിട്ടില്ല. പക്ഷെ ഇവിടുത്തെ ജീവിതം തൊട്ടു മനസിലാക്കി ഞങ്ങളിൽ ഒരാളായി ഇവിടെ കഴിയാം.

ദേവ് : എനിക്കും അതാണ് വേണ്ടത്. പിന്നെ കുറച്ചു നല്ല ഫോട്ടോസും അത്‌ പോലെ അവിടുത്തെ നാടൻ ഭക്ഷണവും.

അതൊക്കെ നിങ്ങൾക്ക് ലഭിക്കും. പിന്നെ ആദിവാസികളുടെ നാടൻ തിരുമ്മു ചികിത്സയും വേണെമെങ്കിൽ അറേഞ്ച് ചെയ്യാം. നാട്ടിൽ നിങ്ങൾക് ഇതു പോലെ ഇത്ര കുറഞ്ഞ റേറ്ററിൽ തിരുമിക്കാൻ കഴിയില്ല.