സുന്ദരി – അവൾ ഫാൻ ഓഫാക്കാൻ അനുവാദം ചോദിക്കാൻ വിളിച്ചതായിരിക്കും എന്ന് ഞാൻ
ഊഹിച്ചു. അത് ശരി ആയിരുന്നു അടുത്ത് നിമിഷം ഫാൻ ഓഫായി.

ഇതിപ്പോ ലാഭായല്ലോ.. ഞാൻ മനസിൽ
ഓർത്തു.

ജനുവരി മാസം ആയതിനാൽ റൂമിൽ നല്ല തണുപ്പാണ്.

ഞാൻ ഓഫാക്കിയാൽ അനുവിന് എന്ത് തോന്നും എന്ന് വിചാരിച്ചാണ്, അല്ലെങ്കിൽ ഞാൻ എപ്പഴേ ഓഫാക്കിയേനെ.

അടുത്ത നിമിഷം അവൾ
എന്റെ അടുത്തേക്ക് വരുന്നത് ഞാൻ അറിഞ്ഞു. മാറിക്കിടന്ന എന്റെ പുതപ്പ് എടുത്ത് അവൾ
എന്നെ പുതപ്പിച്ചു.

എന്റെ കളരി പരമ്പര ദൈവങ്ങളെ, ഒറ്റ വലിക്ക് അവളെ എന്റെ
നെഞ്ചിലേക്ക് കിടത്തി ഉമ്മകൾ കൊണ്ട് മൂടാൻ പറഞ്ഞ എന്റെ മനസ്സിനെ കൺട്രോൾ ചെയ്യാൻ
ഞാൻ പെട്ടപാട്.

അവൾ എണീറ്റ് കട്ടിലിലേക്ക് വീണു, ഞാൻ പ്രണയം പൂത്തുലഞ്ഞ മനസ്സുമായി
ഉറക്കത്തിലേക്കും.

ഉറക്കമുണർന്നപ്പോൾ സമയം എട്ടുമണി കഴിഞ്ഞിരിക്കുന്നു.

നേരം വൈകി.. psc ക്ലാസിനു പോണം.

ഞാൻ മാറിക്കിടന്ന മുണ്ട് ഉടുത്തു കിടക്ക മടക്കി മൂലയിൽ വെച്ച് ഫോണും എടുത്ത്
പുറത്തിറങ്ങി.

ഉമ്മറത്തു അച്ഛമ്മ ആരോടോ നല്ല കത്തിയാണ്.

ഞാൻ നേരെ അടുക്കളയിലേക്ക്
നടന്നു. അനു പ്രാതലിനുള്ള തിടുക്കത്തിലുള്ള പണിയിൽ ആണ്. കുളി കഴിഞ്ഞിട്ടുണ്ട് എന്ന്
അവളുടെ നനഞ്ഞ മുടിയിഴകൾ വിളിച്ചു പറഞ്ഞു.

അവളും എണീക്കാൻ വൈകി എന്ന് ആ വെപ്രാളം കണ്ടപ്പോൾ മനസ്സിലായി. എന്നെ കണ്ടപ്പോൾ ആ തിടുക്കം കൂടി. എന്നെ നോക്കി ഒന്ന് ചിരിച്ചെന്ന് വരുത്തി അവൾ പറഞ്ഞു.

“പൽപ്പൊടി പുറത്ത് അമ്മിക്കല്ലിൻ്റെ മോളിലുണ്ട്. പല്ല് തേച്ചു വാ.. അപ്പോഴേക്കും ഞാൻ
ദോശ ഉണ്ടാക്കാം. “
“
വേണ്ട മേമേ നേരം വൈകി. ഞാൻ വീട്ടീന്ന് കഴിച്ചോളാം “

“അയ്യോ സോറി.. ഇത്ര നേരത്തെ പോണോന്ന് എനിക്കറിയില്ലാരുന്നു. എണീക്കാൻ കുറച്ചു വൈകി”.

അവൾ ചെറിയ ജാള്യതയോടെ പറഞ്ഞു.

“അത് സാരല്ല മേമേ, നാളെ തൊട്ട് ഞാൻ വിളിച്ചോളാം”.

ഞാൻ ചിരിച്ചുകൊണ്ട് പറഞ്ഞു.'

അത് കേട്ട് അവളും എന്നെ നോക്കാതെ ഒന്ന് ചിരിച്ചു.

“ന്നാപ്പിന്നെ ഞാൻ പോട്ടെ. ഇന്ന് ക്ലാസ്സിന് പോണം. ഞാൻ വൈകുന്നേരം വരാം “

“ആ. ന്നാ പൊയ്ക്കോ.. സമയം കളയണ്ട “.

നാളെതൊട്ട് ഇവിടുന്ന് പോവാം ചായ കുടിച്ചിട്ട്..അവൾ
എന്നെ നോക്കി പറഞ്ഞു.

‘ങ്ങാ..”

ഞാൻ അതും പറഞ്ഞു വേഗത്തിൽ ഉമ്മറത്തെത്തി. അച്ഛമ്മയോട് യാത്ര പറഞ്ഞു വീട്ടിലേക്ക്
പാഞ്ഞു.

വൈകുന്നേരം വരുമ്പോൾ ബൈക്ക് എടുക്കണം. ‘ ഞാൻ ഓർത്തു.

വീട്ടിൽ ചെന്നപ്പോ
എനിക്കുള്ള ബ്രേക്ക്ഫാസ്റ്റ് റെഡിയായിരുന്നു. മേമയുടെ വൈകി എണീക്കുന്ന സ്വഭാവം
അറിയാവുന്ന എന്റെ പൊന്നമ്മ എല്ലാം മുൻകൂട്ടി തയ്യാറാക്കിയിരിക്കുന്നു.

വേഗത്തിൽ കഴിച്ചു തീർത്ത്‌ അമ്മക്ക് പതിവ് ഉമ്മയും കൊടുത്ത് ബൈക്കെടുത്ത്‌ ക്ലാസിലേക്ക് പോയി.

അവിടെ ഇത്തിരി വൈകിയാലും ആരും ഒന്നും പറയില്ല പക്ഷെ പോവുന്ന ദിവസങ്ങളിൽ നേരത്തെ എത്തണമെന്ന് എനിക്ക് നിർബന്ധമായിരുന്നു.

സെന്ററിൽ എത്തി ക്ലാസ്സിന് കയറിയില്ല, പകരം റീഡിങ് റൂമിൽ കയറി നേരത്തെ ഹാജരായ
ബുജികൾക്ക് സലാം കൊടുത്ത് വായന ആരംഭിച്ചു. പക്ഷെ ശ്രദ്ധ കിട്ടുന്നില്ല .

ഓരോ പേജിലും അവളുടെ മുഖം നിറഞ്ഞു നില്ക്കുന്നപോലെ. ഇന്നലെ ഒരു ദിവസം കൊണ്ട് അവളുടെ വിവിധ ഭാവങ്ങൾ, ആ മാൻപേട കണ്ണുകൾ. അവളുടെ നിഷ്കളങ്കമായ ചിരി, തേങ്ങിയുള്ള കരച്ചിൽ, രാത്രിയിൽ ഒറ്റക്കായപ്പോൾ കണ്ട മുഖത്തെ പേടി. എല്ലാം തികട്ടി തികട്ടി വരുന്നു.

അവൾ ഒരു പത്രാസുകാരി ആണെന്നാണ് ഇന്നലെ വരെ തോന്നിയിരുന്നത്. എന്നാൽ വെറും
നാട്ടുമ്പുറത്ത്കാരി പൊട്ടിയാണെന്ന് ഇന്നലെ മനസ്സിലായി.

വിദ്യാഭ്യാസം ഉണ്ടെന്നെ ഒളളൂ, പിഞ്ച് മനസാണ് എന്റെ പെണ്ണിന്. ‘ ഞാൻ മനസ്സിൽ ഓർത്തു.

അവളെ ഓർത്തും ഫ്രെണ്ട്സിന്റെ കത്തി കേട്ടും വൈകുന്നേരം ആയതറിഞ്ഞില്ല.

സെന്ററിൽ നിന്നിറങ്ങി വണ്ടിയെടുക്കുമ്പോൾ അതാ അനുപമയുടെ കാൾ വരുന്നു.

ഇതെന്തിനാണാവോ?,
ആദ്യ റിങ്ങിൽ തന്നെ ഫോൺ എടുത്ത് ചെവിയിൽ വെച്ചു ഹലോ പറഞ്ഞു.

“ഹലോ കണ്ണാ “.

മറുതലക്കൽ അനുവിന്റെ പതിഞ്ഞ ശബ്ദം

“ആ എന്താ മേമേ “

“നിന്റെ കയ്യിൽ പൈസേണ്ടോ?

“ആ.. എന്തിനാ മേമേ”.

ഞാൻ ആകാംഷയോടെ ചോദിച്ചു

“നീ വരുമ്പോ കൊറച്ചു ചിക്കൻ വാങ്ങിക്ക്.. പൈസ ഞാൻ ഇവിടുന്ന് തരാം “

“ആ ഞാൻ കൊണ്ടുവരാം “

“ശരി എന്നാ”. അവൾ ഫോൺ വെച്ചു.

ഞാൻ മാർക്കറ്റിൽ പോയി രണ്ട് കിലോ ചിക്കനും ഒരുകിലോ വേറെയും മേടിച്ചു അത് രണ്ടും
കവറിലാക്കി അത് വണ്ടിയുടെ മുന്നിൽ വെച്ചു വീട്ടിലേക്ക് തിരിച്ചു.

വീട്ടിൽ ചെന്ന്
അമ്മയുടെ കയ്യിൽ ഒരു കിലോ കവർ കൊടുത്തപ്പോൾ ഇതെന്താ ഇന്ന് പറയാതെ വാങ്ങിയത് എന്ന
മട്ടിൽ അമ്മ എന്നെ നോക്കി.

“മേമ അവിടേക്ക് മേടിക്കാൻ പറഞ്ഞു., അപ്പൊ പിന്നെ ലച്ചൂനും കൂടെ മേടിക്കാന്ന് വെച്ചു.”

“ഓ നീ ഇപ്പോ അവിടുത്തെ ആളാണല്ലോ “

“പോടീ കുശുമ്പി പാറു “. ഞാൻ അമ്മയെ പിറകിൽ നിന്ന് കെട്ടിപിടിച്ചു കവിളിൽ കടിച്ചു.

“ആഹ് ഡാ. നില്ലെടാ പന്നീ അവിടെ. നിന്നെ ഞാനിന്ന് കൊല്ലും “.
കടിയുടെ വേദനയിൽ അമ്മ എന്റെ പിന്നാലെ ഓടി. ഞാൻ അടുക്കളയിൽ കയറി. പക്ഷെ, അമ്മ വാതിൽ അടച്ചു എന്നെ ബ്ലോക്ക്‌ ചെയ്തു.

എന്നെ വരിഞ്ഞു മുറുക്കി അതു പോലെ തിരിച്ചൊരു കടി
കവിളിൽ.

വേദന കൊണ്ട് കണ്ണിൽ നിന്ന് വെള്ളം വന്നു.

”ആ അമ്മേ മതി വേദനിക്കുന്നു ”.

സംഗതി കൈവിട്ടെന്നു മനസ്സിലാക്കിയ അമ്മ മെല്ലെ
പിന്മാറി എന്നെ നോക്കി ഒരു അളിഞ്ഞ ചിരി ചിരിച്ചു.

“സോറി ടാ മുത്തെ അമ്മേടെ കണ്ണന് വേദനിച്ചോടാ “..

അമ്മ എന്റെ കവിളിൽ തഴുകിക്കൊണ്ട് പറഞ്ഞു

“അത് സാരമില്ല ലച്ചു. ഇവിടെ രാത്രി ഒറ്റക്കിരിക്കുമ്പോൾ എന്റെ അമ്മക്കുട്ടിക്ക് ഓർക്കാൻ എന്തെങ്കിലും വേണ്ടേ “.

ഞാൻ അമ്മയെ കെട്ടിപിടിച്ചുകൊണ്ട് പറഞ്ഞു.

”ആ ഡാ നീ ഇല്ലാത്തത് കൊണ്ട് ഒരു രസവും ഇല്ല. പിന്നെ ആ പാവം പെണ്ണിന്റെ കാര്യം ആയതു
കൊണ്ടാണ് അല്ലേൽ എന്റെ പൊന്നിനെ ഞാൻ വിടില്ലാരുന്നു”.

എന്റെ കവിളിൽ
ഉമ്മവെച്ചുകൊണ്ടത് പറയുമ്പോൾ അമ്മയുടെ കണ്ണിൽ ഉറവ പൊടിഞ്ഞിരുന്നു.

”എന്നാപ്പിന്നെ അമ്മക്ക് അവിടെ വന്നു നിക്കരുതോ?.

“അതൊന്നും വേണ്ട അമ്മേടെ പൊന്ന് എന്നും നേരത്തെ ഇങ്ങു വന്നാ മതി. “.

“എന്റെ ലച്ചൂട്ടീടെ അടുത്തല്ലാതെ വേറെ എവിടെക്കാ ഞാൻ വരാ…
എനിക്കെന്റെ അമ്മ കഴിഞ്ഞേ വേറെ ആരും ഉള്ളൂ “

“അയ്യടാ സുഖിച്ചു. നീ വേഗം ഈ ചിക്കൻ കൊണ്ട് കൊടുത്തേ മതി സ്നേഹിച്ചത്”.

അമ്മ ചിരിച്ചുകൊണ്ട് പറഞ്ഞു.

ഞാൻ ചിരിയോടെ അമ്മയുടെ പിടിവിടീച്ചു കുളിമുറിയിൽ കയറി ഷവർ ഓണാക്കി.

സത്യത്തിൽ എന്റെ അമ്മ കഴിഞ്ഞിട്ടേ ഒള്ളൂ എനിക്കാരും. അത് അനുവാണെങ്കിൽ പോലും.

അവൾ എങ്ങെനെ രണ്ടാം സ്ഥാനം കരസ്ഥമാക്കി എന്ന് എനിക്ക് എപ്പോഴും അത്ഭുതമാണ്.

എന്റെ അച്ഛന്റെ ഉള്ളിൽ, അമ്മ എന്നോട് കാണിക്കുന്നതിന്റെ പതിന്മടങ്ങ് സ്നേഹം ഉണ്ടെന്ന്
എനിക്കറിയാം. പക്ഷെ അച്ചന്മാർ അങ്ങനെ ആണല്ലോ!

ധൃതിയിൽ കുളി കഴിഞ്ഞു പുറത്തിറങ്ങി ഡ്രസ്സ്‌ മാറ്റി പോകാനൊരുങ്ങുമ്പോൾ അമ്മ
വിളിച്ചു.

“ഡാ പട്ടി. എനിക്ക് തന്നിട്ട് പോടാ !

ഇതൊരു പതിവാണ്. എങ്ങോട്ടെങ്കിലും പോവുന്നതിനു മുന്നേ അമ്മയുടെ കവിളിൽ ഒരുമ്മ !! പണ്ട് അങ്കണവാടിയിൽ പോവുമ്പോൾ മുതലുള്ള ശീലമാണ്.

ഞാൻ അമ്മക്ക് ഉമ്മ
കൊടുത്ത് വേഗം ബൈക്കും എടുത്ത് നേരെ തറവാട്ടിലേക്ക് വീട്ടു.

അവിടെ എത്തിയപ്പോൾ തലെ
ദിവസത്തെ അതെ കാഴ്ച തന്നെ.

എന്നെ കണ്ടതും അനു എന്റെ അടുത്തേക്ക് വന്നു. അവളുടെ ആ
വരവ് കണ്ടു എനിക്ക് ചിരിയാണ് വന്നത്.

ഒട്ടും ചേരാത്ത ഒരു മാക്സിയാണ്
ധരിച്ചിരിക്കുന്നത്‌.
സൈസ് ശരിയാവാത്തത്‌ കൊണ്ട് അവളുടെ ചെറിയ തല മാത്രം അതിൽ നിന്ന് എടുത്ത് കാണിക്കുന്നു.

അവൾ വളരെ പ്രയാസപ്പെട്ടാണ് നടക്കുന്നത്. ഞാൻ വായ പൊത്തി
ചിരിച്ചു .അത് അവൾ കാണുകയും ചെയ്തു .

അവൾക്ക് ചിരിയും വരുന്നുണ്ട് നാണവും വരുന്നുണ്ട്.

“എന്താ ഇത്ര ഇളിക്കാൻ?.

എന്നെ അമ്പരപ്പെടുത്തിക്കൊണ്ട് അവൾ ചോദിച്ചു

“ആരാ പിടിച്ചു രൂപക്കൂട്ടിൽ കയറ്റിയത്? “

ഞാ.ൻ ചിരിയോടെ ചോദിച്ചു.

“പോടാ. നീ ഞാൻ പറഞ്ഞത് വാങ്ങിയോ?.

“ആ വാങ്ങി. ഇതാ”.

ഞാൻ ചിക്കൻ പൊതി എടുത്ത് കയ്യിൽ കൊടുത്ത്.. ബൈക്കിൽനിന്ന് ഇറങ്ങി.
അവളോടൊപ്പം നടന്നു.

“എന്നാലും എന്റെ മേമേ ഇങ്ങനെ കോമഡി ആവല്ലേ. പോയി മാറ്റിക്കെ ഈ ഊള വേഷം “.

“അത്രക്ക് ബോർ ആണോ?.”

അവൾ നിഷ്കളങ്കമായി ചുണ്ട് കോട്ടി ചോദിച്ചു.

പരമ ബോർ. ഇതൊക്കെ ഒരു പത്തു പതിനഞ്ച് വർഷം കഴിഞ്ഞ് ഇട്ടാൽ മതി. ഇപ്പൊ പോയി വല്ല
മിഡിയും ടോപ്പും ഇടൂ “.

കിട്ടിയ ഗ്യാപ്പിൽ ഞാൻ എന്റെ ആഗ്രഹം പറഞ്ഞു. [ തുടരും )