“അതേടാ… ചില്ലറ ധൈര്യം ഒന്നും പോരാ… എടാ ഞാൻ പറഞ്ഞത് സത്യമാ നിന്റെ ചേട്ടത്തി റിൻസിയും അവളുടെ വീട്ടുകാരും നല്ല കാഞ്ഞ വിത്തുകളാ. ”

“നീ എങ്ങനെ ഇതറിഞ്ഞു? ”

“നിന്റെ ചേട്ടൻ മണ്ണുണ്ണിയ്ക്ക് ഈ കാര്യം അറിയില്ല… ആറു മാസം മുന്നേ അങ്ങേരു റിൻസിയോട് പറയാതെയോ മറ്റോ ഒരു മാല പണയം വയ്ക്കാൻ ബാങ്കിൽ വന്നു.

നിന്റെ ചേട്ടൻ നാട്ടിൽ അത്യാവശ്യം നല്ല ഇമേജ് ഉള്ള ആളായോണ്ട് മാനേജർ ഒന്നും നോക്കാതെ ക്യാഷ് കൊടുത്തു.

ദേ ചേട്ടൻ പോയ പിന്നാലെ റിൻസി ഓടി കിതച്ചുകൊണ്ട് വന്ന് പാപ്പച്ചൻ മുതലാളിയോട് ഇച്ചായൻ വച്ചതു മുക്കുപണ്ടമാണെന്ന് പറഞ്ഞു.

പാപ്പച്ചൻ മുതലാളി പോലീസിൽ പറയും എന്ന് പറഞ്ഞ് ഭീഷണിപ്പെടുത്തിയപ്പോളാണ് സത്യകഥ മുഴുവൻ ഇങ്ങ് പോന്നത്.

125 ഇൽ 100 ഉം മുക്കുപണ്ടം ആണെന്നുള്ള സത്യം. ”

“എന്നിട്ട്? എന്നിട്ടെന്താ പോലീസിൽ കംപെയിന്റ് കൊടുക്കാത്തെ? ”

“ആഹ്… അവിടെയാണ് കളി… നിന്റെ ചേട്ടന് ചെന്നൈയിൽ ജോലി കൂടാതെ എന്തോ ബിസിനസ്‌ ചെയ്യാനും പ്ലാൻ ഉണ്ടാർന്നു. റിൻസിയുടെ സ്വർണം പണയം വച്ചു പൈസ കണ്ടെത്താൻ പദ്ധതിയും ഉണ്ടായിരുന്നു. ”

“അതിന്? ”

“എടാ അവിടെയാണ് പാപ്പച്ചൻ മുതലാളി ബിസിനസ്‌ ട്രിക്ക് ഇറക്കിയത് ”

“എന്ത് ട്രിക്ക്? ”

“അതായതു വിനു… നിന്റെ റിൻസി ചേച്ചി നിന്റെ ചേട്ടന് പണത്തിനു ആവശ്യം വരുമ്പോൾ എല്ലാം സ്വർണം ബാങ്കിൽ പണയം വയ്ക്കും… വ്യാജ സ്വർണമാണെന്നു പാപ്പച്ചൻ മൊതലാളിക്കല്ലേ അറിയൂ…