റിൻസിചേച്ചി പോയപിന്നാലെ ഞാൻ ബാങ്കിനകത്ത് കയറി ബിനോയിയെ കണ്ടു. ബിനോയ്‌, അതായത് എന്റെ സുഹൃത്ത്‌, അസിസ്റ്റന്റ് മാനേജർ. ഞാനും അവനും കുറച്ച് നേരം കുശാലാന്നെഷണമൊക്കെ പറഞ്ഞ് ഞാൻ വന്നകാര്യം അവനെ അറിയിച്ചു.

അവൻ അപ്പോൾത്തന്നെ ഒരു സ്റ്റാഫിനെ വിളിച്ച് മോതിരം ഏൽപ്പിച്ചു ക്യാഷ് എടുത്തു എനിക്ക് തരാൻ പറഞ്ഞിരുന്നു.
“എടാ ബിനോയ്.. തൊട്ടു മുൻപ് ഇവിടുന്നു ഇറങ്ങിപ്പോയ സ്ത്രീ ഇവിടെ എന്തിന് വന്നതാണ്? ”

“ഏത് ആ മഞ്ഞ ചുരിദാറോ? ”

“അതേടാ… അത് തന്നെ.. റിൻസി ചേച്ചി”

“അമ്പട വിനുവേ.. നീ അപ്പോളേക്കും പേരും കണ്ടു പിടിച്ചോ? ”

“ആഹ് എനിക്ക് പരിചയമുണ്ട്.. നീ കാര്യം പറ… അവർ എന്തിന് വന്നതാ? ”

“ഓഹ് അതൊരു ഉടായിപ്പ് കേസ് ആണ്… സ്വർണം പണയം വയ്ക്കാൻ തന്നെ വന്നതാ.. പക്ഷെ ഇത്തിരി ഉടായിപ്പാ ”

“എന്ത് ഉടായിപ്പ്? ”

“അതൊക്കെ സീക്രെട് ആണ് മോനെ ”

“എടാ നീ പറ… എടാ അത് എന്റെ ചേടത്തിയാണ് ”

“ആര്.. റിൻസിയൊ? ”

“അതേടാ, എന്റെ ചേട്ടച്ചാരുടെ ഭാര്യ “

അത് കേട്ടതും ബിനോയ്‌ പെട്ടെന്ന് കുറച്ച് നേരം ഒന്ന് ചിന്തിച്ചിരുന്നു.

“വിനു, സംഭവം കുറച്ച് വശപ്പെശകാണ്‌… ഒരു തരം ഫ്രോഡ് പരിപാടി ആണ് റിൻസി ഇവിടെ ചെയ്യുന്നത് ”

“ഫ്രോഡ് പരിപാടിയൊ? “

എന്റെ ചങ്കിടിപ്പ് കൂടി.. (തുടരും)